தமிழக சட்டசபைத் தேர்தல்: வரலாற்றில் மறக்க முடியாத திருப்பம்..!! எதிர்க்கட்சி தலைவராகிறார் உதயநிதி ஸ்டாலின்..??

தமிழகத்தின் 74 ஆண்டு தேர்தல் வரலாற்றில் இதுவரை எவரும் எதிர்பாராத அதிர்ச்சி முடிவை 17-வது சட்டசபைத் தேர்தல் பதிவு செய்துள்ளது. தி.மு.க. தலைவரும் தற்போதைய முதலமைச்சருமான மு.க.ஸ்டாலின் தோல்வியைத் தழுவிய அதிர்ச்சி முடிவு கட்சி வட்டாரங்களை அதிர்ச்சியில் ஆழ்த்தியுள்ளது. தமிழக வெற்றி கழகம் (த.வெ.க.) தலைமையில் நடைபெற்ற தேர்தல் களத்தில் தனிப்பெரும்பான்மை பெற்று ஆட்சி அமைக்கும் நிலைக்கு வந்துள்ளது. 

இந்த முடிவு தமிழக அரசியலை முழுமையாக மாற்றியமைக்கும் என்று அரசியல் பார்வையாளர்கள் கருதுகின்றனர். இரண்டாவது இடத்தைப் பிடித்துள்ள தி.மு.க. கூட்டணி, எதிர்க்கட்சியாக செயல்படும் நிலையில், எதிர்க்கட்சித் தலைவர் பொறுப்புக்கு தி.மு.க.விலிருந்தே ஒருவரைத் தேர்வு செய்ய வேண்டிய கட்டாயம் ஏற்பட்டுள்ளது. 

இதில், சேப்பாக்கம்-திருவல்லிக்கேணி தொகுதியில் வெற்றி பெற்றுள்ள மு.க.ஸ்டாலினின் மகன் உதயநிதி ஸ்டாலினுக்கு அதிக வாய்ப்பு உள்ளதாகக் கூறப்படுகிறது. முன்பு துணை முதலமைச்சராகப் பொறுப்பு வகித்த உதயநிதி, இளைஞர்கள் மத்தியில் நல்ல வரவேற்பைப் பெற்றவர். த.வெ.க. தலைவர் விஜய்யை எதிர்கொள்ளும் பொறுப்புக்கு அவரே சரியான தேர்வு என தி.மு.க. தலைமை நம்புவதாகத் தெரிகிறது. இருப்பினும், கட்சியின் உயர்மட்டத் தலைவரே தோல்வியடைந்த சூழலில் தி.மு.க.வினர் ஆழ்ந்த வருத்தத்தில் உள்ளனர். 

இதையும் படிங்க: #TN Election Results 2026: ஸ்டாலின், உதயநிதி முதல் சுற்றில் பின்னடைவு! அதிரும் அரசியல் களம்!

பல தொகுதிகளில் எதிர்பார்த்த வெற்றி கிடைக்காதது கட்சிக்குள் பல கேள்விகளை எழுப்பியுள்ளது. எனினும், மு.க.ஸ்டாலினுக்கு இன்னொரு வாய்ப்பு இருப்பதாக அரசியல் வட்டாரங்கள் தெரிவிக்கின்றன. திருச்சி கிழக்கு தொகுதியை த.வெ.க. தலைவர் விஜய் விட்டுக்கொடுக்கும் பட்சத்தில், அங்கு இடைத்தேர்தல் நடைபெறும் வாய்ப்பு உள்ளது. அந்த இடைத்தேர்தலில் ஸ்டாலின் போட்டியிட்டு மீண்டும் சட்டசபைக்கு வர முயற்சி எடுக்கலாம் என்ற எதிர்பார்ப்பு எழுந்துள்ளது.

இந்தத் தேர்தல் முடிவு தமிழக அரசியலில் புதிய அத்தியாயத்தைத் தொடங்கியுள்ளது. த.வெ.க.வின் உயர்ந்த வெற்றி இளைஞர் அரசியலின் எழுச்சியை உறுதிப்படுத்துகிறது. மறுபுறம், தி.மு.க. தனது அடுத்தகட்ட உத்திகளை வகுக்கும் பணியில் தீவிரம் காட்டி வருகிறது. இனிவரும் நாட்களில் இரு கட்சிகளிடையேயான அரசியல் போட்டி தீவிரமடையும் என எதிர்பார்க்கப்படுகிறது. தமிழக மக்கள் புதிய அரசின் செயல்பாடுகளை உன்னிப்பாகக் கவனித்து வருவார்கள். 

இதையும் படிங்க: உதயநிதி சொத்து விபர வழக்கு..! விரைவில் விசாரணை தொடங்கும்..! உயர்நீதிமன்றத்தில் IT பதில்.!