NDA கூட்டணிக்கு கட்டளை தளபதி இபிஎஸ் தான்... அமித் ஷாவின் பல்லை பிடுங்கிய ராஜேந்திர பாலாஜி

கருத்து வேறுபாடுகளால் பிளவுபட்ட அதிமுக - பாஜக கூட்டணி மீண்டும் இணைந்தது. அதற்கான அதிகாரப்பூர்வ அறிவிப்பு வெளியாகிய நிலையில் 2026 சட்டமன்ற தேர்தலில் ஒரு கட்சிகளும் இணைந்து போட்டியிடுவது உறுதியானது. கூட்டணி குறித்த அறிவிப்பை தமிழகத்தில் சுற்றுப்பயணம் மேற்கொண்டபோது உள்துறை அமைச்சர் அமித்ஷா அறிவித்தார்

தமிழகத்தில் கூட்டணி ஆட்சி என்று குறிப்பிடப்படுவது, பல அரசியல் கட்சிகள் இணைந்து ஒரு கூட்டணி அமைத்து, தேர்தலில் வெற்றி பெற்று ஆட்சி அமைப்பதைக் குறிக்கிறது. இது மாநில அளவில் ஒரு கட்சிக்கு பெரும்பான்மை இல்லாதபோது, பிற கட்சிகளுடன் இணைந்து ஆட்சி அமைப்பதை உள்ளடக்கியது. தமிழகத்தில் திமுக, அதிமுக, பாஜக போன்ற கட்சிகள் கூட்டணிகள் அமைத்து ஆட்சி செய்த வரலாறு உள்ளது.

இதையும் படிங்க: அமித் ஷா ஆசையில் மண்ணை வாரிப்போட்ட நயினார் நாகேந்திரன்... மனம் குளிர்ந்த எடப்பாடி பழனிசாமி...!

மறுபுறம், கூட்டாட்சி என்பது இந்திய அரசியலமைப்பின் அடிப்படையில் மத்திய மற்றும் மாநில அரசுகளுக்கு இடையே அதிகாரப் பகிர்வை குறிக்கிறது. இது ஆட்சி அமைப்பதற்கு பதிலாக, மாநிலங்களுக்கு சுயாட்சி உரிமைகளை வழங்குவது பற்றியது. தமிழகத்தில், கூட்டாட்சி தொடர்பாக திமுக போன்ற கட்சிகள் மாநில உரிமைகளை வலியுறுத்துவது பொதுவாக உள்ளது.

தற்போதைய அரசியல் சூழலில், அமித்ஷாவின் பேச்சு கூட்டணி ஆட்சி பற்றியது, அதாவது 2026இல் NDA ஆட்சி அமைக்கும் என்பதை குறிக்கிறது. எடப்பாடி பழனிச்சாமி கூட்டணி ஆட்சி என்பதை மறுத்து இருந்தாலும் அமித் ஷாவின் பேச்சு நிலையாக இருக்கிறது. இந்த நிலையில், அமித் ஷாவின் பேச்சுக்கு அதிமுக முன்னாள் அமைச்சர் ராஜேந்திர பாலாஜி பதிலடி கொடுத்துள்ளார்.

தமிழகத்தில் தேசிய ஜனநாயக கூட்டணியில் கட்டளை தரக்கூடிய ஈபிஎஸ் தான் என்றும் கூட்டணியில் யாருக்கு எவ்வளவு சீட் என்பதை இபிஎஸ் தான் முடிவு எடுப்பார் எனவும் கூறியுள்ளார். விஜய் அதிமுக கூட்டணியில் இணைவதற்கான வாய்ப்புகள் உள்ளதாகவும் ராஜேந்திர பாலாஜி குறிப்பிட்டார். இதனிடையே, அமித்ஷாவின் பேச்சால் தேசிய ஜனநாயக கூட்டணியில் குழப்பமா என்ற கேள்வி தற்போது எழுந்துள்ளது.

இதையும் படிங்க: தவறி பாஜக ஆட்சி அமைத்து விட்டால்.. தமிழ்நாட்டில் அகற்றவே முடியாது.! கதறும் திமுக ஆதரவாளர் செந்தில்..!