திமுக அரசு கொண்டு வந்த மெகா டெண்டர் ரத்து... சி.எம். விஜய் அதிரடி உத்தரவு...இதுதான் காரணமா?

சிங்கப்பெருமாள் கோவில் முதல் பூஞ்சேரி வரையிலான 10 வழிச்சாலை திட்டத்திற்கான டெண்டரை தமிழக வெற்றிக் கழக அரசு ரத்து செய்துள்ளது. இது குறித்து கூடுதல் விவரங்களுடன் நமது செய்தியாளர் கண்ணன் இணைந்துள்ளார். முழு விவரங்களையும் அவர் பதிவு செய்யலாம்.

கடந்த திமுக ஆட்சியில், மாமல்லபுரம் வரையிலான காட்டுப்பாக்கம் முதல் மாமல்லபுரம் பூஞ்சேரி வரையிலான சென்னை எல்லை சாலை திட்டத்தின் கீழ், ஐந்து கட்டங்களாக 10 வழிச்சாலை அமைக்க திட்டமிடப்பட்டது.

அதன்படி, கடந்த திமுக ஆட்சியிலேயே நான்கு கட்டப் பணிகளுக்கு டெண்டர் கோரப்பட்டு, பணிகள் தற்போது நடைபெற்று வருகின்றன. ஐந்தாவது கட்டமாக, சிங்கப்பெருமாள் கோவில் முதல் பூஞ்சேரி வரையிலான பணிகளை மேற்கொள்ள கடந்த ஆண்டு நவம்பர் மாதம் டெண்டர் கோரப்பட்டது. சுமார் ரூ.200 கோடி மதிப்பில் 10 வழிச்சாலை அமைப்பதற்கான பணிகளுக்காக இந்த டெண்டர் கோரப்பட்டது.

இதையும் படிங்க: நாடே அதிரும் கொடூர வழக்கு..! திமுக கப்சிப்..! வாய தொறங்க ஸ்டாலின்..! தவெக தாக்கு..!!

இதையடுத்து, கடந்த நவம்பர் மாதம் டெண்டர் கோரப்பட்ட நிலையில், இந்த ஆண்டு ஜனவரி மாதம் அதற்கான தொழில்நுட்ப ஒப்பந்தப் புள்ளிகள் திறக்கப்பட்டன. தொடர்ந்து, மார்ச் மாதம் தொகை தொடர்பான ஒப்பந்தப் புள்ளிகளும் திறக்கப்பட்டு, குறைவான தொகையை குறிப்பிட்ட எல்1 நிறுவனமும் தேர்வு செய்யப்பட்டது.

இதனைத் தொடர்ந்து, தேர்தல் காரணமாக பணி ஆணை வழங்கப்படாமல் இருந்தது. இந்நிலையில், தமிழக வெற்றிக் கழக அரசு இந்த டெண்டரை தற்போது ரத்து செய்துள்ளது. தமிழக வெற்றிக் கழக அரசு ஆட்சிப் பொறுப்பேற்று சுமார் நான்கு மாதங்களுக்குப் பிறகு, நிர்வாக காரணங்களைக் கூறி இந்த டெண்டர் ரத்து செய்யப்பட்டுள்ளது.

மிகவும் முக்கியமாகக் குறிப்பிட வேண்டியது என்னவென்றால், இந்த சென்னை எல்லை சாலை திட்டமானது ஜப்பான் சர்வதேச கூட்டுறவு முகமை எனப்படும் ஜைக்கா (JICA) அமைப்பின் நிதியுதவியுடன் செயல்படுத்தப்பட்டு வருகிறது. அதன்படி, திட்டப் பணிகள் ஒரே காலகட்டத்தில் செயல்படுத்தப்பட்டால்தான் ஒரே அளவில் நிதியுதவி கிடைக்கும்.

ஆனால், முறையாக டெண்டர் விடப்பட்டு, குறைவான தொகையை குறிப்பிட்ட எல்1 நிறுவனம் தேர்வு செய்யப்பட்டுள்ள நிலையில், நான்கு மாதங்களுக்குப் பிறகு நிர்வாக காரணங்களைக் கூறி தமிழக வெற்றிக் கழக அரசு இந்த டெண்டரை தற்போது ரத்து செய்துள்ளது. இதன் காரணமாக, இந்த திட்டம் மேலும் தாமதமாகும் நிலை உருவாகியுள்ளது.

இதையும் படிங்க: கனிம சுரங்கத்திற்காக குமரியை அழிப்பதா.? செப்.26 ல் ஆர்ப்பாட்டம்..! தமிழக வாழ்வுரிமைக் கட்சி அறிவிப்பு.!