தகுதி உள்ள வாக்காளர்களின் பெயர்கள் நீக்கப்படாது! தலைமைத் தேர்தல் ஆணையர் ஞானேஷ் குமார் பிராமிஸ்!!

தலைமைத் தேர்தல் ஆணையர் ஞானேஷ் குமார், மேற்கு வங்க சட்டமன்றத் தேர்தலில் தகுதிவாய்ந்த எந்த வாக்காளரின் பெயரும் வாக்காளர் பட்டியலில் இருந்து நீக்கப்படாது என்று உறுதியளித்துள்ளார். மேற்கு வங்கத்தில் விரைவில் நடைபெறவுள்ள சட்டப்பேரவைத் தேர்தல் தொடர்பாக இன்று கொல்கத்தாவில் செய்தியாளர்களிடம் பேசினார். 

அப்போது அவர், "மேற்கு வங்க மக்கள் ஜனநாயகத்தின் மீது எப்போதும் நம்பிக்கை கொண்டுள்ளனர். நம்பிக்கைக்குரிய, சுதந்திரமான, அமைதியான தேர்தலை நடத்துவதே எங்களின் முதன்மை இலக்கு. தகுதியுள்ள ஒவ்வொரு வாக்காளரும் தங்கள் வாக்கை பதிவு செய்ய உரிமை உண்டு. அவர்களில் எவரின் பெயரும் நீக்கப்படாது" என்று தெளிவாகக் கூறினார்.

மேற்கு வங்கத்தில் மொத்தம் 80,000-க்கும் மேற்பட்ட வாக்குச்சாவடிகள் அமைக்கப்படவுள்ளன. இதில் 61,000 சாவடிகள் கிராமப்புறங்களில் உள்ளன. கிராம மக்களின் வாக்குரிமையை முழுமையாக பாதுகாக்க தேர்தல் ஆணையம் சிறப்பு ஏற்பாடுகளை செய்து வருவதாக அவர் தெரிவித்தார். 

இதையும் படிங்க: தமிழக சட்டசபை தேர்தல்! வேலையெல்லாம் எப்படி நடக்குது?! தலைமை தேர்தல் கமிஷ்னர் ஆலோசனை!

மேலும், தேர்தல் செயல்முறையில் வெளிப்படைத்தன்மையை உறுதி செய்ய, அனைத்து வாக்குச்சாவடிகளிலும் 100 சதவீத நேரடி இணைய ஒளிபரப்பு (Live Webcasting) செயல்படுத்தப்படும் என்று அறிவித்தார். இதன்மூலம் தேர்தல் நடைமுறையை பொதுமக்களும் கட்சிகளும் நேரலையில் கண்காணிக்க முடியும்.

தேர்தல் ஆணையத்தின் இந்த அறிவிப்பு மக்களிடையே நம்பிக்கையை ஏற்படுத்தியுள்ளது. கடந்த சில தேர்தல்களில் வாக்காளர் பட்டியல் திருத்தம், பெயர் நீக்கம் போன்ற புகார்கள் எழுந்த நிலையில், தலைமைத் தேர்தல் ஆணையரின் உறுதிமொழி முக்கியத்துவம் வாய்ந்ததாக உள்ளது. கிராமப்புறங்களில் அதிக சாவடிகள் அமைக்கப்படுவது, வாக்காளர்களின் எளிதான அணுகலை உறுதி செய்யும்.

இருப்பினும், இதே நேரத்தில் எதிர்க்கட்சிகள் தலைமைத் தேர்தல் ஆணையரை நீக்க வேண்டும் என்று நாடாளுமன்றத்தில் நம்பிக்கையில்லா தீர்மானம் கொண்டு வர திட்டமிட்டுள்ளதாக தகவல்கள் வெளியாகியுள்ளன. தேர்தல் ஆணையத்தின் நடுநிலை குறித்து எதிர்க்கட்சிகள் தொடர்ந்து குற்றச்சாட்டு எழுப்பி வரும் சூழலில், ஞானேஷ் குமாரின் இந்த அறிவிப்பு அரசியல் வட்டாரத்தில் பரபரப்பை ஏற்படுத்தியுள்ளது.

மேற்கு வங்க தேர்தல் நெருங்கி வரும் நிலையில், தேர்தல் ஆணையத்தின் வெளிப்படைத்தன்மை மற்றும் நடுநிலை குறித்த விவாதங்கள் தீவிரமடைந்துள்ளன. வாக்காளர்களின் உரிமையை பாதுகாக்கும் நடவடிக்கைகள் மக்களின் நம்பிக்கையை வென்றெடுக்கும் என்று எதிர்பார்க்கப்படுகிறது.

இதையும் படிங்க: மேற்கு வங்கத்தில் எஸ்ஐஆர் முறைகேடு!! களம் இறங்கிய நீதிபதிகள்! தேர்தல் கமிஷனுக்கு எதிரான வழக்கில் சுப்ரீம் கோர்ட் அதிரடி!