அதிமுகவில் மாறிய மரபு! இபிஎஸ் முன்னிலையில் அவைத்தலைவர் தமிழ்மகன் உசேன் தலைமையில் அவசரக் கூட்டம்!

தேர்தல் தோல்விக்குப் பின் பொதுச்செயலாளர் முன்னிலையில் நடைபெற்ற ஆலோசனைக் கூட்டம் - இபிஎஸ்-ஸிற்கு முழு ஆதரவு வழங்கி தலைமைக்கழகம் அதிரடி அறிக்கை வெளியீடு.சென்னை, 2026 மே 19: தமிழக சட்டமன்றத் தேர்தல் தோல்வி மற்றும் உட்கட்சிப் பூசல்களுக்கு மத்தியில், அதிமுகவின் வரலாற்றில் முதல் முறையாகப் பொதுச்செயலாளருக்குப் பதிலாக அவைத்தலைவர் தலைமையில் மாவட்டச் செயலாளர்கள் கூட்டம் நடைபெற்றுள்ளது கோட்டை வட்டார அரசியல் களத்தில் பெரும் பரபரப்பை ஏற்படுத்தியுள்ளது.  

அவைத் தலைவர் தலைமையில் முதல் முறை கூடி சாதனைஅதிமுகவில் வழக்கமாகப் பொதுச்செயலாளர் தலைமையிலேயே மாவட்டச் செயலாளர்கள் மற்றும் உயர்மட்ட ஆலோசனைக் கூட்டங்கள் நடத்தப்படுவதுதான் அதிகாரப்பூர்வ மரபாக இருந்து வந்தது. ஆனால், இன்று (மே 19, செவ்வாய்க்கிழமை) சென்னை ராயப்பேட்டையில் உள்ள கட்சியின் தலைமையகமான எம்.ஜி.ஆர் மாளிகையில் நடைபெற்ற அவசர மாவட்டச் செயலாளர்கள் மற்றும் தலைமைக்கழகச் செயலாளர்கள் கூட்டமானது, அதிமுக அவைத்தலைவர் டாக்டர் அ. தமிழ்மகன் உசேன் தலைமையில் நடைபெற்றுள்ளது. 

கட்சியின் பொதுச்செயலாளரும் முன்னாள் முதலமைச்சருமான எடப்பாடி கே. பழனிசாமி அவர்கள் இக்கூட்டத்திற்கு முன்னிலை மட்டுமே வகித்துள்ளார். உட்கட்சியில் பிளவுகள் ஏற்பட்டு 28 நிர்வாகிகள் நீக்கப்பட்ட அசாதாரண சூழலில், கட்சியின் சட்டதிட்ட விதிகளுக்கு உட்பட்டு எவ்வித சட்டப் சிக்கல்களும் வந்துவிடக் கூடாது என்பதற்காகவே இந்த வியூக மாற்றம் செய்யப்பட்டிருப்பதாக அரசியல் நோக்கர்கள் கருதுகின்றனர்.  தோல்வி குறித்தும் எடப்பாடிக்கு முழு ஆதரவு குறித்தும் தீர்மானம்இந்த ஆலோசனைக் கூட்டத்தில், நடந்து முடிந்த சட்டமன்றப் பொதுத் தேர்தல் முடிவுகள் மற்றும் வாக்குச் சரிவுகள் குறித்து அக்குவேறு ஆணிவேறாக விவாதிக்கப்பட்டது. 

இதையும் படிங்க: அதிமுகவுக்கு அமைச்சர் பதவி கிடைப்பதில் சிக்கல்!! வாய்விட்டு கெடுத்த லீமாரோஸ்! இழுபறி ஏன்?!

தேர்தல் தோல்வி அடைந்திருந்தாலும், பொதுச்செயலாளர் எடப்பாடி பழனிசாமி தமிழ்நாடு முழுவதும் சூறாவளிப் பிரச்சாரம் மேற்கொண்டதன் காரணமாகவே அதிமுக சார்பில் 47 எம்.எல்.ஏ-க்களும், கூட்டணிக் கட்சிகள் சார்பில் 6 எம்.எல்.ஏ-க்களும் என மொத்தம் 53 பேர் வெற்றி பெற முடிந்தது என இக்கூட்டத்தில் சுட்டிக்காட்டப்பட்டது. 

இதற்காக எடப்பாடி பழனிசாமிக்கு மாவட்டச் செயலாளர்கள் தங்களது நெஞ்சார்ந்த நன்றியைத் தெரிவித்துக் கொண்டனர். மேலும், கட்சியில் பிளவை ஏற்படுத்த எஸ்பி வேலுமணி தரப்பும், தவெக தரப்பும் காய்நகர்த்தி வருவதாகக் கூறப்படும் சூழலில், பொதுச்செயலாளர் எடப்பாடி பழனிசாமிக்கு தங்களது முழு ஆதரவையும், அசைக்க முடியாத ஒத்துழைப்பையும் தொடர்ந்து வழங்குவதாக அனைத்து மாவட்டச் செயலாளர்களும் ஒருமனதாக உறுதிபடத் தெரிவித்துள்ளனர்.

இதையும் படிங்க: 25 பேரின் பதவியும் பறிக்கப்படும்! அதிமுக எம்பி தம்பிதுரை எச்சரிக்கை!