கரூர் கூட்ட நெரிசல் விவகாரம்!! ஓய்வு நீதிபதி அஜஸ் ரஸ்தோக்கி நேரில் ஆய்வு!! சூடுபிடிக்கும் விசாரணை!

கரூர்: செப்டம்பர் 27 அன்று கரூர் வேலுச்சாமிபுரத்தில் தவெக தலைவர் விஜயின் பிரசாரக் கூட்டத்தில் ஏற்பட்ட கொடூரமான கூட்ட நெரிசலில் 41 பேர் உயிரிழந்த சம்பவத்தின் சிபிஐ விசாரணையை மேற்பார்வையிட ஓய்வுபெற்ற உச்ச நீதிமன்ற நீதிபதி அஜய் ரஸ்தோகி தலைமையிலான குழு இன்று (டிசம்பர் 3, 2025) நேரடியாக ஆய்வு செய்தது. 

ஐபிஎஸ் அதிகாரிகள் சோனல் மிஸ்ரா, சுமித் சரன் உள்ளிட்டோருடன் இணைந்து சிபிஐ விசாரணை குழுவுடன் ஆலோசனை நடத்திய நீதிபதி ரஸ்தோகி, விபத்து இடத்தை நேரில் பார்வையிட்டு, பாதுகாப்பு குறைபாடுகளை ஆழமாகப் புரிந்துகொள்ள முடிந்ததாக தெரிவித்துள்ளார்.

கடந்த ஒரு மாதமாக கரூரில் முகாமிட்டு விசாரணை நடத்தி வரும் சிபிஐ குழு, குவாண்ட் கிரைம் பிரிவு அதிகாரி பிரவீன் குமார், கூடுதல் காவல் கண்காணிப்பாளர் முகேஷ் குமார் தலைமையில் 15 அதிகாரிகளைப் பயன்படுத்தி விசாரணையை முன்னெடுத்து வருகிறது. 

இதையும் படிங்க: 2026 தேர்தல் களம் யாருக்கு சாதகம்? ஸ்டாலின் டேபிளுக்கு வாரம் வாரம் செல்லும் ரிப்போர்ட்!

நீதிபதி ரஸ்தோகி குழு, டிசம்பர் 2 அன்று கரூரில் வந்து சிபிஐவுடன் விரிவான ஆலோசனை நடத்தியது. இன்று வேலுச்சாமிபுரத்தை நேரடியாகப் பார்வையிட்டு, உழவர்கள் சந்தை, லைட் ஹவுஸ் கார்னர், மனோரா கார்னர் போன்ற பிரசார அனுமதி கோரப்பட்ட இடங்களை ஆய்வு செய்தனர்.

சிபிஐ விசாரணை குழு, கூட்ட நெரிசல் வீடியோக்கள், சாட்சி வாக்குமூலங்கள், கண்காணிப்பு கேமரா ஃபுட்டேஜ் ஆகியவற்றை ஆராய்ந்து வருகிறது. 41 உயிரிழப்புகள், 110 காயங்கள் ஏற்பட்ட இந்தச் சம்பவம், விஜயின் தவெக பிரசாரத்தின் போது ஏற்பட்டது. உச்ச நீதிமன்றம், “நியாயமான விசாரணை குடிமக்களின் உரிமை” என்று கூறி சிபிஐ விசாரணை உத்தரவிட்டது. ரஸ்தோகி குழு, விசாரணையின் முன்னேற்றத்தை மேற்பார்வையிட, டிசம்பர் 4 வரை கரூரில் இருக்கும் என்று கரூர் கலெக்டர் எம்.தங்கவேல் தெரிவித்துள்ளார்.

பாதிக்கப்பட்டவர்கள், பொதுமக்கள், சங்கப் பிரதிநிதிகள் கலெக்ட்ரேட் சர்க்யூட் ஹவுஸில் மனு அளிக்கலாம் என்று அறிவிக்கப்பட்டுள்ளது. தவெக தலைவர் விஜய், “இந்த விசாரணை நியாயமாக நடக்க வேண்டும்” என்று கூறியுள்ளார். சிபிஐ, “கூட்ட நெரிசல், அனுமதி குறைபாடு, போக்குவரத்து ஏற்பாடு தவறுகள்” ஆகியவற்றை ஆழமாக விசாரிக்கிறது.

இதையும் படிங்க: கரூர் நெரிசல்ல ஏன் கரண்ட் போச்சு?!! மின்வாரிய அதிகாரிகளிடம் சிபிஐ கிடுக்குப்பிடி விசாரணை!