குதிரை பேரம்னா என்னானே எனக்கு தெரியாது?! சிலபஸில் தேடிட்டு இருக்கோம்! அமைச்சர் செங்கோட்டையன் பதிலடி!
குதிரை பேரத்தை உருவாக்கியதே திமுக தான்; எங்களுக்கு அந்த அவசியமே இல்லை என தவெக மீது குதிரை பேர குற்றச்சாட்டை வைத்து அடுத்தடுத்து கவர்னர் சந்தித்த பாஜக, திமுக, அதிமுகவுக்கு அமைச்சர் செங்கோட்டையன் பதிலடி கொடுத்தார்.
by
குதிரைப் பேரத்தை முதலில் உருவாக்கியது திமுக தான், எங்களுக்கு அந்த அவசியமே இல்லை என அமைச்சர் செங்கோட்டையன் பதிலடி கொடுத்துள்ளார்.
ஈரோட்டில் நிருபர்களைச் சந்தித்த அமைச்சர் செங்கோட்டையன், சமீபத்தில் கவர்னரை சந்தித்த பாஜக, திமுக, அதிமுக உள்ளிட்ட கட்சிகள் மீது குதிரைப் பேர குற்றச்சாட்டுகள் எழுந்த நிலையில் விளக்கம் அளித்தார்.
“என்னைப் பொறுத்தவரை குதிரைப் பேரத்தை உருவாக்கியதே திமுகதான். ஜெயலலிதா இருந்த காலத்தில் நாங்கள் எதிர்க்கட்சியாக இருந்தபோது, மதிமுகவைச் சேர்ந்த ராமகிருஷ்ணனை ராஜினாமா செய்ய வைத்து திமுகவில் இணைத்தனர்.
பின்னர் அவருக்கு திமுக சார்பில் போட்டியிட வாய்ப்பும் அளித்தனர்.
இதையும் படிங்க: நீங்க வந்து தவெக ஆட்சியை காப்பாத்த வேண்டிய அவசியமில்லை!! அனிதா ராதாகிருஷ்ணனுக்கு செங்கோட்டையன் பதிலடி!
அதேபோல் அனிதா ராதாகிருஷ்ணன் அதிமுகவில் இருந்தவர். அவரையும் திமுக தன்பக்கம் இழுத்தது. குதிரைப் பேரத்தை முதன்முதலில் உருவாக்கிய வரலாறு திமுகவுக்கே உண்டு. எங்களுக்கு அந்த நிலை இல்லை” என்றார்.
மேலும், “குதிரைப் பேரம் என்ற வார்த்தைக்கு என்ன பொருள் என்றே தமிழகத்திற்கு தேடிக்கொண்டிருக்கிறோம். அதைப் புரிந்துகொண்ட பிறகு பதில் சொல்கிறோம். எங்களுக்கு குதிரைப் பேரம் பேச வேண்டிய அவசியமே இல்லை” எனத் தெரிவித்தார்.
தற்போதைய ஆட்சியைப் பற்றி பேசிய செங்கோட்டையன், “நாங்கள் வலிமையான ஆட்சியை அமைத்துள்ளோம். எங்கள் கூட்டணி மிகுந்த வலிமையுடன் ஆதரவு தருகிறது. அமைச்சரவையில் காங்கிரஸ், விசிக, முஸ்லிம் லீக் ஆகிய கட்சிகளுக்கு இடம் கொடுக்கப்பட்டுள்ளது. கம்யூனிஸ்ட் கட்சிகள் வெளியில் இருந்து ஆதரவு தருவதாகக் கூறியுள்ளன. எனவே குதிரைப் பேரத்திற்கே இங்கு இடமில்லை” என்று விளக்கினார்.
“96 உறுப்பினர்களுடன் மைனாரிட்டி ஆட்சி நடத்தியவர்களுக்குத்தான் குதிரைப் பேரம் தேவைப்படும். எங்களுக்கு அது தேவையில்லை. வலிமையான, நேர்மையான ஆட்சியை தமிழக மக்கள் விரும்புகின்றனர். அத்தகைய ஆட்சியே தற்போது நடைபெற்று வருகிறது” என அவர் தெரிவித்தார்.
இந்தப் பேட்டி அரசியல் வட்டாரத்தில் பெரும் பரபரப்பை ஏற்படுத்தியுள்ளது. தற்போதைய ஆளும் கூட்டணியின் உறுதிப்பாட்டை வலியுறுத்தும் வகையில் அமைச்சர் செங்கோட்டையனின் இந்தப் பதிலடி அமைந்துள்ளது. எதிர்க்கட்சிகள் மீது குற்றச்சாட்டுகளைத் திருப்பி வீசிய அவரது பேச்சு, அரசியல் களத்தில் புதிய விவாதங்களுக்கு வழி வகுத்துள்ளது.
தமிழக அரசியலில் அவ்வப்போது எழும் குதிரைப் பேரப் பேச்சுகளுக்கு மத்தியில், ஆளும் தரப்பு தங்களுக்கு அத்தகைய தேவை இல்லை என உறுதியாகக் கூறியிருப்பது குறிப்பிடத்தக்கது.
இதையும் படிங்க: மது விருந்து.. அரை நிர்வாண கோலத்தில் அழகிகளின் ஆபாச நடனம்... அமைச்சர் பங்கேற்ற நிகழ்வில் அட்டூழியம்...!
