பாமக வேட்பாளர் பட்டியல் 2026: சசிகலா - ராமதாஸ் கூட்டணியில் 5 இடங்களுக்கு வேட்பாளர்கள் அறிவிப்பு!

தமிழகச் சட்டமன்றத் தேர்தல் களம் சூடுபிடித்துள்ள நிலையில், பாட்டாளி மக்கள் கட்சியின் (பாமக) நிறுவனர் மருத்துவர் ச. ராமதாஸ் அவர்கள் இன்று தனது தரப்பு முதற்கட்ட வேட்பாளர் பட்டியலை வெளியிட்டுள்ளார். வி.கே. சசிகலாவின் அனைத்திந்திய புரட்சித்தலைவர் மக்கள் முன்னேற்றக் கழகத்துடன் (அஇபுதமமுக) கூட்டணி அமைத்துள்ள பாமக (ராமதாஸ் தரப்பு), முதற்கட்டமாக 5 முக்கியத் தொகுதிகளுக்கான வேட்பாளர்களை அறிவித்துள்ளது.

பாமக தற்போது ராமதாஸ் மற்றும் அன்புமணி என இரு பிரிவுகளாகச் செயல்பட்டு வரும் நிலையில், இந்தத் தேர்தல் அறிவிப்பு அரசியல் வட்டாரத்தில் பெரும் பரபரப்பை ஏற்படுத்தியுள்ளது.

இந்த நிலையில் பாமக நிறுவனர் ராமதாஸ் ஐந்து வேட்பாளர்கள் பட்டியலை வெளியிட்டுள்ளார்

1. சேலம் மேற்கு தொகுதி அருள்
2. கும்பகோணம் குடந்தை ம க ஸ்டாலின்
3. விருத்தாசலம் இ கே சுரேஷ்
4. வந்தவாசி முரளி சங்கர்
5. மயிலாடுதுறை  சக்திவேல்

இதையும் படிங்க: #BREAKING: விஜய்க்கு போட்டி யார்? பாமக வேட்பாளர்கள் பட்டியல் வெளியீடு..!! முழு விவரம்..!!

நேற்று (மார்ச் 29) சசிகலா தனது அஇபுதமமுக சார்பில் 23 வேட்பாளர்களை அறிவித்திருந்த நிலையில், இன்று ராமதாஸ் தரப்பு தனது பட்டியலை வெளியிட்டுள்ளது. ஒருபுறம் ராமதாஸ் சசிகலாவுடன் கூட்டணி அமைத்துள்ள நிலையில், மறுபுறம் அன்புமணி ராமதாஸ் தலைமையிலான பாமக, பாஜக தலைமையிலான தேசிய ஜனநாயகக் கூட்டணியில் (NDA) இணைந்துள்ளது. 

அன்புமணியின் பாமக-விற்கு அக்கூட்டணியில் 18 இடங்கள் ஒதுக்கப்பட்டுள்ளன என்பது குறிப்பிடத்தக்கது.  வேட்புமனு தாக்கல் தொடங்கிய முதல் நாளிலேயே (இன்று காலை 11 மணி) இப்பட்டியல் வெளியாகியுள்ளது.

இன்று சென்னையில் தவெக தலைவர் விஜய் பிரசாரம் மேற்கொண்டு வரும் வேளையில், வட மாவட்டங்களில் செல்வாக்கு மிக்க பாமக இரு பிரிவுகளாகப் பிரிந்து வெவ்வேறு கூட்டணிகளில் களம் காண்பது தேர்தல் முடிவுகளில் பெரிய தாக்கத்தை ஏற்படுத்தும் என எதிர்பார்க்கப்படுகிறது.
 

இதையும் படிங்க: மாம்பழம் சின்னத்தை முடக்க முடியாது..!! நீதிமன்றம் அதிரடி தீர்ப்பு..!! ஷாக்கில் ராமதாஸ்..!!