ரூ. 1 லட்சம் கோடியில் புதிய நிதி! உலக பொருளாதார நெருக்கடியை சமாளிக்க நிர்மலா சீதாராமன் அறிவிப்பு!

சர்வதேசச் சந்தையில் நிலவும் போர்ப் பதற்றம் மற்றும் பொருளாதார உறுதியற்ற தன்மையால் இந்தியப் பொருளாதாரம் பாதிக்கப்படுவதைத் தவிர்க்க, ₹1 லட்சம் கோடி மதிப்பீட்டில் பொருளாதார நிலைப்பு நிதி (Economic Stabilisation Fund - ESF) உருவாக்கப்படும் என மத்திய நிதியமைச்சர் நிர்மலா சீதாராமன் இன்று மக்களவையில் அதிகாரப்பூர்வமாக அறிவித்துள்ளார்.

மேற்கு ஆசியாவில் (ஈரான்-இஸ்ரேல்) நிலவி வரும் மோதல் போக்கு மற்றும் கச்சா எண்ணெய் விலை உயர்வு போன்ற உலகளாவிய சவால்களால் இந்தியாவிற்கு ஏற்படும் பாதிப்புகளை உறிஞ்சும் ஒரு 'Buffer' ஆக இந்த நிதி செயல்படும்.

கச்சா எண்ணெய் விலை உயர்வால் உள்நாட்டில் பெட்ரோல், டீசல் மற்றும் அத்தியாவசியப் பொருட்களின் விலை உயராமல் இருப்பதை உறுதி செய்யவும், விநியோகச் சங்கிலித் தடைகளை (Supply Chain Disruptions) முறியடிக்கவும் இந்த நிதி பயன்படுத்தப்படும்.

இதையும் படிங்க: மினிமம் பேலன்ஸ் இல்லையா..?? டோன்ட் வொர்ரி.. நிர்மலா சீதாராமன் சொன்ன 'குட்' நியூஸ்..!!

இந்த நிதியுடன் சேர்த்து, உர மானியத்திற்காக ₹19,230 கோடி மற்றும் இலவச உணவு தானியத் திட்டத்திற்காக (PMGKAY) ₹23,641 கோடி கூடுதல் நிதியை வழங்கவும் நாடாளுமன்றத்தின் ஒப்புதலை அரசு கோரியுள்ளது.

இவ்வளவு பெரிய நிதி ஒதுக்கப்பட்ட போதிலும், நாட்டின் நிதிப் பற்றாக்குறை (Fiscal Deficit) நிர்ணயிக்கப்பட்ட 4.4% என்ற இலக்கிற்குள்ளேயே இருக்கும் என நிதியமைச்சர் உறுதி அளித்துள்ளார்.

சர்வதேச அளவில் என்ன பாதிப்புகள் ஏற்பட்டாலும், இந்தியப் பொருளாதாரத்தின் வளர்ச்சிப் பாதையைச் சிதைக்க விடமாட்டோம் எனத் தெரிவித்த நிதியமைச்சர், இந்த நிதி இந்தியாவிற்கு ஒரு வலிமையான 'பொருளாதாரக் கவசமாக' இருக்கும் எனப் பெருமிதம் தெரிவித்தார்.

இதையும் படிங்க: மினிமம் பேலன்ஸ் இல்லையா..?? டோன்ட் வொர்ரி.. நிர்மலா சீதாராமன் சொன்ன 'குட்' நியூஸ்..!!