மணிப்பூர் உயர்நீதிமன்ற தலைமை நீதிபதியானார் எம்.சுந்தர்! பதவிப்பிரமாணம் செய்து வைத்த ஆளுநர் அஜய்குமார்..!

எம். சுந்தர், 1966 ஜூலை 19 அன்று சென்னையில் பிறந்தவர். மெட்ராஸ் சட்டக் கல்லூரியில் ஐந்து ஆண்டுகள் ஒருங்கிணைந்த சட்டப் படிப்பின் முதல் சரத்தியில் சேர்ந்து, சட்டப் பட்டம் பெற்றார். இது அவரது தொழில் வாழ்க்கையின் அடித்தளமாக அமைந்தது. 1989ஆம் ஆண்டு வழக்கறிஞராகப் பதிவு செய்து, மெட்ராஸ் உயர்நீதிமன்றத்தில் தனது சட்டப் பயிற்சியைத் தொடங்கினார். அவரது பயிற்சி முதன்மையாக சிவில் சட்ட விவகாரங்களில் கவனம் செலுத்தியது, இதில் நில சம்பந்தப்பட்ட வழக்குகள், ஒப்பந்தங்கள், தொழில் சம்பந்தப்பட்ட சர்ச்சைகள் உள்ளிட்ட பரந்த அளவிலான விஷயங்கள் அடங்கும். 2003 முதல் 2006 வரையில், தமிழ்நாடு நீர் விநியோகம் மற்றும் வடிகால் வாரியத்தின் நிலை நிரந்தர வழக்கறிஞராகப் பணியாற்றியது, அவரது நிர்வாக சட்ட அனுபவத்தை மேலும் வலுப்படுத்தியது.

இருபது ஆண்டுகளுக்கும் மேற்பட்ட வழக்கறிஞர் வாழ்க்கையில், அவர் மெட்ராஸ் உயர்நீதிமன்றத்தின் முன் பல்வேறு சிவில் வழக்குகளை வெற்றிகரமாக வாதிட்டு, தனது திறமையை நிரூபித்தார். 2016 அக்டோபர் 5 அன்று, அவர் மெட்ராஸ் உயர்நீதிமன்றத்தின் நிரந்தர நீதிபதியாக உயர்த்தப்பட்டார். இந்த உயர்வு, அவரது சட்ட அறிவு, நேர்மை மற்றும் தீர்ப்பு அளிப்பதில் காட்டிய திறனுக்கான அங்கீகாரம். நீதிபதியாக இருந்த காலத்தில், அவர் பல முக்கியமான தீர்ப்புகளை வழங்கியுள்ளார். உதாரணமாக, சுற்றுச்சூழல் சம்பந்தப்பட்ட வழக்குகள், நில உரிமை சர்ச்சைகள், மனித உரிமைகள் பாதுகாப்பு ஆகியவற்றில் அவரது தீர்ப்புகள் சமூக நீதியை வலியுறுத்தும் வகையில் அமைந்துள்ளன.

அவரது தீர்ப்புகள், சட்டத்தின் ஆழமான புரிதலையும், நியாயத்தின் அடிப்படையில் தீர்வு காணும் திறனையும் பிரதிபலிக்கின்றன. மெட்ராஸ் உயர்நீதிமன்றத்தில் இரண்டாவது மூத்த நீதிபதியாக இருந்த அவர், தனது பணியில் காட்டிய தொடர்ச்சியான சிறப்பால், உயர்நீதிமன்றத் தலைமைப் பொறுப்புக்கு பரிந்துரைக்கப்பட்டார். 2025 செப்டம்பர் 11 அன்று, தலைமை நீதிபதியாகப் பரிந்துரைக்கப்பட்டார்.

இதையும் படிங்க: கெடு முடியுது… மறப்போம் மன்னிப்போம்! புரிஞ்சுக்கோங்க இபிஎஸ்… செங்கோட்டையன் பரபரப்பு பிரஸ்மீட்

 மணிப்பூர் தலைமை நீதிபதியாக இருந்த கெம்பையா சோமசேகர் ஓய்வு பெற்ற நிலையில் அவரது இடத்தை நிரப்பும் வகையில் உச்ச நீதிமன்றத்தின் கொலிஜியம் பரிந்துரை மற்றும் மத்திய அரசின் ஒப்புதலுடன் எம். சுந்தர் மணிப்பூர் உயர் நீதிமன்றத்தின் தலைமை நீதிபதியாக நியமனம் செய்யப்பட்டார். இந்த நிலையில், மணிப்பூர் உயர் நீதிமன்றத்தின் தலைமை நீதிபதியாக எம். சுந்தர் பதவியேற்று உள்ளார். தலைமை நீதிபதியாக பதவியேற்ற எம்.சுந்தருக்கு மணிப்பூர் மாநில ஆளுநர் அஜய்குமார் பல்லா பதவிப்பிரமாணம் செய்து வைத்தார். 

இதையும் படிங்க: SIR- ஐ எதிர்ப்போம்! பேரறிஞர் அண்ணா பிறந்த நாளில் உறுதிமொழி ஏற்ற முதல்வர் ஸ்டாலின்...