ஹர ஹர மகாதேவ்… சிதம்பரம் நடராஜர் கோயிலில் ஆருத்ரா தரிசன தேரோட்டம்… விண்ணைப் பிளந்த கோஷம்…!

சிதம்பரம் தில்லை நடராஜர் கோவிலில் 2026 ஆம் ஆண்டு ஆருத்ரா தரிசனத் திருவிழா வெகு விமரிசையாகக் கொண்டாடப்பட்டது. இந்த விழா, சிவபெருமானின் ஆனந்தத் தாண்டவத்தை போற்றும் மிகச் சிறப்புமிக்க நிகழ்வாகும். பஞ்சபூத ஸ்தலங்களில் ஆகாய ஸ்தலமாக விளங்கும் சிதம்பரம் கோவில், நடராஜரின் கனகசபையில் இந்தத் தரிசனம் உலகப் புகழ்பெற்றது.விழா டிசம்பர் 25 அன்று கொடியேற்றத்துடன் தொடங்கியது.

வேத மந்திரங்கள் முழங்க, தீட்சிதர்கள் சிறப்புப் பூஜைகள் செய்து கொடி ஏற்றினர். அதன்பிறகு தினசரி பஞ்சமூர்த்திகள் வீதி உலா, வாகனங்களில் எழுந்தருளல் போன்ற நிகழ்வுகள் நடைபெற்றன. ஒன்பது நாட்களாக மாலை நேரத்தில் மாணிக்கவாசகர் சுவாமி சன்னதிக்கு வந்து திருவெம்பாவை பாடல் இசைக்கப்பட்டது. சிறப்பு தீபாராதனைகள் நடந்தன.விழாவின் உச்சமாக இன்று காலையில் மகா ரதோத்சவம் அதாவது தேரோட்டம் நடைபெற்றது.

நடராஜர், சிவகாமி அம்மன், விநாயகர், முருகர், சண்டிகேசுவரர் ஆகியோரின் ஐந்து பெரிய தேர்கள் கோவிலின் நான்கு ரத வீதிகளிலும் வலம் வந்தன. பல்லாயிரக்கணக்கான பக்தர்கள் "ஹர ஹர மகாதேவ்" கோஷமிட்டபடி வடம் பிடித்து இழுத்தனர். தேரோட்டம் முடிந்த பிறகு இரவில் நடராஜரும் சிவகாமியும் ராஜசபைக்கு ஊர்வலமாக எழுந்தருளி அருள் பார்க்க உள்ளனர். தொடர்ந்து லட்சார்ச்சனை நடைபெற உள்ளது.

இதையும் படிங்க:  8-வது நாளாக சென்னையில் வலுக்கும் போராட்டம்! நீதி கேட்ட ஆசிரியர்கள்.. நீளும் வழக்குகள் காவல்துறை அதிரடி!

ஜனவரி 3, 2026 அதிகாலை 3 மணி முதல் 6 மணி வரை மகா அபிஷேகம் வெகு சிறப்பாக நடைபெற உள்ளது. திருநீறு, பால், தயிர், தேன், பஞ்சாமிர்தம், சந்தனம் போன்றவற்றால் நடராஜருக்கு அபிஷேகம் செய்யப்பட்டது. காலை 10 மணியளவில் திருவாபரண அலங்காரத்தில் நடராஜர் அருள்பாலித்தார். பின்னர் பகல் நேரத்தில் சித்சபையில் ரகசிய பூஜை நடைபெறும். பிற்பகலில் பஞ்சமூர்த்திகள் வீதி உலா வந்த பிறகு, ராஜசபையில் இருந்து சித்சபைக்கு நடராஜரும் சிவகாமியும் சென்று ஞானகாச சித்சபா பிரவேச காக்ஷி ஆருத்ரா தரிசனம் அருள்புரிவார்கள்.

இதையும் படிங்க: சென்னைவாசிகளுக்கு ஹேப்பி நியூஸ்!  வடபழனி - பூந்தமல்லி வழித்தடத்தில் ஜனவரி 15 முதல் மெட்ரோ சோதனை ஓட்டம்!