ரூ.2. 23 கோடியில் ஆய்வகத் துணை கட்டிடம்.. மாதவரத்தில் திறந்து வைத்த முதல்வர் விஜய்..!

சென்னை மாதவரத்தில் அமைந்துள்ள ஆவின் மத்திய பால் பண்ணையில் முதலமைச்சர் ஜோசப் விஜய் நேரடி ஆய்வு மேற்கொண்டார். இந்தப் பண்ணை நாள்தோறும் நான்கு லட்சம் லிட்டர் முதல் நான்கரை லட்சம் லிட்டர் வரை பால் உற்பத்தி செய்து விநியோகித்து வருகிறது. சென்னையின் பல்வேறு பகுதிகளுக்கு நாற்பத்தைந்துக்கும் மேற்பட்ட வழித்தடங்களில் லாரிகள் மூலம் பால் பாக்கெட்டுகள் அனுப்பப்படுகின்றன.

தற்போது விற்பனைக்காக ஒரு நாளைக்கு மூன்று லட்சம் லிட்டர் முதல் மூன்று லட்சத்து அறுபதாயிரம் லிட்டர் வரை பால் பதப்படுத்தப்படுகிறது. இங்கு மூவாயிரத்து எழுநூற்று ஐம்பது லிட்டர் பாலை குளிர்விக்கும் அறைகளும் எண்பது மெட்ரிக் டன் பால் பவுடர் இருப்பு அறைகளும் உள்ளன.முதலமைச்சர் ஆய்வின்போது பால் கொள்முதல் மற்றும் விநியோகம் தொடர்பாக அதிகாரிகளிடம் விரிவாக விசாரித்தார். சென்னையில் ஆவின் பால் தேவைக்கு ஏற்ப போதுமான அளவில் கிடைக்காததால் பொதுமக்கள் சிரமப்படுவது குறித்தும் கவனம் செலுத்தினார்.

கடைகளில் உடனடியாக விற்றுத் தீர்ந்துவிடுவதால் மக்கள் தனியார் பாலை அதிக விலைக்கு வாங்கும் நிலை ஏற்பட்டுள்ளது என்பதையும் அதிகாரிகள் விளக்கினர்.இந்த ஆய்வின் ஒரு பகுதியாக ரூபாய் இரண்டு கோடியே இருபத்து மூன்று லட்சத்தில் கட்டப்பட்ட ஆவின் மைய ஆய்வகத்தின் துணைக் கட்டடத்தை முதலமைச்சர் திறந்து வைத்தார். இந்த ஆய்வகம் பால் மற்றும் பால் பொருட்களின் தரத்தை உறுதி செய்வதில் முக்கியப் பங்கு வகிக்கிறது. மாதிரிகள் சேகரிக்கப்பட்டு நவீன உபகரணங்கள் மூலம் பரிசோதிக்கப்படுகின்றன.

இதையும் படிங்க: மாதவரம் பால் பண்ணைக்கு முதல்வர் விஜய் விசிட்.! அதிகாரிகள் அலர்ட்..!!

இதன் மூலம் நுகர்வோருக்கு தரமான பால் கிடைப்பது உறுதி செய்யப்படுகிறது.மேலும் மாதவரம் பால் பண்ணை வளாகத்தில் கட்டப்பட்டு வரும் புதிய பண்ணையின் கட்டுமானப் பணிகளையும் முதலமைச்சர் பார்வையிட்டார். இந்தப் புதிய நிலையம் ரூபாய் நூற்றைம்பத்தி இரண்டு கோடியே இருபத்து ஆறு லட்சத்தில் ஏழு ஏக்கர் பரப்பளவில் அமைக்கப்படுகிறது. பத்து லட்சம் லிட்டர் கொள்ளளவு கொண்ட இந்தப் பண்ணை கடந்த இரண்டாயிரத்து இருபத்தி இரண்டு ஆண்டு முதல் கட்டப்பட்டு வருகிறது. இது முழுமையாக இயங்கத் தொடங்கினால் சென்னையின் பால் தேவையை பெருமளவு பூர்த்தி செய்யும் என எதிர்பார்க்கப்படுகிறது.

இதையும் படிங்க: தவெகவில் விரிசலா? விஜய்யை விட்டு விலகும் நாஞ்சில் சம்பத்.. அதிருப்திக்கு காரணம் என்ன..??