எந்த கவலையும் இல்லாம ரீல்ஸ் போடுறீங்க! அவ்ளோ விளம்பர வெறி! வெக்கமா இல்லையா? முதல்வருக்கு அண்ணாமலை கேள்வி!

தமிழக பாஜக முன்னாள் தலைவர் கே. அண்ணாமலை முதலமைச்சர் எம்.கே. ஸ்டாலின்னை கடுமையாக விமர்சித்துள்ளார். தனது எக்ஸ் தளத்தில் பதிவிட்டுள்ள அவர், “எது குறித்தும் கவலை இல்லாமல் ரீல்ஸ் போட்டுக் கொண்டிருக்கிறார் முதலமைச்சர் மு.க.ஸ்டாலின்” என்று குற்றம்சாட்டியுள்ளார்.

அண்ணாமலை தனது பதிவில், திமுக ஆட்சியின் கடந்த ஐந்தாண்டுகளில் 8,008 கொலைகள், 2,080 பாலியல் குற்றங்கள், குழந்தைகளுக்கு எதிரான குற்றங்களில் 39,999 போக்சோ வழக்குகள் பதிவாகியுள்ளதாகக் குறிப்பிட்டுள்ளார். விளாத்திகுளம் சிறுமி பாலியல் தாக்குதலுக்கு ஆளாகி கொலை செய்யப்பட்ட சம்பவத்தில் குற்றவாளிகள் இன்னும் கைது செய்யப்படவில்லை என்றும் சுட்டிக்காட்டியுள்ளார்.

மேலும், “இரண்டு சிறுவர்களிடம் ரீல்ஸ் போடுவதோடு கல்வியிலும் கவனம் செலுத்துங்கள் என்று ஸ்டாலின் அறிவுரை சொன்னது இந்த நூற்றாண்டின் சிறந்த நகைச்சுவை” என்று கிண்டலடித்துள்ளார். “எப்போது ரீல்ஸ் போடுவதை நிறுத்தி ஆட்சி நிர்வாகத்தில் கவனம் செலுத்தப் போகிறீர்கள்?” என்று கேள்வி எழுப்பியுள்ளார்.

இதையும் படிங்க: அதிகாரிகள் பின்னாடி மறையாதீங்க ஸ்டாலின்! மக்களுக்கு விளக்கம் கொடுங்க! அண்ணாமலை காட்டம்!

திமுக ஆட்சிக்கு வந்த கடந்த ஐந்து ஆண்டுகளில், 8,008 கொலைகள், 2,080 பாலியல் குற்றங்கள், குழந்தைகளுக்கு எதிரான குற்றங்களில் 39,999 போக்சோ வழக்குகள் பதிவாகியிருக்கின்றன. விளாத்திகுளம் சிறுமி பாலியல் தாக்குதலுக்கு ஆளாகி கொலை செய்யப்பட்டதற்குக் காரணமான குற்றவாளிகளை இன்னும் கைது… https://t.co/S2jBWAarVU

— K.Annamalai (@annamalai_k) March 14, 2026

அரசுப் பள்ளிகளில் கட்டிடங்கள், குடிநீர், கழிவறை வசதிகள் இல்லாத நிலை, பள்ளி உணவில் பல்லி விழுந்து 43 குழந்தைகள் மருத்துவமனையில் அனுமதிக்கப்பட்ட சம்பவம், தரமற்ற காலை உணவு, அழுகிய முட்டை மதிய உணவு போன்றவற்றை சுட்டிக்காட்டிய அண்ணாமலை, “இவற்றை சரி செய்யாமல், கல்வி நேரத்தில் இரண்டு சிறுவர்களை விளம்பரத்துக்கு பயன்படுத்துகிறீர்களே, வெட்கமில்லையா?” என்று கேள்வி எழுப்பியுள்ளார்.

https://x.com/i/status/2032651984319426707

மாணவர்களுக்கு அடிப்படை வசதிகளை ஏற்படுத்திக் கொடுங்கள், பள்ளிகளில் கஞ்சா உள்ளிட்ட போதைப்பொருள் புழக்கத்தை தடுங்கள் என்றும் வலியுறுத்தியுள்ளார். “உங்கள் விளம்பர நாடக அறிவுரை இல்லாமலேயே அவர்கள் படிப்பார்கள்” என்று முடித்துள்ளார்.

இந்த பதிவு சமூக ஊடகங்களில் பெரும் பரபரப்பை ஏற்படுத்தியுள்ளது. தேர்தல் நெருங்கும் நிலையில் திமுக - பாஜக இடையேயான வார்த்தைப் போர் தீவிரமடைந்துள்ளது. ஸ்டாலின் ரீல்ஸ் மூலம் இளைஞர்களை ஈர்க்கும் முயற்சிக்கு எதிராக அண்ணாமலை குற்றச்சாட்டுகளை முன்வைத்துள்ளார். சட்டம் - ஒழுங்கு, கல்வி, பாதுகாப்பு போன்ற விஷயங்களில் திமுக அரசு தோல்வியடைந்துள்ளதாக அவர் குற்றம்சாட்டியுள்ளது அரசியல் வட்டாரத்தில் விவாதத்தை ஏற்படுத்தியுள்ளது.

இதையும் படிங்க: அதிகாரிகள் பின்னாடி மறையாதீங்க ஸ்டாலின்! மக்களுக்கு விளக்கம் கொடுங்க! அண்ணாமலை காட்டம்!