துண்டாகும் திமுக கூட்டணி? காங்கிரஸின் HIGH DEMAND... முதல்வருடன் ப. சிதம்பரம் சந்திப்பு..!!
முதலமைச்சர் ஸ்டாலினை நேரில் சந்தித்து ப. சிதம்பரம் ஆலோசனை நடத்தினார்.
by
திமுகவும் காங்கிரஸும் இடையேயான கூட்டணி உறவு தமிழக அரசியலில் நீண்டகாலமாக மிக முக்கியமானதாகவும், சில சமயங்களில் சிக்கலானதாகவும் இருந்து வருகிறது. இந்த உறவு வெறும் தேர்தல் கூட்டணி மட்டுமல்லாமல், திராவிட இயக்கத்தின் வரலாறு, தேசிய அரசியல் சூழல், பொதுவான எதிரிகளை எதிர்கொள்ளும் தேவை ஆகியவற்றால் வடிவமைக்கப்பட்டது. 2021 சட்டமன்றத் தேர்தலில் திமுக தலைமையிலான கூட்டணியில் காங்கிரஸுக்கு 25 தொகுதிகள் ஒதுக்கப்பட்டன.
இதில் காங்கிரஸ் 18 தொகுதிகளில் வென்றது. இந்த வெற்றி இரு கட்சிகளுக்கும் பெரும் பலத்தை அளித்தது. திமுகவின் ஆட்சி அமைப்பதற்கு காங்கிரஸ் ஆதரவு மிக முக்கியமானதாக இருந்தது. இதனால் இரு கட்சிகளுக்கும் இடையேயான நம்பிக்கை உறவு வலுப்பெற்றது. ராகுல் காந்தியும் எம்.கே. ஸ்டாலினும் தனிப்பட்ட அளவில் நெருக்கமான உறவைப் பேணி வருகின்றனர். "சகோதரர்" என்று ஒருவரை ஒருவர் அழைப்பது, பொது நிகழ்ச்சிகளில் ஒன்றாகத் தோன்றுவது ஆகியவை இதற்கு சான்று.
ஆனால் 2026 சட்டமன்றத் தேர்தலுக்கு முன்பாக இந்த உறவில் சில பதற்றங்கள் தெரியத் தொடங்கியுள்ளன. தொகுதிப் பங்கீடு பேச்சுவார்த்தைகள் தீவிரமடைந்துள்ள நிலையில், கூடுதல் தொகுதி ஒதுக்காவிட்டால் கூட்டணியில் இருந்து வெளியேற ராகுல் காந்தி முடிவெடுத்திருப்பதாக தகவல் வெளியாகியிருக்கிறது. ஆட்சியில் பங்கு என்பதற்கு வாய்ப்பே இல்லை என திட்டவட்டமாக திமுக மறுத்துள்ள நிலையில் காங்கிரஸ் அதிருப்தியில் இருப்பதாக கூறப்படுகிறது. 21 இடங்களில் தொடங்கி 25 இடங்கள் வரை மட்டுமே அளிக்க முடியும் என திமுக திட்டவட்டமாக தெரிவித்திருப்பதாக கூறப்படும் சூழ்நிலையில் கூட்டணி முடிகிறதா என்ற கேள்வி எழுந்துள்ளது.
இதையும் படிங்க: வரிப்பணத்தில் அருட்கொடையா? இப்படி ஒரு அரசியல் பிழைப்பு... வெளுத்து வாங்கிய முன்னாள் அமைச்சர் வளர்மதி..!
நிலையில், சென்னை ஆழ்வார்பேட்டையில் உள்ள முதலமைச்சரின் இல்லத்தில் முதல்வர் ஸ்டாலினை முன்னாள் மத்திய நிதியமைச்சர் ப.சிதம்பரம் சந்தித்தார். முதலமைச்சர் ஸ்டாலினை காங்கிரஸ் மூத்த தலைவர் ப.சிதம்பரம், தமிழ்நாடு காங்கிரஸ் கமிட்டி தலைவர் செல்வப் பெருந்தகை ஆகியோர் நேரில் சந்தித்தனர். திமுக - காங்கிரஸ் கூட்டணியில் விரிசல் ஏற்பட்டுள்ள நிலையில் முதலமைச்சரை ப. சிதம்பரம் சந்தித்துள்ளார்.
இதையும் படிங்க: எல்லாத்தையும் கொன்னுட்டு... "வெல்வோம் ஒன்றாக" வேற..! முதல்வரை கிழித்து தொங்கவிட்ட நயினார்..!!
