முதல்வர் விஜய் முடிவுக்கு போன ஆட்சியிலேயே செக் வைத்த திமுக! தலைமை செயலருக்கு பணி நீட்டிப்பில் சிக்கல்!
தலைமை செயலர் சாய்குமாருக்கு பணி நீட்டிப்பு வழங்க அரசு முடிவெடுத்துள்ள நிலையில், தி.மு.க., ஆட்சியில் வெளியிடப்பட்ட அரசாணையால் சிக்கல் ஏற்பட்டுள்ளது.
by
சென்னை: தலைமை செயலர் சாய்குமாருக்கு பணி நீட்டிப்பு வழங்க முதல்வர் விஜய் முடிவெடுத்துள்ள நிலையில், தி.மு.க. ஆட்சியில் பிறப்பிக்கப்பட்ட ஒரு அரசாணை பெரும் சிக்கலை ஏற்படுத்தியுள்ளது. இந்த விவகாரம் அரசு நிர்வாக வட்டாரத்தில் பரபரப்பை ஏற்படுத்தியுள்ளது.
த.வெ.க. அரசு பொறுப்பேற்றபோது, மாற்றம் நிறைந்த காலகட்டத்தில் முக்கியப் பொறுப்பை வகித்தவர் சாய்குமார். வெளிப்படையான மற்றும் சிறப்பான நிர்வாகத்தை வழங்க முதல்வர் விஜய் எடுத்துள்ள முயற்சிகளுக்கு அவர் துணையாக இருந்து வருகிறார். மாவட்ட ஆட்சியர்கள், துறை செயலர்கள் உள்ளிட்ட அதிகாரிகளுக்கு தெளிவான உத்தரவுகளை பிறப்பித்து அரசு இயந்திரத்தை சீராக இயக்குவதில் அவரது பங்களிப்பு குறிப்பிடத்தக்கதாக உள்ளது.
ஆகஸ்ட் 31-ஆம் தேதியுடன் சாய்குமார் பணி ஓய்வு பெற உள்ள நிலையில், அவருக்கு நவம்பர் மாதம் வரை பணி நீட்டிப்பு வழங்க முதல்வர் விஜய் தீர்மானித்துள்ளார். இதற்கான அனுமதியை மத்திய அரசிடம் கோரியும் உள்ளது.
இதையும் படிங்க: மு.க.ஸ்டாலின் சொன்ன ஒற்றை வார்த்தை!! பதறிப்போன பிரேமலதா! அறிவாலய கதவை தேடிச் சென்று தட்டியதன் காரணம்?!
ஆனால், தி.மு.க. ஆட்சியில் தலைமை செயலராக இருந்த இறையன்பு காலத்தில், அரசு அதிகாரிகளுக்கு பணி நீட்டிப்பு வழங்கக் கூடாது எனும் அரசாணை ஒன்று பிறப்பிக்கப்பட்டது. இந்த அரசாணையை பயன்படுத்தி சாய்குமாரின் பணி நீட்டிப்புக்கு சட்ட ரீதியாக தடை ஏற்படுத்த முயற்சிகள் நடைபெறலாம் என அஞ்சப்படுகிறது.
இதனால், அந்த அரசாணையை ரத்து செய்யும் வகையில் புதிய நடவடிக்கை எடுக்க தமிழக அரசு ஆலோசித்து வருவதாக தகவல்கள் வெளியாகியுள்ளன. த.வெ.க. அரசு பொறுப்பேற்று சில மாதங்களே ஆன நிலையில், நிர்வாகத்தில் முக்கியப் பொறுப்பில் இருக்கும் சாய்குமாரை தக்க வைக்க வேண்டும் என்பது முதல்வர் விஜயின் விருப்பமாக உள்ளது.
இந்த விவகாரம் தொடர்பாக அரசு உயர் மட்டத்தில் தீவிர ஆலோசனைகள் நடைபெற்று வருகின்றன. சாய்குமாரின் அனுபவம் மற்றும் செயல்திறன் ஆகியவற்றை கருத்தில் கொண்டு, அவருக்கு பணி நீட்டிப்பு வழங்குவதற்கான சட்டபூர்வ வழிகளை ஆராய்ந்து வருவதாக அரசு வட்டாரங்கள் தெரிவிக்கின்றன.
இந்த சிக்கல் விரைவில் தீர்க்கப்பட்டு, நிர்வாகம் சீராக இயங்கும் என எதிர்பார்க்கப்படுகிறது.
இதையும் படிங்க: வைகோ தலையில் பேரிடி!! மற்றொரு எம்.எல்.ஏ-வும் புறக்கணிப்பு! தள்ளாடும் மதிமுக!
