#BREAKING அதிக சிசி உள்ள பைக் வைத்திருப்பவர்களுக்கு ஆப்பு... சென்னை ஐகோர்ட் வைத்த செக்...!

அதிக சக்தி கொண்ட இருசக்கர வாகன ஓட்டிகளுக்கு கூடுதல் ஓட்டுனர் திறன் பரிசோதனை நடத்த வேண்டுமா என்பது குறித்து ஆய்வு செய்து அறிக்கை அளிக்க மூன்று மாதங்களில் நிபுனர் குழுவை அமைக்கும்படி மத்திய சாலை போக்குவரத்து துறை செயலாளருக்கு சென்னை உயர்நீதிமன்றம் உத்தரவிட்டிருக்கிறது. 

மூன்று ஆண்டுகள் வரை தண்டனை விதிக்கக்கூடிய வழக்குகளில் அடையாளம் கண்டு அந்த வழக்குகளை விரைந்து முடிப்பதற்காக சென்னை உயர்நீதிமன்றம் தாமாக வந்து வழக்கு விசாரணைக்கு எடுத்திருக்கிறது. இந்த வழக்கு நீதிபதி பரத சக்கரவர்த்தி முன்பாக விசாரணைக்கு வந்தது. மஜிஸ்ட்ரேட் நீதிமன்றத்தில் நிலுவையில் உள்ள வழக்குகளில் சுமார் 20% வழக்குகள் விபத்து வழக்குகள் உள்ளன எனக்கூறப்பட்டது. 

இதில் பெரும்பாலான வழக்கில் அதிக சக்தி கொண்ட இருசக்கர வாகனங்களே சம்பந்தப்பட்டுள்ளதாகவும், அதிக சக்தி கொண்ட எடை மற்றும் அதிக சக்தி மற்றும் எடை கொண்ட இருசக்கர வாகனங்களை ஓட்டும் பொழுது எளிதில் கட்டுப்பாட்டை இழந்து விபத்துக்கள் ஏற்படுவதாக சுட்டிக்காட்டிய நீதிபதி,  இது போன்ற அதிக சக்தி கொண்ட இருசக்கர வாகனங்களை ஓட்டுவோர் தங்கள் கட்டுப்பாட்டை இழப்பதாகவும், ஓட்டுனர்களுக்கு தேவையான கூடுதல் ஓட்டுனர் திறன் பரிசோதனை நடத்த வேண்டும் என்றும், இதற்காக வாகன உற்பத்தியாளர்கள் அடங்கிய ஒரு நிபுணர் குழுவை மூன்று மாதத்திற்குள் அமைக்க வேண்டும் என்றும்  மத்திய சாலை போக்குவரத்துத்துறை அமைச்சகத்திற்கு உத்தரவிட்டார்

இதையும் படிங்க: கதிகலங்கி நிற்கும் இலங்கை..!! சிக்கித் தவிக்கும் இந்தியர்களுக்கு அவசர உதவி எண் அறிவிப்பு..!!

மேலும் அந்த நிபுணர் குழு நான்கு மாதங்களில் தங்கள் பரிந்துரைகளை மத்திய அரசிற்கு வழங்க வேண்டும் எனவும் அதன் அடிப்படையில் உரிய முடிவு எடுக்க வேண்டும் எனவும் மத்திய அரசிற்கு உத்தரவிட்டு உத்தரவிட்டிருக்கின்றார். 

இதையும் படிங்க: சென்னையில் பயங்கரம்... பட்டப்பகலில் துணிகரம்... ஓடும் பேருந்தில் கடத்தி கொள்ளை...!