திருச்சி கிழக்கு தொகுதி எம்.எல்.ஏ பதவி ராஜினாமா!! முதல்வர் விஜய் முடிவு!! விரைவில் வருகிறது இடைத்தேர்தல்!

சென்னை: தமிழக வெற்றிக் கழகம் (தவெக) தலைவர் நடிகர் சி.ஜோசப் விஜய் தமிழ்நாட்டின் முதலமைச்சராக இன்று காலை பதவியேற்றுக் கொண்டார். மேலும், பெரம்பூர் மற்றும் திருச்சி கிழக்கு தொகுதிகளில் போட்டியிட்டு அபார வெற்றி பெற்ற அவர், திருச்சி கிழக்கு எம்எல்ஏ பதவியை ராஜினாமா செய்துள்ளார்.

2026 சட்டமன்றத் தேர்தலில் விஜய் பெரம்பூர் மற்றும் திருச்சி கிழக்கு ஆகிய இரு தொகுதிகளிலும் தவெக சார்பில் போட்டியிட்டு பெரும் வெற்றி பெற்றார். இன்று முதலமைச்சராக பொறுப்பேற்ற உடனேயே, திருச்சி கிழக்கு தொகுதி எம்எல்ஏ பதவியை ராஜினாமா செய்யும் முடிவை எடுத்தார். அவரது ராஜினாமா கடிதத்தை அமைச்சர்கள் செங்கோட்டையன் மற்றும் வெங்கடரமணன் ஆகியோர் சட்டப்பேரவை செயலாளரிடம் இன்று ஒப்படைத்தனர்.

இரு தொகுதிகளிலும் வெற்றி பெற்ற விஜய், ஒரு தொகுதியில் மட்டுமே எம்எல்ஏவாகத் தொடர முடியும் என்பதால் திருச்சி கிழக்கு தொகுதியை ராஜினாமா செய்துள்ளார். இதனால் விரைவில் திருச்சி கிழக்கு தொகுதிக்கு இடைத்தேர்தல் அறிவிக்கப்படும் என எதிர்பார்க்கப்படுகிறது.

இதையும் படிங்க: 200 யூனிட் மின்சாரம் எல்லாருக்கும் இலவசம் இல்லை! முதல் கையெழுத்திலேயே ட்விஸ்ட் வைத்த விஜய்!! பதறும் மக்கள்!

முதலமைச்சராக பதவியேற்ற உடனேயே மக்கள் நலன் சார்ந்த முக்கிய அறிவிப்புகளை வெளியிட்ட விஜய், தலைமைச் செயலகத்தில் அரசு அதிகாரிகளுடன் ஆலோசனை நடத்தினார். தேர்தலில் 108 தொகுதிகளில் வெற்றி பெற்ற தவெக, கூட்டணி ஆதரவுடன் ஆட்சி அமைத்துள்ளது. இரு தொகுதிகளிலும் அபார வெற்றி பெற்ற விஜய்யின் ராஜினாமா நடவடிக்கை அவரது அரசியல் ஒழுக்கத்தை பிரதிபலிப்பதாக பார்க்கப்படுகிறது.

தமிழக அரசியலில் புதிய அத்தியாயம் தொடங்கியுள்ள நிலையில், திருச்சி கிழக்கு இடைத்தேர்தல் பெரும் எதிர்பார்ப்பை ஏற்படுத்தியுள்ளது. புதிய அரசு மக்கள் நலத் திட்டங்களை விரைவாக செயல்படுத்தும் என எதிர்பார்ப்பு நிலவுகிறது.

இதையும் படிங்க: திமுக முதுகில் குத்திய காங்கிரஸ்!! வாய்ப்பு கிடைத்த அடுத்த கணமே மாறும் தலைமை!! மோடி குற்றச்சாட்டு!