இந்தியா - நியூசிலாந்து தடையற்ற வர்த்தக ஒப்பந்தம்!! ஜவுளி, விவசாயம், இறைச்சி ஏற்றுமதி என் கொட்டிக்கிடக்கும் வாய்ப்புகள்!

இந்தியா மற்றும் நியூசிலாந்து இடையே வர்த்தகம் மற்றும் முதலீட்டை பெருமளவில் அதிகரிக்கும் நோக்கில், தடையற்ற வர்த்தக ஒப்பந்தம் (FTA) இன்று கையெழுத்தானது. இந்த ஒப்பந்தம் இரு நாடுகளுக்கும் இடையிலான உறவில் ஒரு முக்கிய மைல்கல்லாக அமைந்துள்ளது.

இந்த FTA ஒப்பந்தம் சரக்கு வர்த்தகம், சேவைகள், சுங்க நடைமுறைகள், வர்த்தக எளிதாக்கல், சுகாதாரம் மற்றும் தர நெறிமுறைகள், தகராறு தீர்வு உள்ளிட்ட 20 அத்தியாயங்களை உள்ளடக்கியுள்ளது.

இந்த ஒப்பந்தத்தின் மூலம் இந்தியாவுக்கு பெரும் பலன்கள் கிடைக்கும். இந்தியாவின் ஜவுளி, பிளாஸ்டிக் பொருட்கள், தோல் பொருட்கள், பொறியியல் பொருட்கள் உள்ளிட்ட பெரும்பாலான ஏற்றுமதிப் பொருட்களுக்கு நியூசிலாந்து சந்தையில் 0% சுங்கவரி விதிக்கப்படும். அடுத்த 15 ஆண்டுகளில் சுமார் 1.88 லட்சம் கோடி ரூபாய் அளவுக்கு அன்னிய முதலீடு இந்தியாவுக்கு வரும் என்று எதிர்பார்க்கப்படுகிறது. 

இதையும் படிங்க: இந்திய பொருட்களுக்கு இனி நியூசிலாந்தில் வரி இல்லை!! கையெழுத்தானது தடையற்ற வர்த்தக ஒப்பந்தம்!

தகவல் தொழில்நுட்பம், நிதி சேவைகள், கல்வி மற்றும் சுற்றுலா துறைகளில் புதிய வாய்ப்புகள் உருவாகும். மேலும், திறமையான இந்தியர்களுக்கு 5,000 விசாக்கள் ஒதுக்கீடு செய்யப்பட்டு, 3 ஆண்டுகள் வரை வேலைவாய்ப்பு வழங்கப்படும். இந்திய மது ஏற்றுமதிக்கும் சுங்கவரி விலக்கு அளிக்கப்படும்.

நியூசிலாந்துக்கு இந்த ஒப்பந்தம் மூலம் இந்தியச் சந்தையில் 70% பொருட்களுக்கு சந்தை அணுகல் கிடைக்கும். ஆடு இறைச்சி, மரப்பொருட்கள், நிலக்கரி உள்ளிட்ட பொருட்களுக்கு உடனடி சுங்கவரி விலக்கு கிடைக்கும். ஆப்பிள், கிவி, தேன் போன்ற விவசாயப் பொருட்களுக்கும் கட்டுப்படுத்தப்பட்ட சலுகைகள் வழங்கப்படும்.

இருப்பினும், இந்திய விவசாயிகள் மற்றும் குறு, சிறு தொழில்களை பாதுகாக்கும் வகையில் பால், காய்கறி, சர்க்கரை, செம்பு மற்றும் அலுமினியம் உள்ளிட்ட பல துறைகளில் சுங்கவரி சலுகை வழங்கப்படவில்லை.

இந்த FTA ஒப்பந்தம் இரு நாடுகளுக்கும் இடையிலான வர்த்தகத்தை பெருமளவு அதிகரிக்கும் என்று எதிர்பார்க்கப்படுகிறது. இந்திய ஏற்றுமதியாளர்களுக்கு நியூசிலாந்து சந்தை எளிதில் கிடைக்கும் வாய்ப்பு உருவாகியுள்ளது. இரு நாடுகளும் இந்த ஒப்பந்தத்தை வரவேற்றுள்ளன. 

இதையும் படிங்க: மனைவியுடன் தாஜ்மஹாலை சுற்றிப்பார்த்த நியூசிலாந்து அமைச்சர்! சுற்றிக் காமித்தார் பியூஸ் கோயல்!