திருவொற்றியூரில் 5 வயது சிறுமி வன்கொடுமை..! "சிங்கப்பெண் படை"..! வெளுத்துவிட்ட கனிமொழி எம்.பி.!

சென்னை திருவொற்றியூர் அருகே வடமாநிலத்தைச் சேர்ந்த ஒரு தம்பதியின் ஐந்து வயது சிறுமி பாலியல் வன்கொடுமைக்கு ஆளாக்கப்பட்ட சம்பவம் நாடாளுமன்ற உறுப்பினர் கனிமொழியை அதிர்ச்சிக்குள்ளாக்கியுள்ளது. இதுபோன்ற நிகழ்வுகள் தொடர்ந்து நடைபெற்று வருவதையும், தமிழ்நாட்டு மக்கள் பொறுப்பற்ற ஆட்சியில் சிக்கித் தவிப்பதையும் எண்ணி அவர் மனம் வருந்துவதாகத் தெரிவித்துள்ளார்.

கடந்த ஐந்து மாதங்களாக இதே போன்ற சம்பவங்கள் அடிக்கடி நிகழ்ந்து வருவதை சுட்டிக்காட்டிய கனிமொழி, குழந்தைகள் மற்றும் பெண்களுக்கு எதிரான வன்முறைகளைத் தடுக்க அரசு எடுத்த நடவடிக்கைகள் என்ன என்று கேள்வி எழுப்பியுள்ளார். வீண் விளம்பரத்திற்காக சினிமாத்தனமான சிறப்புப் படையை உருவாக்கியதைத் தவிர, இந்தப் பிரச்சினையைத் தீர்க்க உண்மையான முயற்சிகள் எதுவும் மேற்கொள்ளப்படவில்லை என்பதே உண்மை என்று அவர் குற்றம்சாட்டியுள்ளார்.

பாதிக்கப்பட்ட சிறுமிக்கு உரிய மருத்துவ உதவிகள் உடனடியாக வழங்கப்பட வேண்டும் என்றும், சட்ட உதவிகள் முழுமையாகக் கிடைக்கச் செய்ய வேண்டும் என்றும் அவர் வலியுறுத்தியுள்ளார். அத்துடன் அந்தச் சிறுமிக்கு நீதி கிடைப்பதையும், குற்றவாளிகளுக்கு சட்டப்படி கடுமையான தண்டனை உறுதி செய்யப்படுவதையும் அரசு உறுதிப்படுத்த வேண்டும் என்று கோரிக்கை விடுத்துள்ளார்.

இதையும் படிங்க: விலைவாசி விண்ணை முட்டுது! 3 மாசமா என்னதான் பண்ணீங்க? தவெக அரசை நோக்கி கனிமொழி சரமாரி கேள்வி

குழந்தைகள் பாதுகாப்பு என்பது அரசின் முதன்மையான பொறுப்பு என்பதை வலியுறுத்திய கனிமொழி, இத்தகைய கொடூரமான சம்பவங்கள் மீண்டும் நிகழாத வகையில் கடுமையான நடவடிக்கைகள் எடுக்கப்பட வேண்டும் என்று வலியுறுத்தியுள்ளார். பாதிக்கப்பட்ட குடும்பத்திற்கு தேவையான அனைத்து உதவிகளையும் வழங்கி, நீதி வழங்கும் பணியை விரைவுபடுத்த வேண்டும் என்பதே அவரது கோரிக்கையாக உள்ளது.

இதையும் படிங்க: போராடும் செவிலியர்கள்... ஒடுக்குவது அநீதி...! அரசு செவி சாய்க்க கனிமொழி எம்பி வலியுறுத்தல்..!!