தவெக நவீன வாஷிங் மெஷின்..! அடிமை TO ஆச்சரியக்குறி..!! திமுக கலாய்..!!
அதிமுகவில் இருந்து ஏராளமானோர் தமிழக வெற்றி கழகத்தில் இணைந்து வரும் சம்பவத்தை சுட்டிக்காட்டி திமுக கிண்டலடித்துள்ளது.
by
அதிமுகவின் முன்னாள் அமைச்சர்களான சி விஜயபாஸ்கர் மற்றும் எம் ஆர் விஜயபாஸ்கர் தமிழக வெற்றி கழகத்தில் இணைந்தனர். மேலும் திருச்சி வளர்மதி, திருப்பூர் எம்எஸ்எம் ஆனந்தன் ஆகியோரும் தமிழக வெற்றி கழகத்தில் இணைந்துள்ளனர். நான்கு நாடாளுமன்ற மற்றும் சட்டமன்ற வேட்பாளர்கள், 50 மாநில நிர்வாகிகள், 45 ஒன்றிய செயலாளர்கள் தங்களை தமிழக வெற்றி கழகத்தில் இணைத்துக் கொண்டுள்ளனர்.
மேலும் அதிமுகவின் 15 நகரச் செயலாளர்கள், 40 மாவட்ட அணி செயலாளர் என ஆயிரக்கணக்கானோர் தமிழக வெற்றிக் கழகத்தில் இணைந்தனர். புதுக்கோட்டை தெற்கு மாவட்ட செயலாளர் வைரமுத்து, பெரம்பலூர் மாவட்ட செயலாளர் இளம்பை தமிழ்ச்செல்வன் மற்றும் தஞ்சை தெற்கு மாவட்ட செயலாளர் ஒரத்தநாடு சேகர், திருச்சி மாநகர மாவட்ட செயலாளர் சீனிவாசனும் தமிழக வெற்றி கழகத்தில் இணைந்துள்ளனர். ராம்குமார், ராஜவர்மன், சதன் பிரபாகர், திருஞானசம்பந்தம், சுந்தரராஜன் உட்பட ஏழு அதிமுக முன்னாள் எம்எல்ஏக்கள் தமிழக வெற்றிக் கழகத்தில் இணைந்திருக்கின்றனர்.
அதிமுக கூடாரம் அடியோடு களைவது அக்கட்சியினரை கலக்கத்தில் ஆழ்த்தியுள்ளது. தமிழக வெற்றிக் கழகத்தில் இணைந்த முன்னாள் அமைச்சர்கள் உள்ளிட்டோரை தமிழக வெற்றி கழகத்தின் அமைச்சர்கள் ஆனந்த், ஆதவ் அர்ஜுனா உள்ளிட்டோர் கட்சி துண்டு அணிவித்து வரவேற்றனர். அதிமுகவின் தொடர்ந்து தமிழக வெற்றி கழகத்தில் இணைந்து வருவதை எதிர் கட்சிகள் விமர்சித்து வருகின்றன.
இதையும் படிங்க: செந்தில்பாலாஜியை கைது செய்ய தவெக தீவிரம்! மத்திய அரசே விசாரிக்க ரகுபதி கோரிக்கை!
திமுக தனது விமர்சனங்களை முன் வைத்துள்ளது. ஊழல் சக்தியாக சென்று தூய சக்தியாக வெளிவருவது போன்று சித்தரிக்கும் புகைப்படத்தை பகிர்ந்து விமர்சனம் செய்துள்ளது. ஊழல் வழக்கு, போதைப்பொருள், அடிதடி என்று சகல கறைகளோடும் சோபா மாடல் வாஷிங் மெஷினுக்குள் அடிமைகளாக சென்று, ஆச்சரியக்குறிகளாக வெளியே வருகிறார்கள் என தெரிவித்துள்ளது.
இதையும் படிங்க: குதிரை பேரம் குறித்து வாய் விட்ட வைகோ! ஏன் வழக்கு பதியவில்லை?! திமுக நெருக்கடி?!
