"சுதந்திரக் காற்றுக்காக உயிரையே கொடுத்த மாவீரன்"..! தீரன் சின்னமலைக்கு முதல்வர் விஜய் வீர வணக்கம்..!!

சுதந்திரப் போராட்ட வீரர் தீரன் சின்னமலை நினைவு நாளில் தமிழக முதலமைச்சர் விஜய் ஆழமான மரியாதையுடன் புகழாரம் சூட்டியுள்ளார். ஆகஸ்ட் 3 ஆம் தேதியன்று அனுசரிக்கப்படும் இந்த நினைவு நாளில், அவரது வீரம், தியாகம் மற்றும் தேசப்பற்றை நினைவுகூர்ந்து, தமிழக மக்களுக்கு ஒரு வலுவான செய்தியை வழங்கியுள்ளார். “ஆங்கிலேயரின் அடக்குமுறையை எதிர்த்து, விடுதலை முழக்கமிட்ட சுதந்திரப் போராட்ட வீரர் தீரன் சின்னமலை நினைவு நாளில் அவரது வீரத்தையும் தியாகத்தையும் போற்றி வணங்குகிறேன்” என்று முதல்வர் விஜய் குறிப்பிட்டுள்ளார். 

கிழக்கிந்திய கம்பெனியின் வரி வசூலையும் அந்நிய ஆதிக்கத்தையும் எதிர்த்ததோடு, தாய்நாட்டின் விடுதலைக்காக தனது இன்னுயிரைத் தியாகம் செய்த தீரன் சின்னமலையின் வீரம், தன்னம்பிக்கை, தேசப்பற்று மற்றும் தியாக உணர்வு காலம் கடந்தும் நம் தலைமுறைகளை ஊக்குவித்து வருவதாக அவர் வலியுறுத்தியுள்ளார். மேலும், சுதந்திரக் காற்றைச் சுவாசிக்கத் தன் உயிர் மூச்சைக் கொடையாகக் கொடுத்த மாவீரனின் புகழ் என்றென்றும் நிலைத்திருக்கட்டும் என்று முதலமைச்சர் விஜய் தனது புகழாரத்தை நிறைவு செய்துள்ளார்.

இந்த அஞ்சலி, தமிழகத்தின் வீர வரலாற்றை இளைய தலைமுறையினர் மனதில் ஆழமாகப் பதிக்கும் வகையில் அமைந்துள்ளது.தீரன் சின்னமலை, 1756 ஆம் ஆண்டு ஏப்ரல் 17 ஆம் தேதி ஈரோடு மாவட்டம் காங்கேயம் அருகே மேலப்பாளையம் என்ற சிற்றூரில் பிறந்தார். இயற்பெயர் தீர்த்தகிரி. இளம் வயதிலேயே வாள்பயிற்சி, விற்பயிற்சி, சிலம்பாட்டம் உள்ளிட்ட போர்க்கலைகளில் தேர்ச்சி பெற்றவர். கொங்கு நாட்டின் சுதந்திரத்தையும் சுயமரியாதையையும் காக்க தனது வாழ்நாளை அர்ப்பணித்தார். 

இதையும் படிங்க: "RSS அரைக்கால் டவுசர் அமைச்சருக்கு மிரட்டல்"... நல்ல நடிப்பு CM சார்..! அப்பாவு காட்டம்..!!

மைசூர் அரசுக்குச் செல்லவிருந்த வரிப்பணத்தைப் பறித்து ஏழைகளுக்கு வழங்கியதால் “சின்னமலை” என்ற பெயர் பெற்றார்.திப்பு சுல்தானின் மறைவுக்குப் பிறகு, ஓடாநிலையில் கோட்டை கட்டி ஆங்கிலேயர்களை எதிர்த்தார். 1801 இல் காவிரிக் கரையிலும், 1802 இல் ஓடாநிலையிலும், 1804 இல் அரச்சலூரிலும் ஆங்கிலேயப் படைகளை வெற்றிகரமாக எதிர்த்துப் போரிட்டார். போர்க்களத்தில் அவரை வெல்ல முடியாத ஆங்கிலேயர்கள் சூழ்ச்சியால் அவரைப் பிடித்து, 1805 ஆம் ஆண்டு சங்ககிரி கோட்டையில் தூக்கிலிட்டனர்.இந்த மாவீரனின் நினைவு நாளை முன்னிட்டு தமிழகம் முழுவதும் பல்வேறு நிகழ்ச்சிகள் நடைபெற்று வருகின்றன. 

இதையும் படிங்க: காவிரி பிரச்சனையில் முதல்வர் கப்சிப்..! கிள்ளுக் கீரையா நினைப்பாங்க..! Ex. அமைச்சர் ரகுபதி விளாசல்..!!