வேளச்சேரியில் துப்பாக்கி சூடுதல் போட்டி..! குறிப்பார்த்த அமைச்சர் ஆதவ்..! இளம் வீரர்கள் உற்சாகம்..!!

சென்னை வேளச்சேரியில் அமைந்துள்ள குருநானக் கல்லூரியில் மாநில அளவிலான துப்பாக்கிச் சுடுதல் போட்டி சிறப்பாக நடைபெற்று வருகிறது. இந்தப் போட்டியின் தொடக்க விழாவில் தமிழக அமைச்சர் ஆதவ் அர்ஜூனா சிறப்பு விருந்தினராகக் கலந்துகொண்டார். விளையாட்டுத் துறை சார்ந்த நிகழ்வுகளுக்கு தொடர்ந்து ஆதரவு அளித்து வரும் அமைச்சர், இந்த நிகழ்வில் இளம் வீரர்களை ஊக்குவிக்கும் வகையில் பல்வேறு நடவடிக்கைகளில் ஈடுபட்டார். 

போட்டியின் தொடக்க விழா கல்லூரி வளாகத்தில் உள்ள சாரகர்ஹி துப்பாக்கிச் சுடுதல் அகாடமியில் நடைபெற்றது. இந்த அகாடமி தமிழ்நாட்டில் துப்பாக்கிச் சுடுதல் விளையாட்டை மேம்படுத்தும் வகையில் அதிநவீன வசதிகளுடன் அமைக்கப்பட்டுள்ளது. அமைச்சர் ஆதவ் அர்ஜூனா வருகை தந்ததும், நிகழ்வு மேடையில் மரியாதைகள் நிறைவேற்றப்பட்டன. அதன் பின்னர், போட்டி தொடங்கும் முன்பாக அவர் துப்பாக்கிச் சுடுதல் உபகரணங்களை நேரில் பார்வையிட்டார்.

ஒரு துப்பாக்கியை கையில் எடுத்த அமைச்சர், அதன் இயக்க முறைமை மற்றும் குறி பார்க்கும் விதத்தை சோதித்துப் பார்த்தார். அருகில் இருந்த அதிகாரிகள் மற்றும் பயிற்றுவிப்பாளர்களுடன் உரையாடியபடி, துப்பாக்கியை இலக்கு நோக்கி நீட்டி குறி பார்த்த காட்சி அங்கிருந்தவர்களை ஈர்த்தது. இந்தச் செயல் வீரர்களுக்கு உத்வேகம் அளிப்பதாக அமைந்தது. அமைச்சர் இந்த நிகழ்வில் வீரர்களின் பயிற்சி முறைகள், போட்டி ஏற்பாடுகள் மற்றும் தேவையான வசதிகள் குறித்து விரிவாகக் கேட்டறிந்தார். 

இதையும் படிங்க: கரூர் விவகாரத்தில் ஆதவ் அர்ஜுனாவை குறிவைத்த திமுக... அவசர விசாரணைக்கு கிரீன் சிக்னல்..!

அமைச்சர் ஆதவ் அர்ஜூனாவின் வருகை மற்றும் அவரது செயல்பாடுகள் இளம் வீரர்களிடையே பெரும் உற்சாகத்தை ஏற்படுத்தியுள்ளன. போட்டி முழுவதும் வெற்றிகரமாக நடைபெற வாழ்த்துகளைத் தெரிவித்த அமைச்சர், வீரர்களின் சாதனைகளைப் பாராட்டுவதாகவும் உறுதியளித்தார்.

இதையும் படிங்க: ஆதவ் அரசியல் நாகரீகத்தை கடைப்பிடிக்கனும்..! கரூர் கணக்கு... CPI வீரபாண்டியன் அறிவுரை..!!