முண்டியடிக்கும் தவெக தொண்டர்கள்... போலீசார் தடியடி..! பதற்றம்..!

புதுச்சேரியின் உப்பளம் துறைமுக வளாகத்தில் இன்று நடைபெறவிருக்கும் விஜய் மக்கள் சந்திப்பு நிகழ்ச்சி, கட்சியின் முதல் பெரிய அளவிலான பொதுக்கூட்டமாக அமைய உள்ளது. கரூரில் ஏற்பட்ட சமீபத்திய கூட்ட நெரிசல் சம்பவத்தைத் தொடர்ந்து தற்காலிகமாக நிறுத்தப்பட்டிருந்த விஜயின் அரசியல் செயல்பாடுகள், இந்த நிகழ்ச்சியுடன் மீண்டும் தொடங்குகின்றன. இது வெறும் ஒரு பொதுக்கூட்டம் என்பதை விட, தமிழகம் மற்றும் புதுச்சேரி அரசியலில் ஒரு புதிய உத்வேகத்தை ஏற்படுத்தும் நிகழ்வாகக் கருதப்படுகிறது.உப்பளம் துறைமுக வளாகம், புதுச்சேரியின் கடலோரப் பகுதியில் அமைந்துள்ள இந்த இடம், அதன் அகலமான திறந்தவெளி மற்றும் போக்குவரத்து வசதிகளால் பொதுக்கூட்டங்களுக்கு ஏற்ற ஒரு இடமாகத் தேர்ந்தெடுக்கப்பட்டுள்ளது.

நிகழ்ச்சி காலை 10:30 மணிக்கு தொடங்கி, விஜய் தனது உரையை நேரடியாக மக்களுடன் பகிர்ந்துகொள்ளும் வகையில் ஏற்பாடுகள் செய்யப்பட்டுள்ளன. மேடை இன்றி, திறந்தவெளியில் நின்றபடி விஜய் பேச உள்ளார். இது கரூர் சம்பவத்தின் பாடங்களைப் பயன்படுத்தி, பாதுகாப்பை உறுதிப்படுத்தும் ஒரு புதுமுறை அணுகுமுறையாகப் பார்க்கப்படுகிறது. கட்சியின் பொதுச் செயலாளர் புஸ்ஸி ஆனந்த் தலைமையில் நடைபெறும் ஏற்பாடுகள், கடந்த சில நாட்களாக தீவிரமடைந்துள்ளன. மைதானத்தை சுத்தம் செய்தல், அழகுபடுத்தல் மற்றும் தொழில்நுட்ப ஏற்பாடுகள் போன்றவை இப்போது முடிவுக்கு வந்துள்ளன.

பலத்த பாதுகாப்புக்கு பின்னரே தொண்டர்கள் அனுமதிக்கப்படுகிறார்கள். ஐந்தாயிரம் பேருக்கு மட்டுமே அனுமதி வழங்கப்படும் என்ற நிபந்தனை விதிக்கப்பட்டுள்ள நிலையில் அனுமதி சீட்டு வைத்திருப்பவர்களுக்கு மட்டுமே பொதுக்கூட்டத்தில் பங்கேற்க அனுமதி வழங்கப்படுகிறது. இந்த நிலையில், புதுச்சேரியில் தவெக பொதுக்கூட்ட இடத்திற்கு செல்ல தமிழக வெற்றிக் கழகத் தொண்டர்கள் முண்டியடித்து க்கொண்டு சென்றனர்.

இதையும் படிங்க: விஜய் மக்கள் சந்திப்புக்கு துப்பாக்கியுடன் வந்த நபர்... போலீஸ் தீவிர விசாரணை.. பரபரப்பு...!

பொதுக் கூட்டத்திடலின் நுழைவு வாயிலை மூடி போலீசார் லேசான தடியடி நடத்தியதால் பரபரப்பு ஏற்பட்டது. பாதுகாப்புக்கு நிறுத்தப்பட்டிருந்த போலீசாரை தள்ளிக் கொண்டு ஏராளமான ஒரு நுழைந்ததால் பதற்றமான சூழ்நிலை ஏற்பட்டது. தொடர்ந்து தமிழக வெற்றி கழகத்தின் பொதுச்செயலாளர் ஆனந்த் உடனடியாக சென்று ஒருவர் பின் ஒருவராக அனுப்பி வைத்தார். 

இதையும் படிங்க: எல்லாம் நல்லபடியா நடக்கணும் முருகா... விஜய்- காக மொட்டை போட்ட பெண்...!