உலகத்துலயே நன்றிகெட்ட அரசியல்வாதி EPS தான்.. மீண்டும் சீண்டிய OPS ..!
எடப்பாடி பழனிச்சாமி குறித்து ஓ. பன்னீர் செல்வம் மீண்டும் விமர்சனம் செய்துள்ளார்.
by
எடப்பாடி பழனிசாமியை ஓ. பன்னீர்செல்வம் தொடர்ந்து விமர்சித்து வருவது தமிழ்நாட்டு அரசியலில் கடந்த சில மாதங்களாக மிக முக்கியமான தலைப்பாக மாறியுள்ளது. எடப்பாடி பழனிச்சாமி மீதான அதிருப்தியை விமர்சனங்கள் மூலம் ஓ. பன்னீர் செல்வம் வெளிப்படுத்தி வருகிறார்.
இது அதிமுகவின் உள் மோதல்களின் தொடர்ச்சியாகவும், 2026 சட்டமன்றத் தேர்தலுக்கு முன்பான பதற்றமாகவும் வெளிப்படுகிறது. ஓ. பன்னீர்செல்வம் அதிமுகவிலிருந்து விலகி, பிப்ரவரி 2026-இல் திமுகவில் இணைந்த பிறகு இந்த விமர்சனங்கள் தீவிரமடைந்தன. திமுகவில் இணைந்த உடனேயே நடைபெற்ற பத்திரிகையாளர் சந்திப்பில் எடப்பாடி பழனிசாமியை "சர்வாதிகாரி" என்றும் "ஆணவப்போக்குடன் நடப்பவர்" என்றும் கடுமையாக விமர்சித்தார்.
அதிமுகவை சரியான வழியில் வழிநடத்தாமல் அழிவுப் பாதைக்கு அழைத்துச் செல்வதாகவும் குற்றம்சாட்டினார். 2017-இல் எடப்பாடியை ஆதரித்தது தனது வாழ்க்கையில் மிகப்பெரிய தவறு என்று கூட அவர் பின்னர் தெரிவித்தார். இந்த விமர்சனங்கள் மேலும் கூர்மையடைந்தன. தென்காசி பகுதியில் நடைபெற்ற திமுக செயல்வீரர்கள் கூட்டத்தில் "நன்றி மறந்தவர்களுக்கு தமிழ்நாட்டு மக்கள் ஒருபோதும் வாக்கு செலுத்த மாட்டார்கள்" என்று மறைமுகமாக விமர்சித்தார்.
இதையும் படிங்க: உதயகுமார்ன்னு ஒரு ஆள் இருந்தார்... பெயரை சொல்லவே வெட்கமா இருக்கு.. ஒருமையில் விளாசிய ஓபிஎஸ்...!
இந்த நிலையில், இந்த உலகத்திலேயே நன்றிகெட்ட அரசியல்வாதி எடப்பாடி பழனிச்சாமி தான் என முன்னாள் முதலமைச்சர் ஓ.பன்னீர்செல்வம் தெரிவித்துள்ளார். பேரறிஞர் அண்ணா, கலைஞர் கருணாநிதி, எம்ஜிஆர், ஜெயலலிதா, மு.க.ஸ்டாலின் ஆகியோர் மக்கள் வாக்களித்து தேர்ந்தெடுக்கப்பட்ட முதலமைச்சர்கள் என்று கூறினார். நான் உட்பட மற்றவர்கள் எல்லாம் அப்பாயின்ட்மென்ட் முதலமைச்சர்கள் என்று OPS தெரிவித்தார்.
இதையும் படிங்க: ஊர்ந்து போய் பதவி வாங்கியவர் இபிஎஸ்... நன்றி இல்ல..! OPS சரமாரி விமர்சனம்..!!
