இரு திராவிட கட்சிகளுக்கும் ஒரே மாற்று நாம் தமிழர்! திருத்தணியில் சீமான் அதிரடி பேச்சு!

தமிழகச் சட்டமன்றத் தேர்தலை ஒட்டி, திருத்தணி தொகுதியில் போட்டியிடும் நாம் தமிழர் கட்சி வேட்பாளர் சூ.ச.சந்திரனை ஆதரித்து அக்கட்சியின் தலைமை ஒருங்கிணைப்பாளர் சீமான் இன்று சூறாவளி பிரசாரம் மேற்கொண்டார். முருகப் பெருமானின் அறுபடை வீடுகளில் ஒன்றான திருத்தணியில், கையில் வேல் ஏந்தி பக்திப் பாடல்களைப் பாடியபடி தனது பிரசாரத்தைத் தொடங்கிய சீமான், ஆன்மீகத்தையும் அரசியலையும் இணைத்துத் தனது ஸ்டைலில் மேடையை அதிரவைத்தார். கடந்த 10 ஆண்டுகளாகத் தமிழகத்தில் ஒரு ‘தூய அரசியலை’ கட்டமைக்கத் தங்களது தம்பிகள் பீல்டில் உழைத்து வருவதாகவும், மற்ற கட்சிகளுக்கு மாற்றாக நாம் தமிழர் கட்சி மட்டுமே உண்மையான தீர்வை வழங்கும் என்றும் அவர் பஞ்ச் வைத்தார்.

ஆளும் தரப்பின் தேர்தல் வாக்குறுதிகளைக் கடுமையாகச் சாடிய அவர், மகளிர் வங்கி கணக்கில் 5,000 ரூபாய் வரவு வைக்க 6,700 கோடி ரூபாய் செலவிடப்பட்டுள்ளது; இந்த இமாலய நிதிச் சுமையை அரசு எவ்வாறு ஈடுகட்டும்? எனக் கேள்வி எழுப்பினார். ஒருபுறம் இலவசங்களை வாரி இறைத்துவிட்டு, மறுபுறம் மின்கட்டணத்தை 3 ரூபாய் உயர்த்தியும், சொத்து வரி மற்றும் அத்தியாவசியப் பொருட்களின் விலையை ராக்கெட் வேகத்தில் உயர்த்தியும் மக்களைத் துயரத்தில் ஆழ்த்துவதாகக் குற்றம் சாட்டினார்.

இதையும் படிங்க: பணநாயகத்தை வீழ்த்த நிதி தாருங்கள்! 2026 தேர்தலுக்காக சீமான் உருக்கமான வேண்டுகோள்!

சம வேலைக்குச் சம ஊதியம் கோரிப் போராடும் ஆசிரியர்கள் முதல், தங்கள் உரிமைகளுக்காக வீதியில் இறங்கியுள்ள மாணவர்கள், மருத்துவர்கள், தூய்மைப் பணியாளர்கள் மற்றும் செவிலியர்கள் வரை அனைவரின் குரலாக நாம் தமிழர் கட்சி ஒலிப்பதாக அவர் உறுதிபடத் தெரிவித்தார். ஒவ்வொரு போராட்டக் களத்திலும் எங்கள் தம்பிகள் முன்னணியில் நிற்கிறார்கள்; மக்களின் உயிரைக் காக்கப் போராடும் மருத்துவப் பெருமக்களின் வலியை இந்த அரசு உணரவில்லை என எமோஷனல் ஆகப் பேசினார். மக்களின் அன்றாடப் பிரச்சினைகளைத் தீர்க்கத் துப்பில்லாத ஆட்சியாளர்களுக்கு வரும் தேர்தலில் மக்கள் தகுந்த செக் வைப்பார்கள் என்றும், திருத்தணியில் சீமானின் இந்த வேல் முழக்கம் மற்ற வேட்பாளர்களின் தூக்கத்தைக் கெடுத்துள்ளதாக அரசியல் வட்டாரத்தில் பேசப்படுகிறது.

இதையும் படிங்க: புதுச்சேரி தேர்தல் களம்: 28 தொகுதிகளுக்கும் வேட்பாளர்களை அறிவித்தார் சீமான்!