துரை சந்திரசேகரை அமைச்சராக்க பரிந்துரைப்பேன்..! ஆனால்... பரப்புரையில் டிமாண்ட் வைத்த உதயநிதி..!!

தஞ்சாவூர் மாவட்டத்தில் அமைந்துள்ள திருவையாறு சட்டமன்றத் தொகுதியில் திமுக சார்பில் போட்டியிடும் வேட்பாளராக துரை சந்திரசேகரன் அறிவிக்கப்பட்டுள்ளார். இந்தத் தொகுதியில் அவர் எட்டாவது முறையாகக் களமிறங்குகிறார் என்பது குறிப்பிடத்தக்கது. தமிழ்நாடு சட்டமன்றத் தேர்தல் 2026-இல் திமுகவின் அதிகாரப்பூர்வ வேட்பாளர் பட்டியலில் திருவையாறு தொகுதிக்கு அவரது பெயர் இடம்பெற்றுள்ளது. தஞ்சை மத்திய மாவட்ட செயலாளராகவும் பொறுப்பு வகிக்கும் துரை சந்திரசேகரன், திருவையாறு தொகுதியின் நீண்டகால அரசியல் பிரதிநிதியாக அறியப்படுகிறார். 

இந்த 2026 தேர்தலில் துரை சந்திரசேகரன் வேட்பு மனுவை திருவையாறு வட்டாட்சியரிடம் தாக்கல் செய்தார். மதசார்பற்ற முற்போக்குக் கூட்டணியின் வெற்றி வேட்பாளராக உதயசூரியன் சின்னத்தில் அவர் போட்டியிடுகிறார். தேர்தல் பிரச்சாரத்தை தீவிரப்படுத்தியுள்ள அவர், தஞ்சை வடக்கு ஒன்றியத்தின் விடுதலை நகர் உள்ளிட்ட பகுதிகளில் இருந்து பிரச்சாரத்தைத் தொடங்கினார். திறந்த ஜீப்பில் வீதி வீதியாகச் சென்று தமிழக அரசின் சாதனைகளை மக்களிடம் எடுத்துரைத்து வாக்குகள் சேகரித்து வருகிறார். 

தஞ்சாவூர் மாவட்டம் திருவையாறு தொகுதி திமுக வேட்பாளர் துரை சந்திரசேகரனை ஆதரித்து துணை முதலமைச்சர் உதயநிதி ஸ்டாலின் பரப்புரையும் மேற்கொண்டார். தஞ்சாவூர் மாவட்டத்தில் உள்ள எட்டு தொகுதிகளிலும் வெற்றி பெற்றாக வேண்டும் என்றும் தெரிவித்தார். 

இதையும் படிங்க: கொளுத்தும் கோடை வெயில்... முதல்வர் ஸ்டாலினின் பிரச்சார நிகழ்வில் மாற்றம்..!!

60 ஆயிரம் வாக்கு வித்தியாசத்தில் துரைச்சந்திரசேகரை வெற்றி பெற வைக்க வேண்டும் என்று கேட்டுக்கொண்டார். அப்படி 60 ஆயிரம் வாக்குகள் வித்தியாசத்தில் துரைச்சந்திரசேகரனை வெற்றி பெறச் செய்தால் அவரை அமைச்சராக்க முதலமைச்சரிடம் பரிந்துரைப்பேன் என்று உறுதி கொடுத்தார். தானும் இந்த தேர்தலில் போட்டியிடுவதாகவும் தான் ஒரு வேட்பாளர் என்பதை அடிக்கடி மறந்து விடுகிறேன் எனவும் கிண்டலாக கூறினார்.

இதையும் படிங்க: சென்னையின் 22 தொகுதிகளிலும் திமுக தான்... அமைச்சர் மா. சு. உறுதி..!!