கவன ஈர்ப்பு தீர்மானம்... கண்டுகொள்ளாத சபாநாயகர்..!! ஆத்திரத்தில் அதிமுக வெளிநடப்பு..!!

தமிழக சட்டப்பேரவையில் இன்று காலை மானியக் கோரிக்கைகள் மீதான விவாதம் நடைபெற்றுக் கொண்டிருந்தபோது அதிமுக உறுப்பினர்கள் வெளிநடப்பு செய்தனர். அவையில் முக்கிய பொதுப் பிரச்சினைகள் தொடர்பான கவன ஈர்ப்பு தீர்மானங்களை விவாதத்திற்கு எடுத்துக்கொள்ள வேண்டும் என்று வலியுறுத்தியே இந்த வெளிநடப்பு நடைபெற்றது. சபாநாயகர் அந்தத் தீர்மானங்களை அனுமதிக்காததால் அதிருப்தி அடைந்த அதிமுக எம்எல்ஏக்கள் முழக்கங்களுடன் அவையை விட்டு வெளியேறினர்.

குறிப்பாக கர்நாடகாவில் மூன்று தமிழர்கள் வனத்துறையினரால் சுட்டுக் கொல்லப்பட்ட சம்பவத்தைக் கண்டித்து அவர்கள் உரத்த குரலில் கோஷமிட்டனர். கால்நடைகளைத் தேடிச் சென்றபோது நடந்த இந்தத் துப்பாக்கிச் சூடு தமிழர்களின் உயிருக்கு பாதுகாப்பில்லை என்பதை வெளிப்படுத்துவதாக அதிமுக தரப்பு குற்றம்சாட்டியது. இந்த விவகாரம் ஏற்கனவே பேரவையில் விவாதிக்கப்பட்டிருந்தாலும், போதிய நடவடிக்கை எடுக்கப்படவில்லை என்றும், நீதி கிடைக்கும் வரை போராடுவோம் என்றும் அவர்கள் உணர்ச்சிவசப்பட்டு முழங்கினர்.

தமிழர்களின் உயிர் எளிதாகப் பறிக்கப்படுவதை ஏற்க முடியாது என்ற நிலைப்பாட்டை அதிமுக தொடர்ந்து வலியுறுத்தி வருகிறது. இதனுடன் சீர்காழி மீனவர் ஒருவர் சவுதி அரேபியாவில் ஈரானிய கடற்கொள்ளையர்களின் தாக்குதலில் உயிரிழந்த விவகாரமும் முக்கியமாக எழுப்பப்பட்டது. இந்தக் கவன ஈர்ப்பு தீர்மானத்தை ஐந்து நாட்களுக்கு முன்பே சபாநாயகரிடம் அளித்திருந்தும் இன்னும் விவாதத்திற்கு எடுக்கப்படவில்லை என்று அதிமுக பொதுச்செயலாளர் எடப்பாடி பழனிசாமி சுட்டிக்காட்டினார்.

இதையும் படிங்க: மாற்றம் வேண்டும் என ரீல்ஸ் போட்டதே மக்கள் தான்! எடப்பாடி பழனிசாமி குற்றச்சாட்டுக்கு அமைச்சர் ராஜ்மோகன் பதிலடி!

மீனவர்களின் பாதுகாப்பு மற்றும் நலன் குறித்து அரசு அக்கறை காட்டவில்லை என்றும், அவர்களுக்காகக் குரல் கொடுப்பது அதிமுகவின் கடமை என்றும் அவர் தெரிவித்தார். மானியக் கோரிக்கை விவாதம் நடைபெறும்போதே இந்தப் பிரச்சினைகளைப் பேச அனுமதி மறுக்கப்பட்டதால் அவைக்குள் அமளி ஏற்பட்டது. அதிமுக உறுப்பினர்கள் தொடர்ந்து கோரிக்கைகளை முன்வைத்தபோதும் சபாநாயகர் மறுத்ததால் அவர்கள் ஒன்றுபட்டு வெளிநடப்பு செய்தனர்.

இதையும் படிங்க: ஆண்மை இருந்தா... மீசை உள்ள ஆம்பளையாக இருந்தா... இபிஎஸை எதிர்த்தவர்களுக்கு திண்டுக்கல் சீனிவாசன் சவால்...!