கமலுக்காக குரல் கொடுக்காத விஜய்; படம் தான் முக்கியம்... கழுவி ஊற்றிய நாம் தமிழர் கட்சி!!

இயக்குநர் மணிரத்னம் இயக்கத்தில் நடிகர் கமல்ஹாசன் நடித்துள்ள திரைப்படம் தக் லைஃப். இந்த திரைப்படம் வரும் ஜூன் 5 ஆம் தேதி திரைக்கு வருகிறது. இந்த படத்தின் இசை வெளியீட்டு விழா சென்னையில் கடந்த வாரம் சனிக்கிழமை நடந்தது. அதில் சிறப்பு விருந்தினராக கன்னட நடிகர் சிவராஜ் குமார் பங்கேற்றார். இந்த விழாவில் கமல்ஹாசன் பேசிகையில், தமிழில் இருந்து பிறந்ததுதான் உங்கள் கன்னடம் பிறந்தது என்று கூறினார். இது பெரும் சர்ச்சையை கிளப்பியது.

கன்னடம் தமிழில் இருந்து பிறக்கவில்லை. அது தனித்து இயங்க கூடியது என்று கன்னட அமைப்பினர், கர்நாடகா அரசியல்வாதிகள் கூறினர். மேலும் கமல்ஹாசன் தனது பேச்சுக்கு மன்னிப்பு கோர வேண்டும் என்று தெரிவித்தனர். கமல்ஹாசன் மன்னிப்பு கோரவில்லை. இதனால் தக்லைப் படத்தை கர்நாடகாவில் திரையிட தடை விதிக்கப்பட்டுள்ளது. இந்த விவகாரம் தமிழ்நாட்டில் பேசுபொருளாக இருந்தது. திமுக கூட்டணியில் இருந்த கட்சிகள் கமல்ஹாசனுக்கு ஆதரவு தெரிவித்தன. அதேபோல் அதிமுக உள்ளிட்ட கட்சிகளும் ஆதரவு அளித்தன. பாஜக கமல்ஹாசன் மன்னிப்பு கேட்க வேண்டும் என வலியுறுத்தியது.

இதையும் படிங்க: நிகரற்ற ஏக இறைவன் அல்லாவின் அருள் கிடைக்கட்டும்! சீமான் பக்ரீத் வாழ்த்து...

ஆனால் தற்போது வரை தமிழக வெற்றிக் கழகம் இந்த விவகாரத்தில் மௌனம் காத்து வருகிறது. திரைத்துறையில் இருந்த விஜய் கமல்ஹாசனுக்கு ஆதரவாக குரல் கொடுக்காதது அனைவரையும் அதிர்ச்சியில் ஆழ்த்தியுள்ளது. இந்த நிலையில் கமல்ஹாசனுக்காக குரல்கொடுக்காத விஜய்யை நாம் கட்சியின் முக்கிய நிர்வாகியான இடும்பாவனம் கார்த்திக் கடுமையாக விமர்சித்துள்ளார். அவர் பேசுகையில், கர்நாடகாவில் ஜனநாயகன் படம் ஓடாது என்ற ஒற்றை காரணத்திற்காகவே கமல்ஹாசனுக்காக குரல் கொடுக்காமல் கள்ள மெளனம் சாதிக்கிறார் விஜய்.

அதனால் தான் தமிழ்நாட்டின் வாழ்வாரா உரிமை சிக்கல்களில் முதன்மையான காவிரி, முல்லைப் பெரியாறு, பாலாறு நதிநீர் சிக்கல்களையும் அவர் இதுவரை பேசவில்லை. ஆக, தமிழக பிரச்சனையை விட விஜய்க்கு அவரின் கடைசி படமே முக்கியம். இதுதான் விஜயின் அரசியல் லட்சணம். விஜய்க்கு கூட்டம் வருவதால் மட்டுமே மக்களின் ஆதரவு அவருக்கு இருக்கு என்று அர்த்தம் அல்ல. ஏனென்றால் சோசியல் மீடியாவில் பிரபலமாக இருக்கும் ஜிபி முத்து, டிடிஎஃப் வாசன் உள்ளிட்டோருக்கு கூட ஆதரவு இருக்கும். அதனால் விஜய் வாக்கு சதவிகிதத்தை தீர்மானிப்பது தேர்தல் தான் என்று சாடியுள்ளார்.

இதையும் படிங்க: நீதிபதி என்ன வரலாற்று வல்லுனரா? கமல் மன்னிப்பு கேட்க கூடாது! சீமான் கறார்..!