நாங்க இருக்க வரைக்கும் தான் தேனி "கோட்டை" ... இப்ப வெறும் ஓட்டை..!! ரைமிங்கில் பேசிய ரவீந்திரநாத்..!!

தமிழ்நாட்டின் தென்பகுதியில் அமைந்துள்ள தேனி மாவட்டம், கடந்த பல ஆண்டுகளாக அதிமுகவின் வலுவான கோட்டையாகவே பார்க்கப்பட்டு வருகிறது. தேர்தல் வரலாறு முழுவதும் அதிமுகவுக்கு இங்கு தொடர்ச்சியான ஆதரவு கிடைத்து வந்திருக்கிறது. இதற்கு மிக முக்கிய காரணம் எம்ஜிஆர் காலம். 1980களில் எம்ஜிஆர் தேனி மாவட்டத்தை தனது அரசியல் தளமாகக் கொண்டிருந்தார். குறிப்பாக ஆண்டிப்பட்டி சட்டமன்றத் தொகுதியில் இருந்து அவர் போட்டியிட்டு வென்றார்.

அந்தத் தொகுதி அவருக்கு மிகவும் பிடித்த இடமாக இருந்தது. மக்களிடையே அவர் கொண்டிருந்த செல்வாக்கு, அவரது ஆட்சியில் வந்த பல நலத்திட்டங்கள் குறிப்பாக ஏழைகளுக்கு வழங்கப்பட்ட உணவு, வீடு, வேலைவாய்ப்பு போன்றவை தேனி மக்களின் மனதில் ஆழமாகப் பதிந்தன. அதனால் எம்ஜிஆர் என்றாலே அதிமுக என்று ஒரு தனி உணர்வு உருவானது. அதே போல ஜெயலலிதாவும் தேனியை தனது அரசியல் வீடாகக் கொண்டிருந்தார். 2002இல் ஆண்டிப்பட்டி தொகுதியில் இருந்து போட்டியிட்டு அவர் வென்றபோது, அது அதிமுகவின் வலிமையை இன்னும் உறுதிப்படுத்தியது.

ஜெயலலிதா ஆட்சியில் வந்த பல திட்டங்கள் அம்மா உணவகம், அம்மா கனி, இலவச சாதி சான்றிதழ் போன்றவை தெற்கு மாவட்டங்களில், குறிப்பாக தேனியில் மிகப்பெரிய வரவேற்பைப் பெற்றன. இதனால் தேனி மாவட்டத்தில் அதிமுகவுக்கு ஒரு விசுவாசமான வாக்காளர் கூட்டம் உருவானது. தேர்தல் நேரத்தில் கட்சி தலைவர்கள் இங்கு நேரடியாகக் களமிறங்கினாலும், இல்லாவிட்டாலும், வாக்குகள் பெரும்பாலும் அதிமுகவுக்கே விழுந்தன. ஓ.பன்னீர்செல்வம் போன்ற தலைவர்கள் தேனியைச் சேர்ந்தவர்கள் என்பதால், அவர்களது தனிப்பட்ட செல்வாக்கும் இந்த ஆதரவை அதிகரித்தது. 2001 முதல் 2021 வரை பெரும்பாலான சட்டமன்றத் தேர்தல்களில் தேனி மாவட்டத்தின் பெரும்பாலான தொகுதிகள் அதிமுகவின் கைக்குள் இருந்தன. நாடாளுமன்றத் தேர்தல்களிலும், 2019இல் தமிழகத்தில் அதிமுக ஒரே ஒரு தொகுதியை மட்டுமே வென்றது. அது தேனி தான்.

இதையும் படிங்க: நீயெல்லாம் செத்தவன்தான்... கல்லறை கல்லும் காரித் துப்பும்..! OPS- ஐ விளாசிய வளர்மதி..!!

இந்த நிலையில் திமுகவில் முன்னாள் முதலமைச்சர் ஓ பன்னீர்செல்வம் மற்றும் அவரது மகன் ரவீந்திரநாத் ஆகியோர் இணைந்து விட்டனர். இதைத்தொடர்ந்து தேனி அதிமுகவின் கோட்டையாக இருக்கும் நிலையில் தங்களால் ஜெயிக்க முடியுமா என ரவீந்திரநாத்திடம் கேள்வி எழுப்பப்பட்டது. அப்போது, நாங்கள் இருக்கும் வரை தான் கோட்டை என்றும் தற்போது அது ஓட்டை எனவும் ரைமிங்காக பேசி பதில் கொடுத்து சென்றார். 

இதையும் படிங்க: ரொம்ப தப்பான முடிவு... திமுகவில் OPS... சசிகலா கடும் அதிருப்தி..!!