சொத்துக்குவிப்பு வழக்கில் கே.கே.எஸ்.எஸ்.ஆர் ராமச்சந்திரனுக்கு சிக்கல்! இடம் பார்த்து ஆப்பு வைத்த பாஜக!

தமிழக அரசியலில் பெரும் பரபரப்பு: அமைச்சர் கே.கே.எஸ்.எஸ்.ஆர். ராமச்சந்திரன் சொத்துகுவிப்பு வழக்கு விசாரணை வேறு மாநிலத்துக்கு மாற்றக் கோரிய மனு உச்ச நீதிமன்றத்தில் ஏற்கப்பட்டது!

தமிழக வருவாய் மற்றும் பேரிடர் மேலாண்மைத் துறை அமைச்சர் கே.கே.எஸ்.எஸ்.ஆர். ராமச்சந்திரன் மீதான சொத்துகுவிப்பு வழக்கு விசாரணையை வேறு மாநிலத்துக்கு மாற்ற வேண்டும் என பா.ஜ.க. நிர்வாகி கல்யாணராமன் உச்ச நீதிமன்றத்தில் மனு தாக்கல் செய்திருந்தார். இந்த மனு உச்ச நீதிமன்ற நீதிபதி தீபங்கர் தத்தா தலைமையிலான அமர்வு முன்பு விசாரணைக்கு வந்தது.

மனுதாரர் தரப்பு வழக்கறிஞர் ஆஜராகி வாதிட்டபோது, தமிழகத்தில் அமைச்சர் பதவியில் இருப்பதால் நியாயமான விசாரணை சாத்தியமில்லை என்றும், ஏற்கனவே தங்கம் தென்னரசு மீதான சொத்துகுவிப்பு வழக்கு உச்ச நீதிமன்றத்தில் நிலுவையில் உள்ளதால் இதையும் அதனுடன் இணைத்து விசாரிக்க வேண்டும் என்றும் கோரினார். ஜெயலலிதா வழக்கை முன்னுதாரணமாகக் காட்டி, தமிழகத்தில் நியாயமான விசாரணைக்கு இடையூறு ஏற்படும் என்று வாதிட்டார்.

இதையும் படிங்க: திருப்பரங்குன்றம் நீதிபதி ஜி.ஆர்.சுவாமிநாதனுக்கு எதிரான அவதூறு! மாவட்ட எஸ்.பிக்கு பறந்த உத்தரவு! டிஜிபி விளக்கம்!

நீதிபதிகள் மனுவை பரிசீலித்து, கே.கே.எஸ்.எஸ்.ஆர். ராமச்சந்திரன் மீதான சொத்துகுவிப்பு வழக்கு விசாரணையை வேறு மாநிலத்துக்கு மாற்றக் கோரிய மனுவை விசாரணைக்கு ஏற்றுக் கொண்டனர். மேலும், உச்ச நீதிமன்றத்தில் நிலுவையில் உள்ள தமிழக அமைச்சர்கள் தொடர்பான மற்ற சொத்துகுவிப்பு வழக்குகளுடன் இணைத்து விசாரிக்க உத்தரவிட்டனர்.

இந்த வழக்கு 2006-2011 திமுக ஆட்சியில் அமைச்சராக இருந்தபோது ரூ.44 லட்சத்துக்கும் மேல் வருமானத்துக்கு அதிகமான சொத்து சேர்த்ததாக லஞ்ச ஒழிப்புத் துறை 2012-ல் பதிவு செய்தது. ஸ்ரீவில்லிபுத்தூர் சிறப்பு நீதிமன்றம் 2023-ல் விடுவித்தது. ஆனால் சென்னை உயர் நீதிமன்றம் 2024-ல் அந்த உத்தரவை ரத்து செய்து மீண்டும் விசாரணைக்கு உத்தரவிட்டது. அதை எதிர்த்து அமைச்சர் உச்ச நீதிமன்றத்தில் மேல்முறையீடு செய்தார். உச்ச நீதிமன்றம் 2024 செப்டம்பரில் இடைக்கால தடை விதித்தது.

இப்போது விசாரணை மாற்றக் கோரிய மனு ஏற்கப்பட்டுள்ளது. இது தமிழக அரசுக்கு பெரும் அதிர்ச்சியை ஏற்படுத்தியுள்ளது. நியாயமான விசாரணைக்காக வேறு மாநிலம் கோரப்பட்டுள்ளது. இந்த மனு தி.மு.க. அரசுக்கு எதிரான அரசியல் அழுத்தமாக பார்க்கப்படுகிறது. அடுத்த கட்ட விசாரணையில் என்ன நடக்கும் என்பது ஆவலுடன் எதிர்பார்க்கப்படுகிறது. 

இதையும் படிங்க: பொய் பேசுறத நிறுத்துங்க! உங்க அண்ணன்கிட்ட கேளுங்க! கனிமொழிக்கு அண்ணாமலை அதிரடி ரிப்ளை!!