“அதுல தான் நான் ஸ்பெஷலிஸ்ட்டே” - பாக்., - ஆப்கானிஸ்தானுக்கு டிரம்ப் சொன்ன முக்கிய செய்தி... ஷாக்கான உலக நாடுகள்...!

“போர்களைத் தீர்ப்பதில் நான் வல்லவன்” என்று அமெரிக்க அதிபர் டொனால்ட் டிரம்ப் மீண்டும் தன்னை தானே சுயதம்பட்டம் அடித்துக் கொண்டுள்ளார். காசாவில் இரண்டு வருட மோதலை முடிவுக்குக் கொண்டு வந்தவரும் வகையில் இஸ்ரேலுக்கும் ஹமாஸுக்கும் இடையிலான போர்நிறுத்தத்திற்கு மத்தியஸ்தம் செய்தவரும் நானே என்றும் தெரிவித்திருக்கிறார். இது தான் தீர்த்த எட்டாவது போர் என்றும், வரி அச்சுறுத்தலால் இந்தியாவுக்கும் பாகிஸ்தானுக்கும் இடையிலான பதட்டங்களை 24 மணி நேரத்திற்குள் நிறுத்த முடிந்தது என்றும் பெருமை தெரிவித்துள்ளார். 

உலகெங்கிலும் உள்ள மோதல்களைத் தீர்ப்பது குறித்து அமெரிக்க அதிபர் டொனால்ட் டிரம்ப் மீண்டும் ஒருமுறை பரபரப்பான கருத்துக்களைத் தெரிவித்துள்ளார். போர்களை நிறுத்துவதில் தான் ஒரு நிபுணர் என்று அவர் கூறியுள்ளார். இரண்டு வருட காசா போர் இப்போதுதான் முடிவுக்கு வந்ததாக கூறிய அவர், இஸ்ரேலுக்கும் ஹமாஸுக்கும் இடையிலான போர் நிறுத்த ஒப்பந்தத்தை ஏற்படுத்துவதில் தனது மத்தியஸ்தம் முக்கிய பங்கு வகித்ததாக தெரிவித்தார். 

இஸ்ரேலுக்குச் செல்லும்போது ஏர்ஃபோர்ஸ் ஒன்னில் செய்தியாளர்களிடம் பேசிய டொனால்ட் டிரம்ப் இந்தக் கருத்துக்களைத் தெரிவித்துள்ளார். தனது பதவிக் காலத்தில் உலகில் பல மோதல்களைத் தீர்த்துவிட்டதாக பெருமிதம் தெரிவித்தார். இதுவரை ஏழு போர்களை நிறுத்தியுள்ளதாகவும், இஸ்ரேலுக்கும் ஹமாஸுக்கும் இடையிலான போரை நிறுத்த கடுமையாக உழைத்துள்ளதாகவும் கூறினார். இந்த சமீபத்திய போருடன், மொத்தம் எட்டு போர்களை நிறுத்திவிட்டதாக அவர் தெரிவித்தார். அடுத்து பாகிஸ்தான்-ஆப்கானிஸ்தான் எல்லையில் உள்ள பதட்டங்கள் குறித்து கவனம் செலுத்துவேன் என்றும் கூறியுள்ளார். 

இதையும் படிங்க: #BREAKING: அமைதிக்கான நோபல் பரிசு அறிவிப்பு... வெனிசுலாவின் மரியா கொரீனா மச்சாடோ தேர்வு...!

போர்களை ராஜதந்திர வழிமுறைகள் மூலம் மட்டுமல்ல, பொருளாதாரக் கொள்கைகள் மூலமாகவும் தீர்க்க முடியும் என்பதை தாம் நிரூபித்துள்ளதாக டிரம்ப் கூறினார். இந்தியாவிற்கும் பாகிஸ்தானுக்கும் இடையிலான மோதலைப் பற்றி குறிப்பிட்ட அவர், வரி அச்சுறுத்தலை மட்டுமே அடிப்படையாகக் கொண்டு சில போர்களைத் தீர்த்து வைத்துள்ளதாக அவர் கூறினார். இந்தியா-பாகிஸ்தான் அவற்றில் ஒன்று என்றும் என்றும் கூறினார். நீங்கள் போருக்குச் செல்ல விரும்பினால், இரண்டு நாடுகள் மீதும் 100, 150, 200 சதவீதம் என்ற மிகப்பெரிய வரிகளை விதிப்பேன் என்று பாகிஸ்தானையும் இந்தியாவையும் எச்சரித்ததை டிரம்ப் நினைவு கூர்ந்துள்ளார். 

வரிகளை விதிப்பதாக அவர் கூறியபோது, ​​சர்ச்சை 24 மணி நேரத்திற்குள் தீர்க்கப்பட்டதாக டிரம்ப் கூறினார். வரிகளை விதிக்காமல் இருந்திருந்தால், அந்தப் போரை நீங்கள் ஒருபோதும் தீர்க்க முடியாது என்று கூறி, டிரம்ப் தனது ராஜதந்திர திறமைகளைப் பற்றி பெருமையடித்துக் கொண்டார். சர்ச்சைகளைத் தீர்ப்பதில் யாராலும் தன்னை ஈடுசெய்ய முடியாது என்றும், இது தொடர்பாக அவரது சாதனை மிகவும் சிறப்பாக உள்ளது என்றும் அவர் நம்பிக்கை தெரிவித்தார். 

குறிப்பாக, இஸ்ரேலுக்குச் செல்வதற்கு முன்பு ஊடகங்களிடம் பேசிய அவர், பாகிஸ்தானுக்கும் ஆப்கானிஸ்தானுக்கும் இடையே இப்போது ஒரு போர் நடந்து கொண்டிருப்பதாகக் கேள்விப்பட்டதாகக் கூறினார். அமெரிக்கா திரும்பும் வரை காத்திருக்க வேண்டும் என்றும், ஏனெனில் போர்களை நிறுத்துவதில் தான் ஒரு நிபுணர் என்றும் அறிவித்தார். பல ஆண்டுகளாக நடந்து வரும் போர்களை ஒரே நாளில் தீர்த்துவிட்டதாகவும், இந்த முயற்சியின் மூலம் மில்லியன் கணக்கான உயிர்களைக் காப்பாற்றியதாகவும் கூறியுள்ளார். 

அமைதிக்கான நோபல் பரிசு குறித்து கேட்டபோது, ​​விருதுகளுக்காக இந்த முயற்சிகள் அனைத்தையும் செய்யவில்லை.  தனது ராஜதந்திர முயற்சிகளின் ஒரே நோக்கம் மக்களின் உயிரைக் காப்பாற்றுவதாகும் என்று டிரம்ப் கூறினார். தற்போது, ​​டொனால்ட் டிரம்ப் கூறிய இந்தக் கருத்துக்கள் சர்வதேச அளவில் வைரலாகி வருகின்றன. 

இதையும் படிங்க: இதுக்கு நான் அனுமதிக்கவே மாட்டேன்! இஸ்ரேல் - பாலஸ்தீனம் விவகாரம்! ட்ரம்ப் கறார்!