எந்த வாக்காளரையும் காரணம் இல்லாமல் நீக்க முடியாது... புரிஞ்சுக்கோங்க..! தமிழக தலைமை தேர்தல் அதிகாரி விளக்கம்...!

தமிழகம் உள்ளிட்ட 12 மாநிலங்களில் எஸ் ஐ ஆர் பணிகள் நடைபெறுகிறது. இந்த நிலையில், தமிழக தலைமை தேர்தல் அதிகாரி அர்ச்சனா பட்நாயக் செய்தியாளர்களை சந்தித்தார். அப்போது, எஸ் ஐ ஆர் பணிகள் குறித்து விளக்கம் அளித்தார். தமிழகத்தில் 6.41 கோடி வாக்காளர்களில் 6.16 கோடி வாக்காளர்களுக்கு எஸ் ஐ ஆர் படிவங்கள் விநியோகம் செய்யப்பட்டு இருப்பதாக தெரிவித்தார்.

எந்த விசாரணையும் இன்றி வாக்காளர் பட்டியலில் இருந்து யாரையும் நீக்க முடியாது என்று தமிழக தலைமை தேர்தல் அதிகாரி அர்ச்சனா பட்நாயக் தெரிவித்தார். தமிழ்நாட்டில் எஸ் ஐ ஆர் பணிகளில் தேர்தல் ஆணையம் சார்பில் 83 ஆயிரம் பேர் ஈடுபடுத்தப்பட்டுள்ளதாக கூறினார். 68, 647 பிஎல்ஓ-க்கள் உள்ளிட்ட 2.45 லட்சம் நபர்கள் எஸ் ஐ ஆர் பணிகளில் ஈடுபட்டுள்ளதாக தெரிவித்தார்.

மேலும், இந்தியாவிலேயே தமிழ்நாட்டில்தான் அதிகப்படியாக பி எல் ஓ- க்கள் பயிற்சி அளிக்கப்பட்டுள்ளதாக தெரிவித்தார். ஆன்லைன் மூலமாக 2 லட்சம் பேர் விண்ணப்பித்துள்ளதாகவும் வாக்காளர் பட்டியலில் பெயர் இடம்பெறாத நபர்கள் விண்ணப்பிக்க போதுமான அவகாசம் தரப்படும் என்றும் அர்ச்சனா பட்நாயக் தெரிவித்தார்.

இதையும் படிங்க: கிட்டத்தட்ட நெருங்கியாச்சு... SIR விண்ணப்ப படிவங்கள்... முக்கிய தகவல் கொடுத்த தேர்தல் ஆணையம்...!

எஸ் ஐ ஆர் படிவம் பூர்த்தி செய்து அளிப்பதற்கான காலக்கெடு டிசம்பர் நான்காம் தேதி என்றும் கால அவகாசம் நீட்டிக்க வாய்ப்பில்லை என்றும் தெரிவித்தார். சென்னையில் எஸ் ஐ ஆர் விண்ணப்பங்கள் 96% வழங்கப்பட்டு விட்டதாகவும் 50 சதவீதம் விண்ணப்பங்கள் பூர்த்தி செய்யப்பட்டு திருப்பி பெறப்பட்டுள்ளதாகவும் அர்ச்சனா பட்நாயக் கூறினார். 

இதையும் படிங்க: தேர்தல் ஆணையத்துக்கு பாடை... போராட்டத்தில் குதித்த புதுவை காங்கிரஸ் கட்சியினர்...!