தவெக நிர்வாகி கொலை விவகாரம்... 5 பேருக்கு நீதிமன்ற காவல்.!! கோர்ட் உத்தரவு..!!
தவெக நிர்வாகி கொலை விவகாரத்தில் 5 பேருக்கு நீதிமன்ற காவல் வழங்கப்பட்டுள்ளது.
by
சென்னை பெசன்ட் நகர் அருகேயுள்ள வண்ணாந்துறை பகுதியில் தமிழக வெற்றிக் கழக நிர்வாகி ஒருவர் கொடூரமாக வெட்டிக் கொல்லப்பட்ட சம்பவம் தலைநகரை அதிர்ச்சியடையச் செய்துள்ளது. சாஸ்திரி நகர் காவல் நிலைய எல்லைக்குட்பட்ட வண்ணாந்துறை ராமசாமி அவென்யூ எல்லையம்மன் கோயில் தெருவில் நடந்த இந்த படுகொலை, பழைய முன்விரோதத்தின் தொடர்ச்சியாக நிகழ்ந்ததாக போலீசார் தெரிவிக்கின்றனர்.
கண்ணன் என்ற 45 முதல் 46 வயதுடையவர் அந்தப் பகுதியைச் சேர்ந்தவர். ரியல் எஸ்டேட் தொழிலும், ஐடி நிறுவனங்களுக்கு கார்கள் வாடகைக்கு விடும் தொழிலும் செய்து வந்த இவர், முன்பு அதிமுகவில் 174-வது தெற்கு வட்டக் கழகச் செயலாளராக இருந்தார். இரு மாதங்களுக்கு முன் அக்கட்சியில் இருந்து விலகி தமிழக வெற்றிக் கழகத்தில் இணைந்திருந்தார். போலீஸ் பதிவேட்டில் பி வகை சரித்திரக் குற்றவாளியாக அறியப்பட்ட இவர், முன்பு சில கொலை மற்றும் கொலை முயற்சி வழக்குகளில் தொடர்புடையவராக இருந்ததாகக் கூறப்படுகிறது.செப்டம்பர் 5 ஆம் தேதி இரவு, கண்ணன் தனது நண்பர்களுடன் பேசிக் கொண்டிருந்தபோது, இருசக்கர வாகனங்களில் ஹெல்மெட் அணிந்து வந்த ஒரு கும்பல் அவரைச் சுற்றி வளைத்தது. அவர் தப்பியோட முயன்றபோதும், கும்பல் அவரை விரட்டிச் சென்று கத்திகள் மற்றும் பட்டாக்கத்திகளால் சரமாரியாக வெட்டியது.
சம்பவ இடத்திலேயே கண்ணன் உயிரிழந்தார். அருகிலிருந்த சிசிடிவி கேமராக்களில் இந்தத் தாக்குதல் பதிவாகியிருந்தது. தகவல் அறிந்த சாஸ்திரி நகர் போலீசார் உடனடியாக சம்பவ இடத்திற்குச் சென்று உடலை மீட்டு, பிரேதப் பரிசோதனைக்காக ராயப்பேட்டை அரசு மருத்துவமனைக்கு அனுப்பினர்.விசாரணையில், இந்தக் கொலை 17 ஆண்டுகளுக்கு முந்தைய பழைய விரோதத்தின் காரணமாக நடந்ததாகத் தெரியவந்தது. கடந்த 2009 ஆம் ஆண்டு அடையாறு பகுதியில் சிவா என்பவர் கொலை செய்யப்பட்டார். அந்தக் கொலையில் கண்ணன் மற்றும் அவரது கூட்டாளிகளுக்குத் தொடர்பு இருப்பதாகக் கூறப்பட்டது.
இதையும் படிங்க: சட்டப்பேரவை நிகழ்வுகள் தொடக்கம்... கடைசி நாள்... சூடுபிடிக்கும் மானியக் கோரிக்கை விவாதம்..!!
இரு கொலைகளுக்கும் பழிவாங்கும் நோக்கில் பரணி தனது நண்பர்களுடன் சேர்ந்து கண்ணனைத் திட்டமிட்டுத் தாக்கியதாக போலீசார் முதற்கட்ட விசாரணையில் கண்டறிந்தனர்.இந்த வழக்கில் அடையாறு ருக்மணி நகரைச் சேர்ந்த கல்லூரி மாணவர் பரணி உள்ளிட்ட ஐந்து பேர் கைது செய்யப்பட்டனர். அவர்களுடன் ராகேஷ், நரேஷ், மணிகண்டன், ஹரிகரன் ஆகியோரும் அடங்குவர். அனைவரும் சுமார் 20 வயதுடையவர்கள். இவர்களை சைதாப்பேட்டை நீதிமன்றத்தில் ஆஜர்படுத்தினார் போலீசார். நீதிமன்றம் அவர்களை வரும் 21 ஆம் தேதி வரை நீதிமன்றக் காவலில் வைக்க உத்தரவிட்டது.
இதையும் படிங்க: அடுத்த கூட்டத்தொடரில் என் பேச்சை பாருங்க... அமைச்சர் ஜெகதீஸ்வரி உறுதி.!!
