EPS வசம் வந்த சாவி..! விழுப்புரம் அதிமுக பிரச்சனைக்கு டாட்..! தணிந்தது பதற்றம்..!!
by
விழுப்புரம் மாவட்ட அதிமுக அலுவலகம் சமீபகாலமாக கட்சியின் உள் மோதலின் மையமாக மாறியிருந்த நிலையில், கட்சி அலுவலக சாவி எடப்பாடி பழனிச்சாமி தரப்பு மாவட்ட செயலாளரிடம் ஒப்படைக்கப்பட்டுள்ளது. இந்த நிகழ்வு அதிமுகவின் விழுப்புரம் அமைப்பில் நீண்டகாலமாக நிலவிய பதற்றத்துக்கு ஒரு முடிவைத் தந்துள்ளது.
அதிமுக பொதுச் செயலாளர் எடப்பாடி கே. பழனிச்சாமி சமீபத்தில் கட்சியில் பெரிய அளவிலான அமைப்பு மாற்றங்களை அறிவித்தார். இதில் விழுப்புரம் மாவட்ட செயலாளர் பதவியில் இருந்து முன்னாள் அமைச்சர் சி.வி. சண்முகம் நீக்கப்பட்டு, பசுபதி புதிய மாவட்ட செயலாளராக நியமிக்கப்பட்டார். இந்த முடிவு கட்சியின் உள் பிரிவுகளுக்கு இடையே கடும் மோதலை ஏற்படுத்தியது. சி.வி. சண்முகம் தரப்பினர் இந்த நியமனத்தை எதிர்த்து வந்த நிலையில், பசுபதி தரப்பினர் அலுவலகத்தைக் கைப்பற்ற முயற்சி செய்தனர்.
மே 16 அன்று இரு தரப்பினரும் அலுவலகத்துக்கு வருகை தந்தபோது பரபரப்பு ஏற்பட்டது. சி.வி. சண்முகம் ஆதரவாளர்கள் பசுபதி தரப்பினரின் நுழைவைத் தடுத்தனர். இதனால் வாக்குவாதம், தள்ளுமுள்ளு ஏற்பட்டு நிலைமை மோசமானது. பதற்றத்தைக் கட்டுப்படுத்த காவல்துறையினர் தலையிட்டு அலுவலகத்தைப் பூட்டி தங்கள் கட்டுப்பாட்டில் வைத்தனர். இரு தரப்பும் அலுவலக உரிமை குறித்து தங்கள் விளக்கங்களை அளித்தனர்.
இதையும் படிங்க: அதிமுகவில் அடுத்த விக்கெட்! Ex எம்.பி இளவரசன் விலகல்!! கட்சியில் உழைத்தவர்களுக்கு மரியாதை இல்லை என விரக்தி!
இந்தச் சூழலில் விழுப்புரம் கோட்டாச்சியர் தலைமையில் சமாதானக் கூட்டம் நடைபெற்றது. இரு தரப்பினரும் கலந்துகொண்ட இந்தக் கூட்டத்தில் அலுவலக உரிமை தொடர்பாக விரிவான விவாதம் நடைபெற்றது. பேச்சுவார்த்தைக்குப் பிறகு, சி.வி. சண்முகம் தரப்பு அலுவலக சாவியை எடப்பாடி பழனிச்சாமி தரப்பு நியமித்த மாவட்ட செயலாளர் பசுபதியிடம் ஒப்படைக்க ஒப்புக்கொண்டது.
இதையும் படிங்க: தவெக குதிரை பேரம்!! சிபிஐ விசாரணை கோர திட்டம்! ஆப்பு வைக்க தயாராகும் அக்ரி கிருஷ்ணமூர்த்தி!
