Breaking News!! இரண்டாக உடைகிறது அதிமுக! களத்தில் குதித்த விஜய்! தவெகவுக்கு எஸ்.பி வேலுமணி - சி.வி.சண்முகம் ஆதரவு?!
இதற்கிடையே வேலுமணி மூலம் அதிமுகவை உடைக்கிறார் விஜய். மூன்றில் இரண்டு பங்கு எம்எல்ஏக்களுடன் தவெகவுக்கு வருவதாக வேலுமணி உறுதி!
by
தமிழக அரசியல் களம் தினந்தோறும் புதிய திருப்பங்களை சந்தித்து வரும் நிலையில், தற்போது மேலும் பரபரப்பை ஏற்படுத்தும் தகவல்கள் வெளியாகியுள்ளன. ஏற்கனவே திமுக-காங்கிரஸ் கூட்டணியில் பிளவு ஏற்பட்டதாக பேசப்பட்டு வரும் சூழலில், இப்போது அதிமுகவிலும் உடைப்பு அபாயம் உருவாகியிருப்பதாக அரசியல் வட்டாரங்களில் கூறப்படுகிறது.
விஜய் தலைமையிலான தமிழக வெற்றிக் கழகம் ஆட்சி அமைக்க தேவையான எண்களை சேர்க்க தீவிர முயற்சியில் ஈடுபட்டு வருகிறது. இதன் ஒரு பகுதியாக, எடப்பாடி பழனிசாமி (Edappadi K. Palaniswami) தலைமையிலான அதிமுகவுடன் ஆதரவு கோரி பேச்சுவார்த்தை நடைபெற்றதாக தகவல்கள் வெளியாகின. ஆனால், அந்த பேச்சுவார்த்தை எதிர்பார்த்தபடி முடிவுக்கு வரவில்லை.
அதிமுக தரப்பில் முக்கியமான நிபந்தனைகள் முன்வைக்கப்பட்டதாக கூறப்படுகிறது. குறிப்பாக, கட்சியின் மூத்த தலைவர் செங்கோட்டையன் (Sengottaiyan) அவர்களுக்கு அமைச்சர் அல்லது சபாநாயகர் போன்ற பதவிகள் வழங்கக்கூடாது என்பதே முக்கிய கோரிக்கையாக இருந்ததாக தகவல்கள் தெரிவிக்கின்றன. இந்த நிபந்தனையை ஏற்றால் மட்டுமே ஆதரவு வழங்கப்படும் என கூறப்பட்ட நிலையில், விஜய் அதை நிராகரித்ததாக தெரிகிறது.
இதையும் படிங்க: அதிமுகவுக்கு விரித்த வலை! திமுகவுக்கு விழுந்த குட்டு!! அமலாக்கத்துறை எதுக்கு வரணும்? ஐகோர்ட் அதிரடி!
இதனால், இரு தரப்புகளுக்கிடையேயான பேச்சுவார்த்தை முடங்கியுள்ளதாக கூறப்படுகிறது. இதற்கிடையில், அதிமுகவில் உள்ள சில முக்கிய தலைவர்கள் மூலம் கட்சிக்குள் பிளவை ஏற்படுத்தும் முயற்சிகள் நடந்து வருவதாகவும் தகவல்கள் வெளியாகியுள்ளன. குறிப்பாக, எஸ்.பி.வேலுமணி (S. P. Velumani) மூலம் ஒரு பெரிய குழுவை தமிழக வெற்றிக் கழகத்திற்கு மாற்றும் முயற்சி நடைபெறுவதாக அரசியல் வட்டாரங்கள் கூறுகின்றன.
தற்போது அதிமுகவில் 47 எம்.எல்.ஏ.க்கள் உள்ள நிலையில், அதில் மூன்றில் இரண்டு பங்கு உறுப்பினர்களை கொண்டு வர முடியும் என உறுதி அளிக்கப்பட்டதாகவும் கூறப்படுகிறது. இதன் பின்னணியில், எடப்பாடி பழனிசாமி கூட்டியிருந்த எம்.எல்.ஏ.க்கள் கூட்டம் திடீரென ரத்து செய்யப்பட்டதாக தகவல்கள் வெளியாகி, மேலும் சந்தேகங்களை எழுப்பியுள்ளது.
இந்த சூழ்நிலையில், அதிமுக உடையும் அபாயம் உருவாகியிருப்பதாக கூறப்படுவது, தமிழக அரசியலில் மிகப்பெரிய மாற்றத்திற்கு வழிவகுக்கும் என பார்க்கப்படுகிறது. அடுத்த சில நாட்களில் எடுக்கப்படும் முடிவுகள், ஆட்சி அமைப்பின் திசையை முழுமையாக மாற்றக்கூடியதாக இருக்கும்.
இதையும் படிங்க: போலீசாரை அசிங்கமாக திட்டிய அதிமுக வளர்மதியின் கணவன்!! வழக்குபதிவு செய்தது நுங்கம்பாக்கம் காவல்துறை!
