சபாநாயகரை திட்டியதற்கு இதுதான் சாட்சி!! ஓம் பிர்லா அறையில் வாக்குவாதம்! வீடியோ வெளியிட்ட மத்திய அமைச்சர்!

லோக்சபாவில் முன்னாள் ராணுவ தளபதி எம்.எம். நரவானே எழுதிய புத்தகத்தை மேற்கோள் காட்டி ராகுல் காந்தி பேச அனுமதி மறுக்கப்பட்டதால், மத்திய அரசுக்கும் காங்கிரஸுக்கும் இடையே கடும் மோதல் ஏற்பட்டுள்ளது.

இதைத் தொடர்ந்து சபாநாயகர் ஓம் பிர்லாவுக்கு எதிராக காங்கிரஸ் நம்பிக்கையில்லா தீர்மானம் கொண்டு வந்துள்ளது. இந்த சூழலில், நேற்று மத்திய அமைச்சர் கிரண் ரிஜிஜூ அறிக்கை வெளியிட்டு காங்கிரஸ் எம்பிக்களின் நடத்தையை கடுமையாக விமர்சித்தார்.

அவர் கூறியதாவது: "காங்கிரஸ் தங்கள் எம்பிக்களின் இழிவான நடத்தையை பெருமைப்படுத்துகிறது. அனைத்து பாஜக எம்பிக்களையும் தடுத்து வைத்து, காங்கிரஸ் எம்பிக்களை பாஜக பெண் எம்பிக்கள் எதிர்கொள்ளும் சூழல் ஏற்பட்டிருந்தால் மிக மோசமான நிலை ஏற்பட்டிருக்கும். பாராளுமன்றத்தின் கண்ணியத்தை காப்பதில் எங்களுக்கு நம்பிக்கை உள்ளது."

இதையும் படிங்க: மோடியை தாக்க முயற்சி?! இருக்கையை முற்றுகையிட்ட எம்.பிக்கள்?! மத்திய அமைச்சர் வெளியிட்ட பரபரப்பு வீடியோ?!

இந்நிலையில், இன்று ரிஜிஜூ சுமார் 9 வினாடிகள் கொண்ட வீடியோ ஆதாரத்தை வெளியிட்டுள்ளார். அதில், 20-25 காங்கிரஸ் எம்பிக்கள் சபாநாயகரின் அறையை சூழ்ந்து கொண்டு ஆக்ரோஷமாக பேசுவது தெரிகிறது.

This is the illegal video clip taken by a Congress MP when 20-25 Congress MPs entered the Chamber of Hon’ble Speaker, abused him and threatened Honb'le Prime Minister. Our party believes in debate & discussion and never encourage MPs to threaten physically. https://t.co/bezzALc7D3 pic.twitter.com/iM0a50Z4rg

— Kiren Rijiju (@KirenRijiju) February 12, 2026

அவர் கூறியதாவது: "இது காங்கிரஸ் எம்பி ஒருவர் சட்டவிரோதமாக எடுத்த வீடியோ. 20-25 காங்கிரஸ் எம்பிக்கள் சபாநாயகரின் அறையில் நுழைந்து அவரை மோசமாக திட்டியதுடன், பிரதமருக்கு மிரட்டல் விடுத்தனர். பாஜக விவாதம் மற்றும் ஆலோசனையில் நம்பிக்கை கொண்டுள்ளது. மிரட்டலில் அல்ல."

வீடியோவில் காங்கிரஸ் எம்பிக்கள் ஆவேசமாக பேசுவதும், ரிஜிஜூ தலைமையில் பாஜக எம்பிக்கள் அமைதியாக இருப்பதும் பதிவாகியுள்ளது. இது பாராளுமன்றத்தில் பெரும் சர்ச்சையை ஏற்படுத்தியுள்ளது.

காங்கிரஸ் தரப்பில் இதை மறுத்து பதிலடி கொடுக்கப்பட்டாலும், வீடியோ வெளியீடு அரசியல் வெப்பத்தை அதிகரித்துள்ளது.

இந்த சம்பவம் லோக்சபா செயல்பாடுகளில் எதிர்க்கட்சி மற்றும் ஆளும் கட்சி இடையேயான பதற்றத்தை மேலும் தீவிரப்படுத்தியுள்ளது. நம்பிக்கையில்லா தீர்மானம் மீதான விவாதம் எப்படி நடக்கும் என்பது இப்போது ஆவலுடன் எதிர்பார்க்கப்படுகிறது. பாராளுமன்றத்தின் கண்ணியம் குறித்து இரு தரப்பும் குற்றச்சாட்டுகளை முன்வைத்து வருகின்றன.

இதையும் படிங்க: ஆதாரமற்ற குற்றச்சாட்டுகள்?! அள்ளிவீசிய ராகுல்காந்தி? லோக்சபாவில் உரிமை மீறல் நோட்டீஸ் தாக்கல்!