திமுகவுடன் கூட்டணி... ஒரே கொண்டாட்டம்தான்..!! பட்டாசு வெடித்து மகிழ்ச்சியை வெளிப்படுத்திய தேமுதிக தொண்டர்கள்..!!!

தமிழக அரசியலில் இன்று (பிப்ரவரி 19, 2026) ஒரு முக்கியமான திருப்பம் நிகழ்ந்துள்ளது. தேசிய முற்போக்கு திராவிட கழகம் (தேமுதிக) முதன்முறையாக திராவிட முன்னேற்றக் கழகத்துடன் (திமுக) கூட்டணி அமைத்துள்ளது. இந்த அறிவிப்பு வெளியானவுடன், தேமுதிக தொண்டர்களிடையே மிகுந்த உற்சாகம் பரவியது. பல இடங்களில் தொண்டர்கள் தெருவெங்கும் பட்டாசு வெடித்து, ஒருவருக்கொருவர் இனிப்புகள் வழங்கி மகிழ்ச்சியை வெளிப்படுத்தினர்.

இந்தக் கூட்டணி அறிவிப்பு சென்னை அண்ணா அறிவாலயத்தில் நடைபெற்ற சந்திப்புக்குப் பிறகு வெளியானது. தேமுதிக பொதுச் செயலாளர் பிரேமலதா விஜயகாந்த் முதலமைச்சர் மு.க. ஸ்டாலினை நேரில் சந்தித்துப் பேச்சுவார்த்தை நடத்தினார். பின்னர் செய்தியாளர்களிடம் பேசிய அவர், வரும் சட்டமன்றத் தேர்தலில் திமுகவுடன் கூட்டணி வைத்திருப்பதை உறுதிப்படுத்தினார்.

இது 2016-ஆம் ஆண்டிலேயே நடக்க வேண்டிய ஒரு கூட்டணி என்றும், பத்தாண்டுகள் கழித்து இப்போது நிறைவேறியுள்ளது என்றும் அவர் குறிப்பிட்டார். திமுக தலைமையிலான கூட்டணி 200-க்கும் மேற்பட்ட தொகுதிகளில் அமோக வெற்றி பெறும் என்ற நம்பிக்கையும் வெளிப்படுத்தப்பட்டது.இந்த அறிவிப்பு வெளியான சில நிமிடங்களிலேயே தேமுதிக தொண்டர்களின் கொண்டாட்டம் தொடங்கிவிட்டது.

இதையும் படிங்க: கேப்டன் ஆன்மா மன்னிக்கவே மன்னிக்காது..!! தேமுதிகவை கடுகடுத்த தமிழக பாஜக..!!

சென்னை, கோவை உள்ளிட்ட பல மாவட்டங்களில் தொண்டர்கள் கூடி, வானத்தை நோக்கி பட்டாசுகளை வெடித்தனர். சாலைகளில் நின்று கொண்டாட்டத்தில் ஈடுபட்டவர்கள் ஒருவருக்கொருவர் சாக்லேட், லட்டு போன்ற இனிப்புகளைப் பகிர்ந்து கொண்டனர். சில இடங்களில் இசை பாடல்களுடன் நடனமாடியும் மகிழ்ந்தனர்.

இதையும் படிங்க: அரசியலில் நடக்கும் அதிசயம்..!! 10 வருஷத்துக்கு முன் கலைஞர் சொன்ன அந்த வார்த்தை..!! இப்போது சாத்தியமானது எப்படி..??