ராகுல்காந்தி தலையில் பேரிடி! ஓங்கி ஒலிக்கும் ஸ்டாலின் பெயர்! காங்கிரசுக்கு எதிராக திரளும் எதிர் கட்சிகள்!!

2024 லோக்சபா தேர்தலில் பாஜக தலைமையிலான என்டிஏவை எதிர்கொள்ள காங்கிரஸ் தலைமையில் ‘இண்டி’ கூட்டணி உருவானது. திரிணமுல் காங்கிரஸ், திமுக, ஆர்ஜேடி, சமாஜ்வாதி, ஆம் ஆத்மி, இடதுசாரி கட்சிகள் உள்ளிட்ட பல கட்சிகள் இணைந்தன. ஆனால் தேர்தலில் பாஜக கூட்டணி வெற்றி பெற்றது. காங்கிரஸ் தலைமை தாங்கியதால்தான் தோல்வி என்று சில இண்டி கட்சிகள் அப்போதே விமர்சித்தன.

லோக்சபா தேர்தலில் ஒன்றிணைந்தாலும், டெல்லி, பஞ்சாப் உள்ளிட்ட மாநில தேர்தல்களில் காங்கிரஸ், ஆம் ஆத்மி தனித்தனியே போட்டியிட்டன. இதனால் கூட்டணியில் விரிசல் ஏற்பட்டது. இந்நிலையில், இண்டி கூட்டணியின் தலைமை குறித்து காங்கிரஸ் விரைவில் முடிவெடுக்க வேண்டும் என்று உத்தவ் தாக்கரே தலைமையிலான சிவசேனா வலியுறுத்தியுள்ளது.

அக்கட்சியின் அதிகாரப்பூர்வ மராத்தி நாளிதழ் ‘சாம்னா’வில் வெளியான தலையங்கத்தில் இது குறித்து விரிவாகக் கூறப்பட்டுள்ளது. “இண்டி கூட்டணியில் காங்கிரஸ், திரிணமுல் காங்கிரஸ், கம்யூனிஸ்ட் கட்சிகள் ஒற்றுமையாக இருப்பதாகத் தோன்றினாலும், பல மாநிலங்களில் எதிரெதிராக செயல்படுகின்றன. 

இதையும் படிங்க: இரைச்சலானது இசை!! முகம் சுழிக்கும் மும்பை வாசிகள்!! நாட்டின் முதல் 'ஜெய் ஹோ' இசைச் சாலையால் மக்கள் அவதி!!

மேற்கு வங்கத்தில் திரிணமுல் காங்கிரஸ்-காங்கிரஸ் மோதல் உள்ளது. கேரளாவில் காங்கிரஸ்-இடதுசாரிகள் எதிரிகளாக உள்ளனர். மகாராஷ்டிராவில் உள்ளாட்சி தேர்தலில் காங்கிரஸ் தனித்து போட்டியிட்டதால் பாஜகவுக்கு சாதகமாக அமைந்தது” என்று தலையங்கம் சுட்டிக்காட்டியுள்ளது.

லோக்சபா தேர்தலுக்குப் பிறகு இண்டி கூட்டணி என்ன ஆனது என்ற கேள்வி எழுந்துள்ளது. ஆனால் காங்கிரஸ் இதைப் பற்றி சிந்திப்பதில்லை. தேர்தல் அறிவிக்கப்பட்ட பிறகு மட்டுமே கூட்டணி பேச்சு நடத்துகிறது. ஒருமுறை கூட அமர்ந்து ஆலோசனை நடத்தியதில்லை என்று குற்றம்சாட்டியுள்ளது.

சில மாநிலங்களில் விரைவில் சட்டசபை தேர்தல் நடக்க உள்ள நிலையில், இண்டி கூட்டணியை யார் வழிநடத்துவது என்ற கேள்வி மீண்டும் எழும். அதற்கு முன்பே முடிவெடுக்க வேண்டும் என்று வலியுறுத்தியுள்ளது. தற்போதைய நிலையில் இண்டி கூட்டணியை திமுக தலைவர் மு.க. ஸ்டாலின் அல்லது திரிணமுல் காங்கிரஸ் தலைவர் மம்தா பானர்ஜி வழிநடத்தலாம் என்று பரிந்துரை செய்துள்ளது.

ஏற்கனவே காங்கிரஸ் மூத்த தலைவர் மணிசங்கர் அய்யர் போன்றோர் ஸ்டாலினை இண்டி கூட்டணி தலைவராக பரிந்துரைத்த நிலையில், சிவசேனாவின் இந்த தலையங்கம் பெரும் பரபரப்பை ஏற்படுத்தியுள்ளது.

காங்கிரஸ் தலைமையில் உள்ள குறைபாடுகளை சுட்டிக்காட்டி, கூட்டணியை பலப்படுத்துவதற்கான மாற்று தலைமை பரிந்துரை இது. 2026-க்கு முன் இண்டி கூட்டணியில் பெரிய மாற்றங்கள் ஏற்படலாம் என்ற எதிர்பார்ப்பு எழுந்துள்ளது!
 

இதையும் படிங்க: திமுக கூட்டணியில் தேமுதிக... அரசியல் எதிரிகளின் அடிவயிறு எரியும்..!! - திருமா. தாக்கு..!!