தேர்தல் நிதியில் பாதி சுருட்டிய முக்கிய தலைகள்!! உண்மை கண்டறியும் குழுவிடம் போட்டுக்கொடுத்த காங்., நிர்வாகிகள்!

சட்டசபை தேர்தலில் திமுக கூட்டணியில் 28 தொகுதிகளில் போட்டியிட்ட காங்கிரஸ் கட்சி, வெறும் 5 இடங்களில் மட்டுமே வெற்றி பெற்று பெரும் தோல்வியை சந்தித்தது. இந்த தோல்விக்கான உண்மையான காரணங்களை கண்டறிய டெல்லி மேலிடம் சார்பில் ஐந்து பேர் கொண்ட உண்மை கண்டறியும் குழு அமைக்கப்பட்டது. முன்னாள் எம்.பி. ஜெயகுமார், சொர்ணா சேதுராமன், எஸ்.எம். இதயதுல்லா உள்ளிட்டோர் இக்குழுவில் உள்ளனர்.

இக்குழு தமிழகத்தின் பல தொகுதிகளில் கட்சி நிர்வாகிகளிடம் நேரடியாக கருத்து கேட்டு வருகிறது. மொத்தம் 23 தோல்வி தொகுதிகளில் விசாரணை நடத்த திட்டமிட்டுள்ள நிலையில், வேளச்சேரி, சோளிங்கர், கிருஷ்ணகிரி, ஊத்தங்கரை, பென்னாகரம் உள்ளிட்ட ஆறு தொகுதிகளில் ஏற்கனவே விசாரணை முடிக்கப்பட்டுள்ளது. மீதமுள்ள 17 தொகுதிகளில் விசாரணை முடிந்த பின்னர் முழு அறிக்கையை டெல்லிக்கு சமர்ப்பிக்க உள்ளனர்.

விசாரணையில் பங்கேற்ற காங்கிரஸ் நிர்வாகிகள் பலர் தெரிவித்த முக்கிய குற்றச்சாட்டுகள் பெரும் பரபரப்பை ஏற்படுத்தியுள்ளன. “தேர்தல் பணியை செலவழிக்காமல் வேட்பாளர்கள் பாதி நிதியை பதுக்கி வைத்தனர்.

இதையும் படிங்க: சொதப்பிய GenZ DMK! 2000 பேர் கொடுத்து 500 பேரே திரண்டனர்! திமுக மேலிடம் அதிர்ச்சி!

கட்சியின் மாவட்டத் தலைவர்கள் மற்றும் உள்ளூர் நிர்வாகிகளை தேர்தல் பணிக்கு அழைக்கவே இல்லை. அதற்கு பதிலாக திமுக மற்றும் விடுதலை சிறுத்தைகள் கட்சி நிர்வாகிகளுடன் மட்டுமே இணைந்து செயல்பட்டனர்” என அவர்கள் குற்றம் சாட்டியுள்ளனர்.

இந்த நடவடிக்கைகள் காரணமாக கட்சியின் அடிமட்ட தொண்டர்களிடையே அதிருப்தி அதிகரித்தது. உள்ளூர் நிர்வாகிகளின் ஒத்துழைப்பு இல்லாததால் பிரச்சாரமும் பலவீனமாக இருந்ததாக பலர் தெரிவித்தனர். தேர்தலுக்கு ஒதுக்கப்பட்ட நிதியை முழுமையாக பயன்படுத்தாததும், கட்சியினரை ஒதுக்கி வைத்ததும் தோல்விக்கு முக்கிய காரணம் என்பது இதுவரை வெளியான கருத்துகளில் தெரியவருகிறது.

காங்கிரஸ் மேலிடம் இந்த அறிக்கையின் அடிப்படையில் அடுத்தகட்ட நடவடிக்கைகளை எடுக்கும் என எதிர்பார்க்கப்படுகிறது. தமிழக காங்கிரஸில் உள்ள உள் மோதல்கள் மற்றும் நிர்வாகக் கோளாறுகள் இனி சீர்திருத்தப்பட வேண்டும் என கட்சியினர் வலியுறுத்தி வருகின்றனர். 

இந்த விசாரணை முடிவுகள் தமிழக காங்கிரஸின் எதிர்கால அரசியல் போக்கை தீர்மானிக்கும் என அரசியல் பார்வையாளர்கள் கருதுகின்றனர். தோல்வியிலிருந்து பாடம் கற்று கட்சியை வலுப்படுத்த காங்கிரஸ் தலைமை உரிய நடவடிக்கை எடுக்குமா என்பதை அடுத்த சில மாதங்கள் தீர்மானிக்கும்.

இதையும் படிங்க: ஆப்ரேஷன் நார்த்!! வன்னியர் சங்க ஓட்டுக்கு குறி! முதல்வர் விஜய் ஆடும் சதுரங்க வேட்டை!!