பழக்க தோஷம் பாஸ்...!! - “தளபதி ஸ்டாலின்” - விஜயை மறந்த காங்கிரஸ் கட்சியினரால் பரபரப்பு...!

தமிழக சட்டமன்ற தேர்தல் நடைபெற்று தமிழக வெற்றி கழகம் 108 இடங்களில் வெற்றி பெற்று அதிக இடங்களை பெற்ற கட்சியாக விளங்கினாலும் ஆட்சி அமைப்பதற்கு தேவையான 118 என்ற இலக்கத்தை எட்ட முடியவில்லை. இந்நிலையில் காங்கிரஸ் கட்சி சார்பில் வெற்றி பெற்ற ஐந்து எம்எல்ஏக்களும் தமிழக வெற்றி கழகத்திற்கு ஆதரவை தெரிவித்துள்ளனர்.

தமிழக வெற்றி கழகத் தலைவர் விஜய் தமிழக ஆளுநரை சந்தித்து ஆட்சி அமைக்க உரிமை கோரிய போதிலும் மெஜாரிட்டிக்கான 118 எம்எல்ஏக்களின் ஆதரவை காண்பிக்காததால் தமிழக வெற்றி கழக தலைவர் விஜயை ஆட்சி அமைக்க ஆளுநர் அழைக்கவில்லை. இதனைக் கண்டித்து தமிழக முழுவதும் காங்கிரஸ் கட்சியினர் கண்டன ஆர்ப்பாட்டத்தை இன்று நடத்தினர். 

அரியலூர் அண்ணா சிலை அருகே அரியலூர் மாவட்ட காங்கிரஸ் தலைவர் மாரியம்மாள் தலைமையில் ஆர்ப்பாட்டம் நடைபெற்றது. இந்த ஆர்ப்பாட்டத்தில் பேசிய காங்கிரஸ் கட்சி அரியலூர் வட்டாரத் தலைவர் சாத்தமங்கலத்தை சேர்ந்த பாண்டியராஜன் பேச ஆரம்பிக்கையில், மதிப்பிற்குரிய தளபதி ஸ்டாலினை என்று கூறி உடனடியாக சுதாரித்துக் கொண்டு,  தலையில் கையை தடவிக் கொண்டு, தளபதி விஜயை ஆட்சி அமைக்க விடாமல் தடுத்துக் கொண்டிருக்கும் ஆளுநரை கண்டித்து அரியலூரில் இந்த கண்டன ஆர்ப்பாட்டம் நடைபெறுகிறது என்று கூறினார்.

இதையும் படிங்க: தவெக நீதிமன்றத்தை நாடலாம்.. மூத்த வழக்கறிஞர் கபில் சிபல் அறிவுறுத்தல்..!

காங்கிரஸ் கட்சியினர் கூட்டணி மாறிய பிறகும், பழைய பாசத்தில் தேர்தல் பிரச்சாரத்தில் ஈடுபட்டு வாக்கு சேகரித்த பழைய ஞாபகத்தில் எடுத்தவுடன் தளபதி ஸ்டாலின் என்று கூறியது ஆர்ப்பாட்டத்தில் கலந்து கொண்ட காங்கிரஸ் மற்றும் தமிழக வெற்றி கழக நிர்வாகிகள் மற்றும் தொண்டர்கள் மற்றும் பரபரப்பையும் சிரிப்பையும் ஏற்படுத்தியது.

இதன் பின்னர் காங்கிரஸ் கட்சியின் நிர்வாகிகளும் மாவட்ட தலைவர் மாரியம்மாலும் ஆளுநரை கண்டித்து கோஷங்கள் எழுப்பியதோடு, உடனடியாக தமிழக வெற்றிக்கிழக்க தலைவர் விஜயை ஆட்சி அமைக்க அழைக்க வேண்டும் இல்லையென்றால் காங்கிரஸ் கட்சி சார்பில் தொடர் போராட்டங்கள் நடத்தப்படும் என்று கூறியுள்ளனர்.
 

இதையும் படிங்க: கேரளாவிலும் முதல்வர் பிரச்னை ஓயல!! பதவியை பிடிக்க மல்லுக்கட்டும் வேணுகோபால் - சதீஷன்!