பள்ளி மாணவி கூட்டுப் பாலியல் வன்கொடுமை.! இதுதான் காவல்துறை லட்சணமா.? EPS காட்டம்..!

சென்னை வண்டலூர் அருகே அரசுப்பள்ளிக்குள் மர்மநபர்கள் புகுந்து பள்ளி மாணவிக்கு பாலியல் தொல்லை அளித்ததாக வரும் செய்தி அதிர்ச்சியை ஏற்படுத்தியுள்ளது. இதுகுறித்து மாணவியின் பெற்றோர்கள் ஊடகங்களுக்குப் பேட்டி அளித்துள்ளனர். ஆனால் விசாரணை செய்ய வேண்டிய காவல்துறை, செய்தி வெளியிட்ட ஊடகங்களை நீக்க வேண்டும் என சமூக வலைதளங்களில் பதிவிட்டு வருவதாக அதிமுக பொதுச் செயலாளர் எடப்பாடி பழனிசாமி கடுமையாகச் சாடியுள்ளார்.

தமிழக முதலமைச்சரே, உங்கள் ஆட்சியில் காவல்துறை செயல்படும் விதம் இதுதானா என அவர் கேள்வி எழுப்பியுள்ளார். அரசுப்பள்ளி பாதுகாப்பற்ற இடமாக மாறி ஒரு மாணவி பாலியல் தொல்லைக்கு ஆளாகி இருப்பதை காவல்துறை விசாரிப்பதை விட்டுவிட்டு, செய்தி வந்த மறுகணமே பொய்யான செய்தி என்று முந்திக்கொண்டு வருவது வெட்கக்கேடான செயல் என அவர் குற்றம் சாட்டியுள்ளார்.

தமிழ்நாட்டில் ஜோசப் விஜய் ஆட்சியில் காவல்துறையும் ரூட் மாபியா பாணியைக் கடைபிடிக்க உத்தரவுகள் ஏதேனும் பிறப்பிக்கப்பட்டுள்ளதா எனவும் அவர் கேட்டுள்ளார். உயர் பதவி வழக்குகளுக்கு ஒரு சட்டம், சாமானிய மக்களுக்கு வேறொரு சட்டமா என அவர் கேள்வி எழுப்பியுள்ளார். விலையுயர்ந்த முதலமைச்சர் என்று இவரை சொன்னது இந்த மனோபாவத்தின் காரணமாகத்தான் எனவும், தற்போது இந்த அரசின் செயல்கள் அதை நிரூபித்துக் கொண்டிருக்கின்றன எனவும் எடப்பாடி பழனிசாமி தெரிவித்துள்ளார்.

இதையும் படிங்க: ஜெம் வீரமணி விவகாரம்..! அடுத்தடுத்து வெளியாகும் ஆதாரங்கள்...! EPS ஆதங்கம்..!!

தமிழ்நாட்டில் பெண்களின், சிறுமிகளின் பாதுகாப்பை உறுதி செய்ய ஒரு நடவடிக்கையும் எடுக்காமல், பாலியல் புகார்களை முறையாக விசாரிக்காமல் செய்தியே வரக்கூடாது என்று ஊடகங்களை மிரட்டும் இந்த அரசுக்கு தனது கடும் கண்டனத்தைத் தெரிவித்துள்ளார். வண்டலூர் அரசுப்பள்ளி மாணவி பாலியல் வழக்கில் தொடர்புள்ள குற்றவாளிகள் அனைவர் மீதும் கடுமையான சட்ட நடவடிக்கை எடுக்க வேண்டும் என அரசை வலியுறுத்தியுள்ளார்.

இதையும் படிங்க: உண்மையான உழைப்பு... அசைக்க முடியாத அர்ப்பணிப்பு... பிரதமர் மோடிக்கு EPS பிறந்தநாள் வாழ்த்து..!!