Breaking News! மு.க.ஸ்டாலினை சந்திக்கிறார் முதல்வர் விஜய்! ஆழ்வார்பேட்டை இல்லத்தில் வரலாற்று நிகழ்வு!

தமிழகத்தில் புதிய அரசை அமைத்துள்ள தமிழக வெற்றிக்கழக தலைவர் விஜய், முக்கிய அரசியல் தலைவர்களை நேரில் சந்திக்க தொடங்கியிருப்பது அரசியல் வட்டாரங்களில் பெரும் கவனத்தை ஈர்த்துள்ளது. தமிழக சட்டசபை தேர்தலில் தவெக கூட்டணி பெரும்பான்மை ஆதரவை பெற்றதையடுத்து, காங்கிரஸ், விடுதலை சிறுத்தைகள் கட்சி, கம்யூனிஸ்ட் கட்சிகள் மற்றும் இந்திய யூனியன் முஸ்லிம் லீக் உள்ளிட்ட கட்சிகள் விஜய் தலைமையிலான அரசுக்கு ஆதரவு தெரிவித்தன.

118 எம்எல்ஏக்கள் ஆதரவை தாண்டியதால், தமிழகத்தின் புதிய முதலமைச்சராக விஜயை கவர்னர் ஆர்.என்.ரவி அர்லேகர் நியமித்தார். இதையடுத்து சென்னை நேரு விளையாட்டு அரங்கில் நடைபெற்ற பிரம்மாண்ட விழாவில் விஜய் முதலமைச்சராக பதவியேற்றார். அவருக்கு கவர்னர் பதவிப்பிரமாணம் செய்து வைத்தார். பதவியேற்ற உடனேயே பெண்கள் பாதுகாப்பு, போதைப்பொருள் தடுப்பு மற்றும் 200 யூனிட் இலவச மின்சாரம் தொடர்பான முக்கிய கோப்புகளில் விஜய் கையெழுத்திட்டது பரபரப்பை ஏற்படுத்தியது.

அதனைத் தொடர்ந்து தலைமைச் செயலகத்துக்குச் சென்ற விஜய், அரசு உயர் அதிகாரிகளுடன் ஆலோசனை நடத்தினார். பின்னர் மாலை வேளையில் சென்னை வேப்பேரியில் உள்ள பெரியார் நினைவிடத்திற்குச் சென்று மரியாதை செலுத்தினார். அங்கு திராவிடர் கழகத் தலைவர் கி.வீரமணி, பெரியார் சிலையை பரிசாக வழங்கி விஜயை வாழ்த்தினார்.

இதையும் படிங்க: இபிஎஸ்-க்கு எதிராக போர்க்கொடி! எம்.எல்.ஏவாக பதவியேற்காத சி.வி.சண்முகம்!! அதிமுகவில் பூதாகரமாகும் பூசல்!

இதற்கிடையில், முன்னாள் முதலமைச்சர் மு.க.ஸ்டாலினை முதலமைச்சர் விஜய் சந்திக்க உள்ளதாக தகவல் வெளியாகியுள்ளது. சட்டசபை கூட்டம் முடிந்த பிறகு ஆழ்வார்பேட்டையில் உள்ள ஸ்டாலின் இல்லத்துக்குச் சென்று மரியாதை நிமித்தமாக சந்திக்க இருப்பதாக கூறப்படுகிறது. இந்த சந்திப்பு தமிழக அரசியலில் முக்கிய திருப்பமாக பார்க்கப்படுகிறது.

அதேபோல், மதிமுக பொதுச்செயலாளர் வைகோவையும் இன்று பிற்பகல் அண்ணாநகர் இல்லத்தில் விஜய் சந்திக்க உள்ளதாக தகவல்கள் தெரிவிக்கின்றன. தொடர்ந்து பல மூத்த அரசியல் தலைவர்களையும் விஜய் நேரில் சந்திக்க திட்டமிட்டிருப்பதாக அரசியல் வட்டாரங்களில் பேசப்படுகிறது. புதிய முதலமைச்சராக பொறுப்பேற்ற பிறகு விஜய் மேற்கொள்ளும் இந்த அரசியல் நகர்வுகள், தமிழக அரசியலில் புதிய சமநிலையை உருவாக்குமா என்ற எதிர்பார்ப்பை ஏற்படுத்தியுள்ளது.

இதையும் படிங்க: பீஸ்ட் பட பாணியில் கருப்பு, வெள்ளை கோட் சூட்! தமிழக சட்டசபையின் வரலாற்றை மாற்றி அமைத்த முதல்வர் விஜய்! பின்னணி?!