மிக மோசமான மின்சாரத்துறை அமைச்சர்!! நிர்மல் குமாரை விமர்சித்த பி.டி.ஆர்.! பகீர் குற்றச்சாட்டு!

மதுரையில் தொடர்ந்து நிலவி வருவதாக கூறப்படும் மின்வெட்டு பிரச்சினைக்கு தீர்வு காணாமல், தன் மீது பழி சுமத்தப்படுவதாக முன்னாள் திமுக அமைச்சர் பி.டி.ஆர். பழனிவேல் தியாகராஜன் குற்றம்சாட்டியுள்ளார். மின்சாரத்துறை அமைச்சர் நிர்மல் குமாரின் செயல்பாடுகளை கடுமையாக விமர்சித்துள்ள அவரது கருத்துகள் தமிழக அரசியல் வட்டாரத்தில் பரபரப்பை ஏற்படுத்தியுள்ளன.

பி.டி.ஆர். பழனிவேல் தியாகராஜன் தனது சமீபத்திய அறிக்கையில், தமிழக அரசியல் வரலாற்றிலேயே நிர்மல் குமார் மிக மோசமான மின்சாரத்துறை அமைச்சராக நினைவுகூரப்படுவார் என கடுமையாக விமர்சித்துள்ளார். குறிப்பாக, மதுரை உள்ளிட்ட பகுதிகளில் பொதுமக்கள் சந்தித்து வரும் மின்வெட்டு தொடர்பான பிரச்சினைகளுக்கு உரிய தீர்வு காண்பதில் கவனம் செலுத்த வேண்டும் என்றும் அவர் வலியுறுத்தியுள்ளார்.

மேலும், மின்வெட்டு உள்ளிட்ட அடிப்படை பிரச்சினைகளை எதிர்கொள்வதற்குப் பதிலாக தன் மீதான குற்றச்சாட்டுகளுக்கு முக்கியத்துவம் அளிக்கப்படுவதாக பி.டி.ஆர். கூறியுள்ளார். இதற்கு பதிலாக மின்சார விநியோகம் தொடர்பான பிரச்சினைகளை சரிசெய்து, பொதுமக்களின் சிரமத்தை குறைக்க நடவடிக்கை எடுக்க வேண்டும் என்பதே தனது நிலைப்பாடு என அவர் தெரிவித்துள்ளார்.

இதையும் படிங்க: மீனாட்சி அம்மன் கோயில் வழக்கில் குற்றவாளிகள் யார்? உண்மையை சொல்ல வேண்டிய கட்டாயம்! பிடிஆர் பகீர் ட்வீட்!

தொடர்ந்து, அமைச்சர் நிர்மல் குமாருக்கு மின்சாரத்துறையுடன் சட்டத்துறையும் வழங்கப்பட்டிருப்பதை பி.டி.ஆர். விமர்சித்துள்ளார். மேலும், நிர்மல் குமார் பல்வேறு கட்சிகளில் இருந்துவிட்டு தற்போது முக்கியமான அமைச்சுப் பொறுப்புகளை வகிப்பதாகவும் அவர் குற்றம்சாட்டியுள்ளார். இந்த வகையில் முக்கிய துறைகள் ஒரே நபரிடம் வழங்கப்பட்டிருப்பது தமிழக வெற்றிக் கழக அரசின் நிர்வாக செயல்பாடு குறித்த கேள்விகளை எழுப்புவதாகவும் அவர் தெரிவித்துள்ளார்.

இதனிடையே, கோவில் நிர்வாகம் தொடர்பாகவும் கடந்த சில நாட்களாக பி.டி.ஆர். மற்றும் அமைச்சர் நிர்மல் குமார் இடையே கருத்து மோதல் நீடித்து வருகிறது. மீனாட்சி அம்மன் கோவில் அறங்காவலர் குழு தொடர்பாக பி.டி.ஆர். முன்வைத்த குற்றச்சாட்டுகளை அமைச்சர் நிர்மல் குமார் மறுத்துள்ளார். கோவில் நிர்வாகத்தில் அரசியல் தலையீடு இல்லை என்றும் அவர் கூறியுள்ளார்.

இந்த நிலையில், மதுரை மின்வெட்டு விவகாரத்தை மையமாக வைத்து பி.டி.ஆர். முன்வைத்துள்ள விமர்சனங்களுக்கு தமிழக அரசு மற்றும் அமைச்சர் நிர்மல் குமார் தரப்பில் அடுத்தகட்டமாக என்ன பதில் வெளியாகும் என்பது அரசியல் வட்டாரத்தில் எதிர்பார்ப்பை ஏற்படுத்தியுள்ளது.

இதையும் படிங்க: ஜெம் வீரமணியை தப்பிக்க விட்டது யார்? மு.க.ஸ்டாலினை நோக்கி அமைச்சர் நிர்மல்குமார் சரமாரி கேள்வி!