தவெக தலைவர் விஜய் வாகனத்தில் அதிரடி சோதனை..! தேர்தல் பறக்கும் படை தீவிர கண்காணிப்பு..!!

2026 சட்டமன்றத் தேர்தல் நெருங்கியுள்ள நிலையில், தேர்தல் ஆணைய விதிமுறைகளுக்கு உட்பட்டு, வீடு வீடாக வாக்கு சேகரிப்பு, தெரு முனை கூட்டங்கள், பொதுக் கூட்டங்கள் என பல்வேறு வடிவங்களில் அரசியல் கட்சிகள் சார்பில்பிரச்சாரம் முன்னெடுக்கப்படுகிறது. பல தொகுதிகளில் வேட்பாளர்கள் தங்கள் கட்சித் தொண்டர்களுடன் சேர்ந்து வாக்காளர்களை நேரடியாக சந்தித்து, “ஒரு முறை வாய்ப்பு கொடுங்கள், தலைமுறைக்கும் மாற்றம் வரும்” என்ற முழக்கத்துடன் மக்களிடம் சென்று கொண்டிருக்கின்றனர்.

தமிழகத்தில் தனித்துப் போட்டியிடும் தமிழக வெற்றிக்கழகம், 234 தொகுதிகளிலும் வேட்பாளர்களை களம் இறக்கியது. விஜய் ஒவ்வொரு தொகுதியிலும் போட்டியிடும் வேட்பாளர்களை ஆதரித்து பிரச்சாரம் மேற்கொண்டு வருகிறார்.

இந்த நிலையில், காரைக்குடியில் தமிழக வெற்றிக்கழக தலைவர் விஜய் இன்று பிரச்சாரம் மேற்கொள்கிறார். தமிழக வெற்றிக்கழக வேட்பாளர்களை ஆதரித்து அவர் பரப்புரை செய்கிறார். இந்த நிலையில் சென்னையில் இருந்து தனி விமானம் மூலம் புறப்பட்ட விஜய் மதுரை சென்றடைந்தார். அங்கிருந்து சாலை மார்க்கமாக விஜய் காரைக்குடிக்கு சென்றுள்ளார்.

இதையும் படிங்க: காரைக்குடியில் சூறாவளி பிரச்சாரம்..!! மதுரை சென்றடைந்த விஜய்... தொண்டர்கள் குஷி..!!

மதுரை விமான நிலையத்தில் இருந்து புறப்பட்ட விஜய்க்கு வழி நெடுகிலும் தொண்டர்கள் உற்சாக வரவேற்பு கொடுத்தனர். இந்த நிலையில் தமிழக வெற்றி கழக தலைவர் விஜய் பரப்புரை வாகனத்தில் தேர்தல் பறக்கும் படையினர் தீவிர சோதனை நடத்தினர். தேர்தல் நடத்தை விதிகள் அமலில் இருப்பதால் பொதுமக்கள் மட்டும் இல்லாது பல்வேறு அரசியல் கட்சியினர் வாகனங்களிலும் பறக்கும் படை சோதனை நடத்தப்பட்டு வருகிறது. இந்த நிலையில் விஜய் பரப்பரை வாகனத்தில் தீவிர சோதனை நடத்தப்பட்டது. 

இதையும் படிங்க: யாருமே எதிர்பார்க்காத ட்விஸ்ட்... வாண்டடாக வம்பிழுக்கும் விஜய்... பயண திட்டத்தில் திடீர் மாற்றம்...!