வீடியோ இருந்தும் விசாரணை நிறுத்தம்... வீரமணி விவகாரம்..! திமுகவை வெளுத்த அமைச்சர் நிர்மல் குமார்..!!

ஜெம் கிரானைட்ஸ் நிறுவன உரிமையாளர் வீரமணி மீது சிறுமிகள் மீதான பாலியல் வன்கொடுமை குற்றச்சாட்டில் எழுந்த வழக்கு தமிழக அரசியலில் பெரும் பரபரப்பை ஏற்படுத்தியுள்ளது. 2025ஆம் ஆண்டு அக்டோபர் மாதம் சென்னையைச் சேர்ந்த தன்னார்வலர் ஒருவர் பென் டிரைவ் ஒன்றில் வீடியோ ஆதாரங்களுடன் புகார் அளித்ததைத் தொடர்ந்து போக்சோ சட்டத்தின் கீழ் வழக்கு பதிவு செய்யப்பட்டது.

திமுக ஆட்சிக் காலத்தில் விசாரணை தொடங்கப்பட்டாலும், போதுமான ஆதாரங்கள் இல்லை என்ற காரணத்தால் மேல் விசாரணை தள்ளி வைக்கப்பட்டதாகக் கூறப்பட்டது. பின்னர் சிறப்பு நீதிமன்றம் வழக்கை மறுவிசாரணை செய்ய உத்தரவிட்டதையடுத்து, தற்போதைய அரசின் கீழ் வீரமணி உள்ளிட்டோர் கைது செய்யப்பட்டுள்ளனர்.

இந்த நிலையில், முன்னாள் முதலமைச்சர் மு.க.ஸ்டாலின் மீது கடும் குற்றச்சாட்டுகளை முன்வைத்துள்ளார் அமைச்சர் சி.டி.ஆர். நிர்மல் குமார். காவல்துறை மு.க.ஸ்டாலின் கட்டுப்பாட்டில் இருந்தபோதுதான் இந்தப் புகார் வந்தது என்றும், வீடியோ ஆதாரங்கள் இருந்தும் விசாரணை நிறுத்தப்பட்டது என்றும் அவர் கேள்வி எழுப்பியுள்ளார்.

இதையும் படிங்க: நிர்மல் குமார் நிர்வாகத்தில் தடுமாறும் மின்சாரம்.. பகலிலும் பவர்கட்! தமிழக மக்கள் அவதி!!

வீரமணிக்கு நன்கு தெரிந்த தொழிலதிபர் என்பதால் ஆட்சிக் காலத்தில் இந்த விவகாரம் மூடி மறைக்கப்பட்டதாகவும், பேரம் பேசி வழக்கை கிடப்பில் போட்டதாகவும் குற்றம் சாட்டியுள்ளார். பொள்ளாச்சி பாலியல் வன்கொடுமை வழக்குக்கு இணையானது இது என்று ஒப்பிட்டு, யார் யாரிடம் பணம் வாங்கி தப்பிக்க விட்டனர் என்று ஸ்டாலின் பதில் சொல்ல வேண்டும் என வலியுறுத்தியுள்ளார். தவெக அரசில் யாருக்கும் தயவு தாட்சண்யம் இல்லை என்றும், முதல்வர் விஜய் உத்தரவின்படி முழு விசாரணை நடைபெறும் என்றும் உறுதி அளித்துள்ளார்.

இதையும் படிங்க: மீனாட்சி அம்மன் கும்பாபிஷேகத்தில் பக்தர்கள் தள்ளுமுள்ளு நடந்தது ஏன்?... அமைச்சர் நிர்மல் குமார் விளக்கம்...!