நடிகர் ரஜினிகாந்த் இல்லத்தில் பாஜக தலைவர்கள்..! பிரதமர் மோடியின் சாதனை நூல்கள் வழங்கிய நயினார்..!

சென்னையில் இன்று தமிழக பாஜக மாநிலத் தலைவர் நயினார் நாகேந்திரன் நடிகர் ரஜினிகாந்தை அவரது போயஸ் கார்டன் இல்லத்தில் மரியாதை நிமித்தமாக சந்தித்தார். இந்த சந்திப்பில் பாஜக மேலிடப் பொறுப்பாளர் அரவிந்த் மேனனும் உடனிருந்தார். இது ஒரு பிரத்தியேக மற்றும் மரியாதைக்குரிய சந்திப்பாக அமைந்தது. 

சந்திப்பின் முக்கிய நோக்கம் பிரதமர் நரேந்திர மோடியின் கடந்த 12 ஆண்டுகால ஆட்சியில் செயல்படுத்தப்பட்ட முக்கிய வளர்ச்சித் திட்டங்கள், நாட்டின் முன்னேற்றப் பயணம் ஆகியவற்றை விளக்கும் சிறப்பு நூல்களை ரஜினிகாந்திடம் நயினார் நாகேந்திரன் வழங்கியதாகும். இந்தப் புத்தகங்களை வழங்கியதன் மூலம் மத்திய அரசின் சாதனைகளைப் பகிர்ந்துகொள்ளும் வாய்ப்பைப் பயன்படுத்தியதாகக் கூறப்படுகிறது.

நயினார் நாகேந்திரன் தனது எக்ஸ் பக்கத்தில் இதைப் பகிர்ந்து, “பிரதமர் மோடி அவர்களின் கடந்த 12 ஆண்டுகால மக்கள் நல ஆட்சியில் செயல்படுத்தப்பட்ட முக்கிய வளர்ச்சி திட்டங்கள் மற்றும் நாட்டின் முன்னேற்றப் பயணத்தை எடுத்துரைக்கும் வகையில் வெளியிடப்பட்ட சிறப்பு நூல்களை வழங்கி மகிழ்ந்தோம்” என்று பதிவிட்டார்.

இதையும் படிங்க: இது சட்டம் ஒழுங்கா? அடக்குமுறையா?.. போராடியவர்களை கைது செய்வதா..? தவெக அரசுக்கு நயினார் சரமாரி கேள்வி!

இந்த சந்திப்பு தமிழக அரசியல் மற்றும் சினிமா வட்டாரத்தில் கவனத்தை ஈர்த்துள்ளது. ரஜினிகாந்த் தொடர்ந்து அரசியல் தொடர்பான விவாதங்களில் பேசப்படும் நிலையில், பாஜக தலைவரின் நேரடி சந்திப்பு பல்வேறு ஊகங்களுக்கு இடமளித்துள்ளது. இருப்பினும், அதிகாரப்பூர்வமாக இது மரியாதை நிமித்தமான சந்திப்பு என கூறப்பட்டுள்ளது. நடிகர் ரஜினிகாந்த் தமிழக அரசியலில் தொடர்ந்து கவனம் பெறும் நபராக இருப்பதால், இத்தகைய சந்திப்புகள் எப்போதும் பெரும் எதிர்பார்ப்பையும் விவாதத்தையும் ஏற்படுத்துகின்றன. 

இதையும் படிங்க: ஈரக்குலையே நடுங்குது.! கொஞ்சி, கெஞ்சி ஓட்டு கேட்டீங்களே விஜய்..? வேடிக்கை பார்ப்பது கேவலத்தின் உச்சம்... நயினார் தாக்கு.!