அப்பாவி மக்களுக்கு துரோகம் செய்த திமுக!! ஆறாத வடு!! பயங்கரவாதிகளுக்கு துணை போவதா? அண்ணாமலை ஆத்திரம்!

கோவை மக்களின் மனதில் ஆறாத வலியை ஏற்படுத்திய 1998 பிப்ரவரி 14 குண்டுவெடிப்பு நிகழ்வின் 27ஆம் ஆண்டு நினைவு நாள் இன்று (பிப்ரவரி 14, 2026) அனுசரிக்கப்படுகிறது. அன்று திமுக ஆட்சியில் நடந்த தொடர் குண்டுவெடிப்பில் 58 அப்பாவி உயிர்கள் பறிபோனது. 

200க்கும் மேற்பட்டோர் படுகாயமடைந்தனர். இந்த துயர சம்பவத்தை நினைவுகூர்ந்து தமிழக பாஜக முன்னாள் தலைவர் கே. அண்ணாமலை கடுமையான அறிக்கை ஒன்றை வெளியிட்டுள்ளார்.

அண்ணாமலை கூறியதாவது: "கோவை குண்டுவெடிப்பு குற்றவாளிகளை தண்டனைக் காலம் முன்பாகவே விடுவித்து, உயிரிழந்த அப்பாவி மக்களுக்குத் துரோகம் செய்தது திமுக. 1998இல் திமுக ஆட்சியில் நடந்த இந்த தாக்குதல் கோவையின் வளர்ச்சியை பின்னுக்குத் தள்ளியது. 

இதையும் படிங்க: விஜய்க்கு ரஜினி தான் உதாரணம்..! ரசிகர் மன்றம் பிரச்சாரம் செய்யாது... போட்டு தாக்கிய அண்ணாமலை..!

இந்திய அளவில் பொருளாதாரத்தில் முன்னணியில் இருக்க வேண்டிய கோவை, பிரிவினைவாத சக்திகளாலும், தேர்தல் வாக்குகளுக்காக அவர்களுக்கு துணை போகும் திமுக உள்ளிட்ட கட்சிகளாலும் பின்னோக்கிச் சென்றுவிட்டது."

மேலும் அவர் சாடியது: "கோட்டை ஈஸ்வரன் கோவில் அருகே நடந்த தற்கொலைப் படை தாக்குதலை 'சிலிண்டர் வெடிப்பு' என்று கூறி, மீண்டும் பயங்கரவாதிகளுக்கு துணை போகிறது திமுக. தேர்தல் வாக்குகளுக்காக பொதுமக்கள் பாதுகாப்பை கேள்விக்குறியாக்கும் திமுகவை அகற்றுவதே, உயிரிழந்த அப்பாவி மக்களுக்கு நாம் செய்யும் உண்மையான அஞ்சலி."

1998 குண்டுவெடிப்பு Al-Ummah அமைப்பால் நடத்தப்பட்டது. LK அத்வானியை குறிவைத்த தாக்குதல் தோல்வியடைந்தாலும், கோவை மக்கள் பெரும் இழப்பை சந்தித்தனர். பின்னர் சில குற்றவாளிகள் நல்ல நடத்தை அடிப்படையில் முன்கூட்டியே விடுவிக்கப்பட்டனர். இதை திமுகவின் சிறுபான்மை திருப்தி அரசியலாக அண்ணாமலை குற்றம்சாட்டியுள்ளார்.

இந்த அறிக்கை தமிழக அரசியலில் பெரும் பரபரப்பை ஏற்படுத்தியுள்ளது. பாஜக தலைமை திமுகவை தொடர்ந்து சிறுபான்மை திருப்தி அரசியல் செய்வதாக விமர்சித்து வருகிறது. கோவை மக்கள் பாதுகாப்பு, தீவிரவாத எதிர்ப்பு ஆகியவை தேர்தல் களத்தில் முக்கிய பிரச்சினையாக உருவெடுத்துள்ளது. 

உயிரிழந்தோருக்கு நீதி கிடைக்க வேண்டும் என்பது அனைவரின் கோரிக்கையாக உள்ளது. திமுக இதற்கு எப்படி பதிலளிக்கும் என்பது எதிர்பார்ப்பாக உள்ளது. 

இதையும் படிங்க: சூடுபிடிக்கும் அரசியல் களம்..!! பாஜகவில் அண்ணாமலைக்கு புதிய பொறுப்பு..?? பின்னணி என்ன..??