கொளத்தூர் தொகுதியில் நடக்கும் அநியாயம்... GPAY நம்பர் வாங்கும் திமுக நிர்வாகிகள்..! அதிமுக கடும் குற்றச்சாட்டு..!!

கொளத்தூர் தொகுதி, சென்னை வட மாவட்டத்தில் அமைந்துள்ள முக்கியமான தொகுதி. இங்கு மு.க. ஸ்டாலின் 2011ஆம் ஆண்டு முதல் தொடர்ச்சியாக வெற்றி பெற்று வருகிறார். தற்போது முதலமைச்சராக இருப்பதால், இத்தொகுதி அரசியல் ரீதியாக மிகவும் கவனம் பெறும் இடமாக உள்ளது. திமுகவினர் வீடுகளுக்குச் சென்று மக்களின் Google Pay-க்கு பதிவு செய்யப்பட்டுள்ள மொபைல் எண்களை சேகரிப்பதாகக் கூறப்படும் வீடியோக்களும், புகார்களும் சமூக வலைதளங்களில் வைரலாகின.

திமுக நிர்வாகிகள் வீடு தோறும் சென்று மக்களிடம் அவர்களின் Google Pay-இல் இணைக்கப்பட்ட செல்போன் எண்ணை கேட்டு பதிவு செய்வதாகக் காட்டப்பட்டுள்ளது. இந்தச் செயல்பாடு சர்ச்சையை ஏற்படுத்தியது. கடந்த 2021 சட்டமன்றத் தேர்தலின்போது கூட, கொளத்தூர் தொகுதியில் ஸ்டாலினுக்கு ஆதரவாக வாக்காளர்களுக்கு Google Pay மூலம் பணம் அனுப்பப்பட்டது என்று அதிமுக தரப்பில் குற்றச்சாட்டு எழுப்பப்பட்டது.

அப்போது, வாக்காளர்களுக்கு ரூ.5,000 வரை G-Pay மூலம் பணம் அனுப்பப்பட்டதாகவும், சுய உதவிக் குழுக்களுக்கு ரூ.10,000 வழங்கப்பட்டதாகவும் அதிமுக தரப்பு தேர்தல் ஆணையத்தில் புகார் அளித்திருந்தது. இப்போது மீண்டும் இதே போன்ற சேகரிப்பு நடப்பதால், கடும் எதிர்ப்பு கிளம்பியுள்ளது.

இதையும் படிங்க: தொகுதி பங்கீடு இழுப்பறி... அடம் பிடிக்கும் CPM... சமாதான பேச்சுவார்த்தைக்கு களமிறங்கிய வைகோ..!!

சென்னை கொளத்தூர் தொகுதியில் உள்ள தன்ராஜ் நகர் குடியிருப்பு பகுதியில் திமுக நிர்வாகிகள் வீடு வீடாகச் சென்று GPAY நம்பர் வாங்குவதாக அதிமுக தரப்பில் குற்றம் சாட்டப்பட்டுள்ளது. இதனை தடுத்து நிறுத்தச் சென்ற அதிமுகவினருக்கு எதிராக காவல்துறை செயல்படுவதாகவும் குற்றச்சாட்டு முன்வைக்கப்பட்டுள்ளது. முதல்வரின் தொகுதியான கொளத்தூர் தொகுதியில் நடக்கும் இது போன்ற சம்பவங்கள் பெரும் பேசப் பொருளாக மாறுகிறது. 

இதையும் படிங்க: "பனைத் தொழிலாளர்களை தாக்கி பொய் வழக்கு"..! சீமான் கடும் கண்டனம்..!