பசங்களா குட் நியூஸ்..! வாரத்தில் 5 நாட்களும் P.E.T. வகுப்புகள்..! அமைச்சர் ராஜ்மோகன் அறிவிப்பு..!
வாரத்தில் ஐந்து நாட்களும் உடற்கல்வி வகுப்புகள் நடைபெறும் என பள்ளிக்கல்வித்துறை அமைச்சர் ராஜ்மோகன் அறிவித்துள்ளார்.
by
தமிழக பள்ளிக் கல்வித் துறை அமைச்சர் ராஜ்மோகன் பள்ளிகளுக்கான திருத்திய கால அட்டவணையை வெளியிட்டுள்ளார். இந்த புதிய அட்டவணையின் மூலம் மாணவர்களின் உடல்நலம் மற்றும் ஒட்டுமொத்த வளர்ச்சிக்கு உடற்கல்விக்கு முன்னுரிமை அளிக்கப்பட்டுள்ளது. முதல் வகுப்பு முதல் பத்தாம் வகுப்பு வரை பயிலும் மாணவர்களுக்கு வாரத்தில் மூன்று உடற்கல்வி வகுப்புகள் கட்டாயமாக நடைபெறும் என தெரிவிக்கப்பட்டுள்ளது.
பதினொன்றாம் மற்றும் பன்னிரண்டாம் வகுப்பு மாணவர்களுக்கு வாரத்தில் இரண்டு நாட்கள் உடற்கல்வி வகுப்புகள் ஒதுக்கப்பட்டுள்ளன. இதனால் மாணவர்கள் பாடங்களுடன் சேர்த்து உடல் உழைப்பையும் பெற முடியும் என்பது அமைச்சரின் நோக்கமாக உள்ளது.இதற்கு முன்பு பல பள்ளிகளில் உடற்கல்வி பாடவேளைகள் வேறு பாடங்களுக்காக மாற்றப்படும் நிலை இருந்தது. ஆனால் இப்போது அத்தகைய நடைமுறைக்கு இடமில்லை. உடற்கல்வி வகுப்புகளை எந்தக் காரணத்திற்காகவும் ரத்து செய்யக் கூடாது என்றும், அவை கட்டாயமாக நடைபெற வேண்டும் என்றும் அமைச்சர் வலியுறுத்தியுள்ளார்.
மேலும், வாரத்தில் ஐந்து நாட்கள் உடற்கல்வி வகுப்புகள் நடைபெறும் என்ற அறிவிப்பும் வெளியிடப்பட்டுள்ளது. இது மாணவர்களின் உடற்தகுதியை அதிகரிப்பதோடு, விளையாட்டு ஆர்வத்தையும் வளர்க்கும் என எதிர்பார்க்கப்படுகிறது.பள்ளிகள் காலை 9.30 மணி முதல் மாலை 4.10 மணி வரை செயல்படும். இந்த நேர அட்டவணையில் நுண்ணறிவு மற்றும் இணையதள கல்வி கருவிகளுக்கு முக்கியத்துவம் தரப்படும் வகையில் பாடவேளைகள் அமைக்கப்பட்டுள்ளன.
இதையும் படிங்க: தலைமைச் செயலகத்திலேயே மின்வெட்டு.! “ரீல்ஸ் ஆட்சி"..! TVK அரசை கடுமையாக விமர்சித்த செந்தில் பாலாஜி..!!
உடற்கல்விக்கு ஒதுக்கப்பட்ட நேரங்களில் மாணவர்கள் விளையாட்டு, உடற்பயிற்சி மற்றும் பிற உடல் சார்ந்த செயல்பாடுகளில் ஈடுபட வேண்டும். இதனால் மன அழுத்தம் குறைந்து, கற்றல் திறன் மேம்படும் என்பது கல்வித்துறையின் நம்பிக்கை.உடற்கல்வி வகுப்புகளை முறையாக நடத்துவதற்கு ஆசிரியர்கள் தேவை. தற்போது சுமார் ஆறாயிரம் உடற்கல்வி ஆசிரியர் பணியிடங்கள் காலியாக உள்ளன. இவற்றை நிரப்ப அரசு உடனடியாக நடவடிக்கை எடுத்து வருவதாக அமைச்சர் ராஜ்மோகன் தெரிவித்துள்ளார்.
இதையும் படிங்க: எம்ஜிஆரை போல் விஜய் மீதும் மக்களுக்கு நம்பிக்கை..! "நான் அவர்கள் வீட்டு மகள்"..! மரகதம் குமரவேல் பேட்டி..!
