வைரல் வீடியோவில் இருப்பது அமைச்சர் இல்லை! நான் தான்! கண்கலங்கிய மலேஷிய பெண்.. பரபரப்பு விளக்கம்!

சமூக வலைதளங்களில் கடந்த சில நாட்களாக வேகமாக பரவி வரும் ஒரு வீடியோ குறித்து புதிய திருப்பம் ஏற்பட்டுள்ளது. காரில் இருந்து இறங்கி கருப்பு உடையில் பெண் ஒருவர் நடந்து செல்லும் அந்த வீடியோவில் இருப்பது தொழில்துறை அமைச்சர் கீர்த்தனா எனக் கூறி சிலர் பதிவுகளை வெளியிட்டிருந்தனர். இந்த தகவலை ஏற்கனவே மறுத்திருந்த அமைச்சர், வீடியோவில் இருப்பது தான் இல்லை என்றும், அந்த வீடியோவை வைத்து விமர்சிப்பது தேவையற்றது என்றும் தெரிவித்திருந்தார்.

இந்த நிலையில், வைரல் வீடியோவில் இருப்பது தான்தான் என்று மலேஷியாவை சேர்ந்த வினோஷா என்ற பெண் தற்போது விளக்கம் அளித்துள்ளார். சமூக வலைதளங்களில் பரவி வரும் வீடியோ தன்னை கடுமையாக மன அழுத்தத்திற்கு உள்ளாக்கியுள்ளதாகவும், இதுதொடர்பாக மலேஷிய போலீசில் புகார் அளித்துள்ளதாகவும் அவர் தெரிவித்துள்ளார்.

கண்கலங்கியபடி வெளியிட்ட வீடியோவில் வினோஷா கூறியதாவது: “வைரலாகும் வீடியோவில் இருப்பது நான்தான். நான் காரில் இருந்து இறங்கி வேலைக்குச் செல்லும் காட்சியை யாரோ பதிவு செய்துள்ளனர். அந்த வீடியோவை அமைச்சருடன் தொடர்புபடுத்தி சமூக வலைதளங்களில் பகிர்ந்துள்ளனர். குறிப்பாக, அமைச்சர் இப்படி உடை அணியலாமா என்ற வகையில் விமர்சனங்கள் எழுந்தன.

இதையும் படிங்க: நான் ஜென்Z தலைமுறை! லடாக்கில் ராணுவ வீரர்களிடம் வாக்குவாதம் செய்த பெண்! தவறை உணர்ந்து மன்னிப்பு கோரினார்!

அந்த வீடியோவில் நான் முறையாக உடை அணியவில்லை என்று சிலர் கூறுகின்றனர். ஆனால், நான் வேலைக்குச் செல்வதற்காக அணிந்திருந்த ஆடையில் என்ன தவறு இருக்கிறது என்பது எனக்குப் புரியவில்லை. நான் எந்த தவறும் செய்யவில்லை. இந்த விவகாரம் கடந்த இரண்டு நாட்களாக எனக்கு மிகுந்த மன அழுத்தத்தை ஏற்படுத்தியுள்ளது” என்று அவர் தெரிவித்துள்ளார்.

மேலும், தன்னைப் பற்றிய புகைப்படங்களை எடுத்து ட்ரோல் செய்ததாகவும், மோசமான கருத்துகள் பதிவிடப்பட்டதாகவும் அவர் கூறியுள்ளார். அதே நேரத்தில், குடும்பத்தினர் மற்றும் உறவினர்கள் தனக்கு ஆதரவாக இருப்பதாகவும், “உன்னுடைய தவறு எதுவும் இல்லை” என்று தைரியம் அளித்ததாகவும் தெரிவித்துள்ளார்.

“வீடியோவில் இருப்பது அமைச்சர் இல்லை; நான்தான். எனவே என்னையும், அமைச்சரையும் விமர்சிப்பதை நிறுத்துங்கள்” என்று வினோஷா கேட்டுக்கொண்டுள்ளார். மேலும், வீடியோவை தவறான நோக்கத்துடன் பரப்பியவர்கள் மீது சட்ட நடவடிக்கை எடுக்கப் போவதாகவும், ஏற்கனவே மலேஷிய போலீசில் புகார் அளித்துள்ளதாகவும் அவர் தெரிவித்துள்ளார்.

இந்த விளக்க வீடியோ தற்போது சமூக வலைதளங்களில் மீண்டும் கவனம் பெற்றுள்ளது. வைரலாகும் எந்தவொரு வீடியோவையும் அதன் உண்மைத் தன்மையை உறுதி செய்யாமல் பகிர்வது சம்பந்தப்பட்டவர்களுக்கு கடுமையான பாதிப்பை ஏற்படுத்தக்கூடும் என்பதற்கு இந்த விவகாரம் மற்றொரு உதாரணமாகியுள்ளது.

இதையும் படிங்க: உதயநிதி ஸ்டாலின் கைது! பக்கத்து வீட்டில் பால்கனியில் இருந்து வீடியோ எடுத்த முதல்வர் விஜய்யின் நண்பர் சஞ்சீவ்!